موضوع: ماما نجية دي اول مرة اطلب من حضرتك التفسير الأربعاء 3 أغسطس - 19:25
السلام عليكم ورحمة الله وبركاته
كل سنة وحضرتك بخير
دي اول مرة افسر عند حضرتك انا عارفة ان حضرتك مشغولة
بس معلش استحمليني
دا حلم اختي وانا هنقل لحضرتك كلامها زي ماهو بالظبط واسفة لو طويل شوية
أنا قبل ما أنام قريت سورة يس و دعيت بعدها إنو الله سبحانه و تعالي يوريني رؤية صالحة و بشرى لينا في أمورنا عامة خصوصا إني بدعيلنا دايما و إن ربنا ينصرنا و ينصفنا و يتقبل دعواتنا و كمان قلت يارب وضحلي إذا كان عندنا عين أو حسد أوي حاجة وحشة من الحاجات دي
فا حلمت حلم كان في أوله لخبطه مش فاكراها , خير اللهم اجعله خير إن أنا وأختي في عربية حلوة و لونها إسود وواحد بيوصلنا البيت راجل كبير كدا في بداية الحلم كنت قاعدة معاه تقريبا قبل ما يوصلنا بس مانعرفوش بس في الحلم كنا عارفينه و بعدين و صلنا و احنا في الطريق كنا عايزين نلحق صلاة الضهر قبل ما العصر يدن ( و عموما في الحقيقة بتحصل كذا مرة ببقى عايزة ألحق الضهر قبل العصر )
المهم لما و صلنا البيت في عمارة قدامنا لقيت عند مدخلها مكتوب إن الشقق اللي فيها عاملينا بمناسبة رمضان للصلح بين أي حد متخاصم مع حد يعني عند شقة فلانة مثلا ناس كذا يتصالحوا فا قلت الحمد لله أنا صالحت اللي كنت مش بكلمهم و عملت صلة الرحم ( في الحقيقة فعلا أرسلت سلامي لبنات كنا قطعنا مع بعض و سألت على قرايبي الحمد لله )
و بعدين أنا وأختي كنا واقفين على باب عمارتنا و شفت واحدة لابسة فستان أبيض زي فستان الفرح بس مش فاكرة مين اللي كنت ملاحظاه أكتر ولافت إنتباهي الفستان وكان شكله حلو لما وصلنا البيت عند باب العمارة بردو لقينا واحدة كنت أعرفها في الجامعة إسمها سمر و كانت زعلانة مننا و بتقولنا إتأخرتوا ليه عليه فاقلتلها معلش أهو جينا أهو و جينا بسرعة و كنا مستعجلين ده إحنا حتى مالحقناش الضهر فا ابتسمت و قالت خلاص ماشي ( في الحقيقة هي متجوزة و مخلفة و و مسافرة بره مصر و أنا في نفسي قبل كدا كنت بقول نفسي أستقر أنا كمان و كدا)
وبعدين كان في شخص ف الحلم ماسك عصايا طويلة كلها ملونة بألوان علم مصر ف أخدتها منه أخدت العصايا منه و بوستها و أنا مبسوطة و بإحساس حلو كدا عشان عليها علم مصر و كدا و بعدين دخلنا جوا في العمارة كنت أنا و أختي و اللي كنت اعرفها في الجامعة اللي اسمها سمر وواحد تاني بس ما خدتش بالي مين الشخص ده و بعدين كنا لابسين إسود كلنا و الجو كدا كان مظلم شوية يعني الضوء كان خافت كدا شوية
وبعدين أنا كنت ماسكة صليب طويييل خشب و رافعة دراعي اليمين على آخره و أنا رافعاه لفوق و ببص عليه وكان بعيد من كتر ما هو كان طويل يعني كان قريب من السقف بتاع المكان اوي
و أنا سندت الصليب على الحيطة كدا و ضبطه من فوق شوية عشان هو خشب و كدا و كان اتحرك من فوق شوية بس و أنا رافعاه و بعد ما نزلته حسيت بذنب أو بتانيب ضمير إني مسلمة الحمد لله و ماسكة صليب و قلت أنا أتشاهد أحسن بردو فالقيت نفسي بقول لا إله إلا الله لبيك اللهم لبيك كدا من غير ما أحسب إن حاقولها لقيت لساني بيقول لبيك الهم لبيك و انا في دماغي كنت حاقول و أن محمد رسول الله و كنا رجعنا لأختي و سمر ,
بس كدا أنا و أختي آنسات و ملتزمين الحمد لله و سمر الي هيا كنت أعرفها من أيام الجامعة كنا مش بنكلم بعض بس أنا الحمد لله أرسلت ليها سلامي بمناسبة شهر رمضان مع واحدة صاحبتنا
و سبحان الله لما صحيت حضرتك جيتي في بالي إن تفسريهولي بعد إذنك
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: ماما نجية دي اول مرة اطلب من حضرتك التفسير الأربعاء 3 أغسطس - 23:44
اولا اهلا بك يا حبيبتى كل عام وانت بخير يا حبيبتى رؤيتك جميلة وتدل على اشياء كثيرة انا وضحهم لك اولا قيه صلح حال لك ووصول الى هدف وفيه شئ جميل او حقيقة جميلة هتظهر لك فيه عريس جميل وانت هتفرحى به كثيرا وفيه نصصصصصصصصصصصصصصصر كبير لك الصليب نصر من بعد مشكلة او من بعد قلق وان شاء الله هياتيك فرج كبير من بعد ضيق ويسر من بعد عسر وهتتزوجى قريبا ياقمر مثل سمر ومن جاور السعيد يسعد والله يحقق امانيك ويجعل رؤيتك من نصيبك والله معك
???? زائر
موضوع: رد: ماما نجية دي اول مرة اطلب من حضرتك التفسير الخميس 4 أغسطس - 3:35
