تفسير احلام الثلاثاء 20/11/2012باذن الله

بسم الله الرحمن الرحيم
السلام عليكم
نبدا بوضع احلام اليوم
ان شاء الله
برجاء الالتزام يابنات بالترقيم
وحلم واحد لكل عضوه
وان شاء الله خير
وربنا يجعله فى ميزان حسنات ماما نجيه
ياجماعه الى هايزيد عن حلم واحد هايتحذف اخر تنبيه حلم واحد لكل عضوه

حلم رقم 1
السلام عليكم يا ماما نجية
ده حلم بابا
حلم ان الرئيس السادات وواحد معاه كانه وزير خارجيه معروف وكانوا فى مكان الاجتماعات اللى بابا شغال فيه وبعد ما خلص الاجتماع بابا راح سلم على السادات وقله ممكن اقبلك وقبله من جبينه وقاله على فكره انا ليا عندك عمره فقال لبابا عندك حق بس انا برضه وقفت وقلت للناس كلها انك احسن محاسب موجود هنا وانتهى الحلم
ماما نجيه بابا من فتره كان مفروض يترقى فى الحقيقة بس حصلت مشاكل والترقيه مجتش
الحالة الدينية لبابا كويسه الحمد لله

الحلم رقم 2
ازيك ياماما يارب تكونى بخير وصحه يارب
انا انسه عندى 30 سنه بدعى بالزوج الصالح والحمد لله ملتزمه وبقيم الليل كتير حلمت قبل الفجر اللهم اجعله خير انى فى مكتب راجل اعرفه والراجل ده فى الحقيقه اسمه محمد وعنده شركة سياحه ... المهم انه كان عنده بنت بس انا معرفهاش والبنت دى عايزه تشتغل عنده يعنى تسافر معاه فى الحج والعمره وانا محمد اعطانى ورقه وقالى اكتبى اسمك كامل وهو والبنت كانوا بيبصوا عليا وانا بكتب فكتبت اول 3 حروف بالانجليزى فهماقالولى خطك جميل بس صغير فانا كنت باكل فقولت هكمل اكلى وبعدين اكمل الاسم وبعدين كملت الاكل وكملت كتابة الاسم وبعد ماخلصت حسيت انه خطى جميل بس صغير فعلا فقولت هكتبه من تانى وبعدين انا كنت عايزه اشتغل واسافر انا كمان فالبنت أللى عنده زعلت عشان انا عايزه اشتغل فانا قولتله انت عارف انى اقدر افتح مكتب سياحه احسن من مكتبك وعيدت الجمله دى مرتين فهو قالى انا عارف طبعا وكنت فى نفس وقت الحوار ده بقطع ورقه عشان اكتب اسمى تانى بخط كبير بس وصحيت يارب اجعله خير وشكرا على تعبك وربنا يجازيكى خير

تابع حلم رقم 2
محمد ده متجوز ومخلف وعلاقتنا بيه هو واهله كويسه جدا
وهو كل اما يسافر حج او عمره يقولى دعيتلك كتير وانا هناك

عضوة عدد المساهمات : 111 تاريخ التسجيل : 06/10/2011

الحلم رقم 3 :

السلام عليكم ورحمة الله وبركاته

عام هجرى جميل ومبارك عليكم ان شاء الله

حلمت
انى عند عمتى انا واخواتى وابنها اتصل (اللى احنا مش بنكلمه هو ومراته
عشان اتكلموا عليا فى شرفى وهما عندهم طفل صغير ) وقال لعمتى ان هما فى
السوبر ماكرت بيشتروا حاجات .. وبعدين كأنه اتصل تانى قالها ان هو باع
الخروف عشان يكمل دراسة .. وفى الاخر معرفش يكملها .. وفى اخر الحلم جه
البيت وكان فيه كيس فيه لفات لحمة حوالى 3 أو 4 وهو راح واخد واحدة وقال
لعمتى انه هيبيع دى كمان (كأنها من نفس الخروف ) عشان مفيش فلوس ..

ده
اللىف اكراه من الحلم مع العمل انىمعرفش حاجة عنهم ولا عن خرفان ولاأى
حاجة لكن اعرف بقالى سنة انه كان بيكمل دراسة الله أعلم خلصها ولا لا ..

انا انسة مش متزوجة وخلصت دراسة وتدينى متوسط

الحلم ده

˙·٠•●♥♥♫ RANOSH●RANA ♥♥♫♥ كتب:

و كمان حلمت انهرده ان زميلتي شيرين من ايام الكليه كانت زي ما يكون هي بايته عندي او انا مش عارفه
المهم اني صحيت من النوم و قولتلها ازيك يا شيري
و قعدت ااقولها بيتك حلو و عفشك ذوقه عالي
و قعدنا نفطر انا و هي و زميله ليا في الشغل
فا بسئل شيرين جوزك مصطفي قالتلي لا جوزي اسمه نادي

شيرين بقالي كتير معرفش عنها حاجه دي من ايام الكليه و هي كانت اتجوزت و من و احنا بندرس في اخر سنه

بس قمت يا ماما مشتاقه ليها قوي و وحشاني قوي
و عايزه اعرف اخبارها
لكن لاسف مفيش رقم اوصلها بيه

lor=red]]حبيبتى ان شاء الله سوف تتزوجى قريبا مثل شرين والله يوفقك[/size]
انا متزوجه يا ماما و ام

حلم رقم 6
حلمت اني انا وبابا قاعدين علي شط البحر وفي ديوك رومي كتير او بطريق بيعموا في الميه وانا بقول لبابا بعدين يغرقوا قالي لا متخافيش ومره واحده البحر فاض طلع لبره غطي الرمله كلها مرتين فبابا قال يلا نروح كفايه كده وانا مروحه لاقيت واحده صحبتي من زمان مشوفتهاش حدفتني بطوبه وبعدين اتصالحنا بي هي كانت حاطه مكياج في نص وشها والنص التاني لاء واديتها رقم موبيلي وقالت هتتصل
ماما شافت حلم اني سرقت شراب لونه بمبي وعلبتين بويه احده ابيض وواحده ازرق الحاجات دي جايبها خالي مش عارفه جايبهم من الحج ولا لاء مش متاكده
وشوفت بنت صغيره شبهي بالضبط وعامله شعرها فورمه وانا ببوسها وبطبطب عليها
انسه الحاله الدينيه متوسطه صحبتي دي من ايام الكليه مشوفتهاش اسمها ايمان خالي معندهوش ولاد

الحلم رقم (7)
حلمت انى كنت قاعدة على الكمبيوتر ودخلت عليا اختى قالت لى انها عايزة تقعد شوية يعنى خمس دقايق وتقوم قلت لها طيب فقعدت بس اخدت اكتر من خمس دقايق فأنا اتضايقت جدا وقعدت اتكلم بصوت عالى فوالدى سمعنى واتضايق فطلع لى وصرخ فيا وخدت كلمتين منه وزعلت وخدت نفسى وخرجت من البيت لقيت نفسى فى عمارة وكانت والدتى معايا بس كانت عمارة فخمة جدا مش عارفة كنا رايحين لمين هناك بس والدتى كانت عارفة هى رايحة لمين بس مكناش عارفين الشقة فى اى دور قعدنا نطلع ونخبط على شقة شقة لغاية ما وصلنا للناس اللى عايزينهم ودخلنا جات بنت تسلم عليا مديت لها ايدى فهى استغربت وسلمت عليا بس بعد كده قالت لى ان هى من بلد تانى تقريبا الكويت او السعودية فقالت لى ان طريقة سلامهم مش كده وقالت لى على طريقة السلام بتاعتهم فأنا ابتسمت وبعد كده دخل علينا عريس وعروسة بس من غير زفة او اى حاجة دخلوا واحنا مشينا وراهم نزفهم لغاية ما دخلناهم الاوضة وبعد كده انا لقيت نفسى فى فصل فى المدرسة وكان المدرس واحد ممثل وانا كنت قاعدة جنب المطرب محمد منير وكان بيكتب حاجات هو عاملها فى ورقة وكان عايز يديهانى علشان اتفرج عليها بس انا طنشت وبعد كده دخلت واحدة صاحبتى بس لاحظت ان ضهر كفها مخروم وايدها الاتنين كمان انا زعلت عليها اوى واصحابها قعدوا يطبطبو عليها وهى بتعيط
الحلم ده اتكرر معايا فى نفس اليوم
حلمت انى كنت قاعدة على الكمبيوتر وبكتب حلم وكنت قربت اخلص فدخل عليا اخويا وقال انه عايز الجهاز قلت له لما اخلص كلها ساعة وهقوم وبعدين دخلت اختى وقالت لى عايزين الجهاز علشان والدى عايزه ولسه بكلمها لقيتها هى واخويا فكوا الجهاز وخدوه من غير ما يسمعونى حتى انا اتضايقت جدا وقعدت اخبط فى الكرسى وبعد كده افتكرت الحلم الاولانى ده وقلت يمكن ده تفسيره وبعدين قعدت مستنية وانا متضايقة فدخل اخويا وكلمنى بس انا مرديتش عليه فأختى قالت له سيبها هى متضايقة من اللى احنا عملناه معاها وسيبتهم ورحت افعد على الجهاز وبعد كده لقيت نفسى مع اخواتى ووالدتى كنا بنتفرج على التليفزيون فلقيت جنبى كوباية شاى كنت عايزة اشربها بس كنت عايزة كحكة اغمز بيها الشاى قعدت ادور حواليا ملقيتش فقلت خلاص ابقى اجيب من الاوضة

أنا آنسة ومتدينة الحمد لله

الحلم رقم 8

اذيك يا اجمل ماما فى الدنيا عامله ايه؟
انا اتبعت نصيحه حضرتك وبقرا يوميا سورة البقره يوميا وببقى اقراها على مايه عاديه واشربها واغسل بها وجهى وقيام الليل الحمد لله بصلى وبقيت ملتزمه فيه والصلوات فى اواقاتها الاولى حتى صلاه الفجر الحمد لله يارب دمها نعمه عليه يارب

امبارح قرات سورة البقره قبل الفجر وصليت الفجر واستغفرت فتره ونمت

انا كان متكلم عليه ناس يجى يتقدمو من حوالى اربع اسابيع لكن للاسف العريس لسه مجاش وومفيش رد وانا عرفت كده انهم رفضو ونسيت الموضوع
شوفت امس رؤيه بعد الفجر
ان جارتى اللى جايبه لى العريس ده واقفه فى محل جمبنا وانا طالعه من بابا البيت لقيتها بتقولى هو والدى مش عندكم قولت لها لا مجاش عندنا
قالت ازاى ده كان بيرن عليه انا عرفت انها تقصد العريس لانه قريب والدها
وبعدين لقيتها فى مشهد تانى وبتقول لماما طلبتكم ايه عشان العريس فماما كانت زعلانه منها وعماله تطنشها وانا كنت فى غرفتى سامعه ومضايقه ان ماما مش بتعطى لها رد انهم يجو وعيطت وفتحت الاميل وحكيت لاختى واختى زعلانه عشانى وقالت لى خلى اختك اللى عندك تتصرف وماما كانت زعلانه منها انها مقلتشى لها فى الاول ومعرفه سلفتها وسلفتها سالت ماما عليه قالت مفيش حد جه لها وسلفتها افتكرت ان ماما كذابه عشان كده كانت زعلانه من جارتى اللى جايبه العريس
وبابا برده مسمعتوش قال لهم قرار وفجاءه معتش سمعت حاجه وجارتى مشت وانا معرفشى قالو لها ايه يجو ولا لاء وكنت زعلانه عليه اوووووووووووى
انا انسه متدينه والحمد لله 24 سنه

وحلم اخر ان انا بقول لواحده جارتى ان انا اشتريت حقن لشعرى عشان متقصف وكبسولات وكنت بفرجها على حاجات اللى شعرى

عضوة عدد المساهمات : 13 تاريخ التسجيل : 16/08/2011

الحلم رقم٩
زوجى حلم انه بيعمل عمره هو واخوه وكانوا ف الدور التانى من المسجد واخوه قاله ان اللفتين فوق بلفة واحدة تحت
وزوجى لف بسرعة ولف حوالى ٤٠ لفة ووبعدها راحوا زى مدرسة شافوا مصاحف جميلة جدا جدا وكان زوجى عاوز ياخد واحد بس خاف ان كدا يبقى سرقه فمرضاش ياخده بسهو كان عاجبه جدا وخاف ليكون سرقه
زوجى واخوه العلاقة بينهم مش اوى بس بيتكلموا
اخو زوجى عمل عمرةف الحقيقة
زوجى معملش لسه عمره

حلم 10

حلمت خالتي انها لما صحت من النوم انزلت منها نقطه الدم

وحلمت بنت خالتي في خالتي لابسه فستان ابيض وكان يوم عرسها وقلدتها والبست نفس الفستان والون

مشكوره ي ماما نجيه تعبتك معي

عضوة عدد المساهمات : 162 تاريخ التسجيل : 11/09/2011

حلم رقم 11

ازيك ياماما نجية
عاملة ايه

انا حلمت حلم بس مش عارفة دي رؤية ولا حديث نفس؟
انا بدعي كتير اسافر عمرة السنة دي

حلمت اني انا وماما سافرنا عمرة وانا كنت عمالة اقول
واذ جعلنا البيت مثابة للناس وامنا واتخذوا من مقام ابراهيم مصلي
وانا ببص للسما كده رحت لقيت مطرة بتمطر
رحت رفعت ايدي وقعدت ادعي ان ربنا يجعلني من المسلمين ويرزقني زوج صالح
وكانت فيه مية بتنزل علي وشي وايدي

وبعد كده جه مشهد اني في البيت وجرس البيت رن وفتحت لقيت محمد اخويا بيديلي إزازة مانيكير لونه اخضر زرعي
راحت اختي قالتلي وريني كده
قلتلها حاسبي متضيعهوش عشان عاجبني وعايزة اشيله
بس

12

السلام عليكم و رحمة الله و بركاته

في واحدة صحبتى واحد زميلنا فى الكلية رايح يتقدم لها كمان اسبوعين ان شاء الله

حلمت ان انا و هى مع بعض و واحدة صحبتنا بتقولنا شعركم باين من الطرحة !

و حطيت ايدي على شعري لقيته باين حبة منه من تحت الطرحة و حطيت ايدى عليه اداريه و هى كمان

انا بصلي قيام الحمد لله و بدعي ليا و ليها بالزوج الصالح
و بدعيلها ربنا يتمم لها موضوعها مع زميلها على خير يااارب على طول

هل الحلم ده ليه علاقة بالدعاء اللى بدعيه ؟

الحلم رقم 13
انا من شهر 12 السنه الماضيه يعنى الحلم بقاله سنه
كان فى شخص متقدم ورفضنى شوفت رؤيه ان فى حد بيقولى انتى خطوبتك فى شهر 3
وبس
انا انسه متدينه والحمد لله
هل شهر 3 ده هجرى ولا ميلادى وهل ده بتبقى بشاره ولازم تتحق هيه متحققتشى السنه الماضيه
ومنتظره شهر 3 بفارغ الصبر

عضوة عدد المساهمات : 916 تاريخ التسجيل : 17/07/2011

14
اختى اللى نايمة فى العسل وملهاش دعوة خااااالص ونهااااائى بموضوع بسيونى ولا لها صلة بيه شافتلى رؤية عنه
قبل الفجر وحكيتهالى انهارده الصبح وبتقولى انه مش على بالها خالص وجاية مستغربة اوى انه جالها فى منام !!! .. شافت خير اللهم اجعله خير انه عندنا فى البيت فى الجزء بتاع غرف النوم فراحت ماما ندهت عليه وقالتله تعالى نام عندنا بدل ما تبات بره فراح داخل اوضه اخويا على اساس انه هيبات معاه فى الاوضه وراح مقيم الصلاة وصلى عندنا فراحت امى قالت لاختى الكبيرة روحى هاتى شقق وارغفة عيش من اللى احنا خبزناهم عشان يتعشى بيهم قبل ما ينام فراحت اختى تجيب العيش وقعدت تنقى احسن الارغفة عشان تديهاله وبعدين رجعتله بقا بالعيش عشان تديهوله لقيته ماسك الموبايل الخاص بيا انا وقاعد يقلب ويدور فيه فهى قالت طب اخرة ما هو مهتم بيها كده ايه والمفروض انه
خاطب ...فلقيته نازل تدوير فى الموبايل بتاعى وقاعد يتفرج على الصور لحد ما لقى كده صورة مش كويسة عندى فقعد يقول ايه ده ويزعق وايه اللى جاب الصورة اللى مش كويسة دى عندها وانا اللى كنت فاكر ان مفيش زييها وكنت ناوى , فراحت اختى قايلاله لا ايناس ملهاش دعوة بالصورة دى ومش تبعها ده الصورة دى كانت عند اخوها على الموبايل وانا كنت بنقل حاجات من موبايل اخوها لموبايلها والصورة دى اتنقلت معاهم بالغلط لكنها مش بتاعة
ايناس بالعكس دى ايناس من حفظة القرآن ومش بتاعة الكلام ده وقعدت تقسمله انها مش تبعى وهوه هدى شوية بس قعد يقول برده ماكنش ينفع الصورة دى تجيلها والمهم هدى كده واختى لقيته فجأة قاعد عندنا بقا فى الصالة وفيها ناس من معارفنا وناس تانية ولقيته جايبلى شبكة دهب ولقيته جايب من ضمنها خاتم سوليتير (زى الخاتم اللى اخويا جايبه لخطيبته ) وراح ملبسهولى فى ايدى واخويا قاعد مستغرب بس كان مبسوط وانتهى المنام على كده

الحلم رقم 15

أختى حلمت إن أنا وهى وإبنها كنا فى شقتها فدخل علينا حرامى وكان معاه مسدس بيهددنا بيه وزى ما يكون مصوب المسدس إتجاه إبنها وعايزها تخلع الدبلة فهى خافت على إبنها وقلعتها وإديتهاله فأنا وقفت قصاده وقولتله هو إنت فاكر إننا هنخاف من المسدس بتاعك دا ولا إيه وزى ما أكون بتحداه إن هو يعمل حاجة فهى قالتلى سيبيه يمشى وباخد الدبلة مش مهم خلاص
أختى متزوجة وعندها ولد وفى خلافات بينها وبين زوجها هذه الأيام ولكن هذا الحلم كان من فترة طويلة

16

حلمت ان ماما اشترت شنطة قمصان نوم وانا فتحتها لاقيت قميص لونه موف ستان وبيلمع عجبني روحت لابساه لاقيته حلو اوي وماما شفته عليا قالتلي جميل خديه وانا عجبني وانا لابساه

وخلص الحلم علي كدة

مع العلم اني انسة

معلش يا ماما حلم صغير

الحلم الثاني

حلمت اني لابسة دبلة دهب ابيض وتوينز في ايدي اليمين وكنت فرحانة بيهم وعمالة ابص عليهم وكانوا شبه الالماس

وخلص الحلم علي كدة

عضوة عدد المساهمات : 146 تاريخ التسجيل : 25/09/2011

الحلم 17
السلام عليكم ياامى
انا كنت حلمت امبارح خير اللهم اجعله خيراا انى كنت قعدة على البحر شوية مع اصحابى وكان فى بينى وبينهم خلاف فسبتهم ومشيت وانا طالعة شفت مروة صحبتى فخدتى بالحضن وقعدت تشلنى وهيه حضنانى وكده فانا كان نفسى اشوف بنتها فروحت معاها البيت انا وصحابنا البنات ولما شفت بنتها عل السرير كانت قعدة بتعيط (وكان بنتها فى الحلم لسه رضيعة اصغر من الحقيقة يعنى) فانا كان نفسى اشيلها وكان شكلها كان عايز يرجع يستفرغ يعنى فقلت هشلها فى كل الحالات وفعلاا اول مشلتها استفرغت على كتفى فسبتها وقت هروح امسح كتفى

مع العلم ان مروة حاليا متجوزة وعايشة فى السعودية وبنتها عندها سنة ونص اكبر من الحلم يعنى
انا عندى 26 سنة - انسة - غير مخطوبة - لااعمل - ادعو الله بالرزق - وفى شاب عايز يتقدملى كمان 4 شهور بس انا على اتصال بيه وحصل خلاف بينا امبارح ضايقنى

slasel كتب:: الحلم 17
السلام عليكم ياامى
انا كنت حلمت امبارح خير اللهم اجعله خيراا انى كنت قعدة على البحر شوية مع اصحابى وكان فى بينى وبينهم خلاف فسبتهم ومشيت وانا طالعة شفت مروة صحبتى فخدتى بالحضن وقعدت تشلنى وهيه حضنانى وكده فانا كان نفسى اشوف بنتها فروحت معاها البيت انا وصحابنا البنات ولما شفت بنتها عل السرير كانت قعدة بتعيط (وكان بنتها فى الحلم لسه رضيعة اصغر من الحقيقة يعنى) فانا كان نفسى اشيلها وكان شكلها كان عايز يرجع يستفرغ يعنى فقلت هشلها فى كل الحالات وفعلاا اول مشلتها استفرغت على كتفى فسبتها وقت هروح امسح كتفى

مع العلم ان مروة حاليا متجوزة وعايشة فى السعودية وبنتها عندها سنة ونص اكبر من الحلم يعنى
انا عندى 26 سنة - انسة - غير مخطوبة - لااعمل - ادعو الله بالرزق - وفى شاب عايز يتقدملى كمان 4 شهور بس انا على اتصال بيه وحصل خلاف بينا امبارح ضايقنى

معلش يا ماما كنت نسيت حاجة المحبس مكنش توينز كان محبس عادي بس مليان فصوص زي فصوص الالماس

رقم 18

سلام عليكم

هو انا كان ف عريس متقدملى وكدة بس محصلش نصيب

المهم حلمت حلم خير اللهم اجعله خير ان لقيت رقم ف تليفونى عليه اسم بنت اسمها هند وانا اتصلت بالرقم دة عشان اعرف هى مين وبقولها انا مش عارفاكى قالتلى لا انتى عررفانى كويس والعريس دة كان جمبها وانا سامعه صوته وهى كأنها اخته وفكرانى انى بتصل بيها قاصده عشان ارجع الموضوع تانى روحت بقولها ع فكره انا معرفكيش وهى تقولى لا انتى قاصده تكلمينى فسمعته بيقولها اتكلمى معاها كويس هى متقصدش تكلمك انا اللى اديتها رقمك اصلا لما كنت اعد معاها

وبعدين لقيت مامته واخته دى واخته التانيه جم عندنا البيت وقعدوا يعتذرولى كتيير جدااا وان هو اللى بعتهم عشان يكلمونى

بس الحلم خلص ع كدة بس وع فكره اسم اخته مش هند ف الحقيقه وقمت من الحلم ع ادان الفجر

الحلم رقم 19
حلمت يا ماما خير يارب اتنهارده

ان زمايلي في الشغل كانو شايفني واقفه في الشارع مع ناس و انا اصلا كنت بداري منهم مش عايزاهم يشوفوني و انا كنت غايبه من الشغل

المهم لاقيتهم جم البيت عندي و كمان قرايب جوزي بدون استئذان او علم ليا انهم جايين
و كان البيت مش متوضب
و كانو زي بيساعدوني كده و فتحو الدولاب يروقو بس لقو صراصير كتير و كبيره و شنباتها كبيره
و كمان انا شوفت في الدولاب زي سندوتش و مخلل كده شكلهم زي ضارب و ندهت علي جوزي يجي يشيله و كنت مرعوبه
و طلعت فوق السرير و كنت خايفه اوي و بصوت من الصراصير دي و لقيت حاجات غريبه تانيه مش عارفه فيران صغيره و لا ضفادع مش عارفه
و كمان لاقيت عقارب و واحد منهم كان ماسك في ابني و اقعدت اصوت و خايفه و حاولت اشده من علي هدوم ابني
و اقعدت ااقولهم والله ده انا ع طوول بروق و ممكن بمسك حاجه انهارده و حاجه بكره لحدج ما خلص بس شغلي و ابني و اجهادي و تعبي بيتعبوني
و اقعده يقولي لجوزي يعني ان البيت مش نضيف
روحت قولتلهم و الله بنضف لكن من يوم ما اتنيلت و اتجوزت في الشقه دي و الفيران بتتطلعلي من الحيطه و كمان قولتلهم في فاتحه انا عرفت الصراصير الكبيره دي جايه منين في فاتحه عند الدولاب في الحيطه لاقيت الصرصار بينط منها و كانو كذا صرصار كبير شكلهم مخيف اوي
و كل ده في اوضه نومي
و كانو بيروقولي برضه المطبخ
بس اضايقت انهم شافو كده عندي كمان مدونيش علم بمجيهم عشان استعد

انا زوجه و ام

الحلم 20

ازيك يا ماما انا حلمت امبارح بعد الفجر انى كنت فى الشغل وزميلى اعد ادامى وحاطط رجليه عالكرسى ولاقيتها بيضا بس فيها تراب من تحت مش نظيفة بعد كدا قولت اصالحه على البنت اللى بيحبها وهو شكرنى وراح لعندها وفضل يجرى من على سطوح عمارات لحد ما وقع فى بحر انا انسة

معلشي يا ماما في حلم كمان نسيت اكتبه
حلمت اني كنت نايمه في مكان كده اكنه الصاله و جوزي دخل عليا واحد جارنا شيخ و مراته و كانهم قرايب جوزي و انا اضايقت و زعقت لجوزي لان الناس دخلو و انا كنت تحت الغطا و قمت جري حتي مسلمتش عليهم روحت اوضه تانيه
و لاقيت بابا زي بيزعقلي اني زعقت لجوزي
و بيبصلي جامد

انا زوجه و ام

الحلم رقم (22)
حلمت انى كنت قاعدة مع اخواتى البنات على سطح عمارتنا وكنا بنتكلم اختى قالت كلام على البناطيل الرجالى الضيقة بس كانت بتقول انها كويسة فأنا قولت كلمة على البناطيل دى فهى اتضايقت جدا وقالت لى ليه بتقولى كده مالها يعنى البناطيل دى انا حاولت انى اغير الموضوع بس هى كانت مصممة تعرف انا ليه بتكلم وحش عن البناطيل دى فقولت لها الراجل اللى يلبس البناطيل دى ميبقاش راجل اصلا هى بقى اتضايقت اكتر وكانت هتخاصمنى وقالت لى ما البنات كمان بتلبس البناطيل دى قلت لها برده وحشة ومش محترمة وهى اتضايقت اكتر وفجأة خرج راجل جارنا فى البلكونة ورمى علينا طبق متغطى بجرايد قلت لاخواتى تعالوا نشوف ايه الطبق ده وكشفنا الطبق لقينا فيه سكر وطماطم وخضار تقريبا بقدونس احنا استغربنا وقلنا ليه الراجل رمى علينا الطبق ده فأختى قالت ده علشان يوم عاشوراء الناس بتجيب طبق فاضى وتحطه للناس وكل واحد وحظه ممكن يطلع له لحمة او اى اكل تانى وبعدين قعدنا نأكل اللى فى الطبق ده كله

أنا آنسة ومتدينة الحمد لله واخواتى كمان

السلام عليكم و رحمة الله و بركاته

انا ملقتش موضوع مفتوح لتفسير احلام يوم الاربع فكتبت الحلم هنا
انا اسفة معلش مع انى كنت كاتبة هنا حلم امبارح

حلمت خير الله ما اجعله خير حلم صغير جدا مش عارفة معناه ايه
انى في زى ما يكون اتوبيس او ترام ماشي و انا عايزة اركبه و نطيت فيه و هو ماشي و ركبته
و استغرب لنفسي بعد ما ركبت قولت لنفسي ازاى قدرت اركبه و هو ماشي بسرعة كده
و حمد ربنا انى لحقته

و بعد ليلة صليت فيها قيام و دعيت ربنا بخشوع
حلمت اني واقفة عند بيتنا القديم بالليل و ببص للسما لقيت مكتوب فيها ( سنة الله ) و ده اسم واحدة صحبتي
و ببص تانى .... لقيت اتكتب على الناحية التانية آية للسجود و بعد كده آية للاستغفار مش فاكرة مين اتكتبت قبل مين و لا نص الآيتين
بس كنت فرحانة اوى و حاسة انى قريبة من ربنا اوى و ربنا سامعنى و شايفنى و حاسس بيا و بيطبطب على قلبي

ده جزي من حلم كبير

» تفسير احلام الثلاثاء 10/7/2012باذن الله
» تفسير احلام الثلاثاء 18/12/2012باذن الله
» تفسير احلام الثلاثاء 30/10/2012باذن الله
» تفسير احلام الثلاثاء 8/1/2012باذن الله
» تفسير احلام الثلاثاء 11/9/2012باذن الله