تفسير احلام الاحد 18/11/2012 باذن الله

الحلم رقم (8)

حلمت انى كنت ماشية فى مكان فيه ناس بتبيع ملابس رجالى وحريمى واطفال
وحاجات كتير انا كنت عايزة اشترى بس اتضايقت
وقلت انا مش هشترى من مكان فى حاجات رجالى وحريمى قدام بعض كده ومشيت
وانا بتفرج وبس قابلت بياع وقع منه ملابس فطلب منى اجيبها له من الارض جيبتها له
وهو كان عايزنى اشترى منه اى حاجة بس انا رفضت
وكان فيه واحد بيبيع صابون وحاجات تانية فأعطانى من غير ما اطلب منه اعطانى كيس فيه صابون
بس صابون حجمه مش طبيعى كان كبير قعدت اتفرج فيهم وكان عايز يخلينى اشترى منه مرايه بس انا رفضت برده وبعدين لقيت شخص اعرفه
كان بيتفسح ومعاه كام بنت والغريب كمان ان كان معاه واحدة هو كان بيحبها
وحاليا هما سابوا بعض انا استغربت جدا لما شفته معاها وكانوا
بيتفسحوا كمان فقلت فى نفسى معقول يكون رجعلها
وهو دلوقتى بيحب واحدة غيرها
وده فعلا هو فى الحقيقة كان بيحب اللى معاه فى الحلم دى وبيحب واحدة
تانية حاليا المهم انا قعدت ابص عليهم واشوفهم بيعملوا ايه
لقيته بيقولها انه عايز يروح مكان انا معرفش ايه المكان اللى كان عايز ياخدها
ويروحوا يتفسحوا فيه بس هى كانت رافضة وبتقول له لا مش هروح المكان ده وهو عمال يتحايل عليها ومتضايق وعايز يقنعها بأى شكل انها توافق بس هى
كانت مصممة ومش راضية توافق أنا حبيت اتدخل فاقتربت منه وكنت عايزة اقول له سيبها براحتها بس انا كل اللى فاكراه انى اقتربت منه ومسكت فى قميصه
من قدام بطريقة كأنى هتخانق معاه ومش فاكرة قلت له الكلام ولا لا وبعدين انا مشيت وانا ماشية فجأة لقيت واحدة ماشية معايا بصيت لقيتها الممثلة
سعاد حسنى الله يرحمها وكانت فى الحلم صاحبتى جدا وكل الناس اللى حوالينا عارفين ان احنا اصحاب جدا مشينا مع بعض وبعدين لقيت حيطة طويلة
وعريضة الناس بتقعد عليها فركبتها وقعدت عليها بكل سهولة اما صاحبتى اللى هى سعاد حسنى كان نفسها تيجى تقعد جنبى قعدت تحاول تحاول لغاية ما
وصلت لى وقعدت جنبى وانا فرحت جدا وحضنتها وبعدين سعاد حسنى اتحولت وبقت واحدة صاحبتى من مرحلة الابتدائى وكان معاها اوراق سألتها اوراق ايه دى قالت
دى اوراق مسابقة مطلوب منها انها تلخصه فأنا ساعدتها وقلت لها طريقة اسرع فى تلخيصه فعجبتها فكرتى وقالت لى انتى لازم تكونى معانا فى المسابقة
وسألتنى قالت لى انتى تعرفى تعملى الرمز ده (,) وده (،)
تقصد الفواصل دى يعنى
قلت لها يعنى مش اوى
فجابت لى قلم وقالت لى ورينى بتعمليهم ازاى فعملتهم كويس اوى وعجبوها
وكانت عايزة تتعلم منى ازاى بعملهم
وهى مسكت القلم وبدأت تحاول وبعدين عملت نجمة بطريقة غريبة بس جميلة وانا ابتسمت

أنا آنسة ومتدينة الحمد لله

حلم 17
ازيك ياماما نجية

بعد صلاة الفجر نمت وحلمت واحدة اسمها سارة معرفهاش جات حضنتني وقعدت تعيط
وجات سلمت علينا بنت اسمها يسرا بس دي اعرفها

وفي حلم انا حلمته بس مش فاكرة منه حاجة غير اني دخلت محل مكتوب عليه ( عادل امام )

الحلم رقم 22
السلام عليكم ورحمة الله
الحلم خاص بامي
حلمت امي انها كانت تمشي بشارع ومعها احد اولادي ليست متاكده وكان بالشارع المتعامد على الشارع الذي تمشي به مقام لولي من اولياء الله فجرى طفلي وذهب الى هذا المقام واتى اليها ومعه في يده بسكوته بالتمر كبيره وكان المكان مزدحم بالناس واتلموا على الطفل لياخذوا منه البسكوته فاخذتها امي من وقسمتها بينه وبين الناس وقطعتها قطع صغيره واطعمتها للناس كل واحد في فمه ثم اتى اليها ولد يخدم هذا المقام واخبرها انها يجب ان تخرج فلوس لله ونظرت حولها وجدت طفلي يجري بين الناس فخافت عليه ان يتوه وجرت وراه هي والولد واخضر الولد الطفل واعطاه لامي فشكرته ثم طلبت منه ان ياتي معها لتعطيه الفلوس فوجدت بقاله فاعطت 50 جنيه للبقال وطلبت منه ان يفك لها الفوس لتعطي للولد 10 جنيه بناء على طلبه واوصها البقال ان تاخذ بالها من اطفالي وحملت الطفل وركبت تاكسي وهي ماره بالشارع مر التاكسي امام مقام اخر هي تعرفه في الحقيقه لشيخ اسمه سيدي المتولي ويفوح من المقام رائحه عطره جدا مسك مثل التي تفوح من البقيع وكانت تكلم الطفل وتساله هل شممت هذه الرائحه الجميله
ثم انتهى الحلم
يارب خيرا
مع العلم ان امي لا تذهب ابدا الى المقمات والاضرحه او اي شئ من هذا القبيل ابدا