- كنزى مووول كتب:
- انا نادرا لما بحلم بس ليه مش عارفه لما يجيلى حلم بيبقى حاجه كبيره كده وتخض يعنى
انا من 3 اسابيع بالظبط
حلمت انى قاعده ولقيت اللى بيقولى قومى جتلك العمره اقوله ازاى يقولى اهى جتلك وخلاص
اقوله طب انا معايش تذكره طيران ولا تاشيره ولا حاجه قالى كله هيتحل فى المطار
وقمت اجهز الشنطه
انا لابسه لبس خروج عادى جيبه وبلوزه ودخلت اجهز الشنطه من هبلى فى الحلم
اخد فيها ملايتين ومخده واقفل الشنطه وامشى وبعدين ماما تقولى هو انتى
هتحجى بلبس الخروج روحى خدى عبايه سوده من الجداد اللى جايباهم وفى حين انى
شايفه الهدوم دى وانا بحضر الشنطه لما ارجع ادور عليهم اقلب الدنيا ومش
الاقيهم وافتح الشنطه واقول ايه الهبل ده واخده ملايات اعمل بيها ايه ومخده
اعمل بيها ايه واقوم شايله المخده واسيب الملايات قولت مش تقال مش هيخسروا
ووالدتى ترد عليا تقولى فى ناس كتير هناك بيبقوا جايين بعبايات ابقى خدى واحده حجى فيها
واشوف نفسى سافرت بس مركبتش اى وسيله للسفر والاقى نفسى فى مكان نضيف كله
سيراميك بس انا مشفتش لا الكعبه ولا اى حاجه بس الناس بتقول اننا فى
السعوديه ومن التوتر والقلق انى ازاى بقيت فى السعوديه قمت من النوم مفزوعه
وامبارح حلمت فجاه كده انهم بيقولوا محمد ابن خالتك مات
انا محمد ملناش علاقه بيه يعنى نشوفه ازيك الله يسلمك انما لا تليفونات ولا
زيارات ولا حاجه هو عنده حوالى 27 او 28 سنه ومش متزوج لسه
ولقيتهم مطلعينه مكففنينه بس الكفن قصير عليه وطالع طخين (محمد رفيع فى الحقيقه)
قولتلهم لا ده مش محمد لقيتهم حطوه فى الخشبه وواحده قامت كشفت وشه (بس مش امه )
وباست على راسه وكانت لابسه اسود لما كشفوا وشه عرفت انه محمد رحت ابص
للكفن لقيتهم ملبسينه بنلون وتانينه والبنطلون باين من تحت الكفن البنطلون
كان متنى لتحت الركبه بقولهم ايه ده هو ده كفن
بابا اللى رد عليا وقالى من طخنه ملقناش حاجه تكفيه وسترناه بالبنطلون
سبته ورحت قعدت على الدكه اللى قدام الخشبه فى اخرها
بس انا قاعده ببصله وشايفه وش محمد وهو مكشوف وعمال يكلم بابا ويضحك مع
بابا وبابا يكلمه بس كان انا بس اللى شايفاهم يعنى كل الناس مكانتش شايفه
بابا بيتكلم
وبعدين بابا قام شاله من نومته على ضهره فى الخشبه ورفعه وعايز يقلبه على
وشه وهو بيشيله قام واقع منه جريت الحقه بقوله ليه كده قالى علشان ينزلوه
معدول لو اتشال على ضهره مش هينزلوه تحت صح
وقمت من النوم على كده مشفتش محمد بيندفن ولا اتشال حتى من المكان اللى جابوه فيه بعد التغسيل
للعلم برده دى تانى مره احلم بمتوفى بيتكلم بعد الموت انا حلمت بوالدى قبل
كده برده قالولى واحد اتوفى ورحت لقيت بنت اعرفها فى الحلم لكن فى الحقيقه
انا معرفهاش وقالولها تعالى سلمى علي باباكى قبل مايمشى ولما طلعوه متكفن
بردوا فتحوا الكفن لقيته والدى انا جريت عليه ازاى ان ده ابويا قام وصحى
وطبطب على كتفى وقالى اجمدى انتى قدها وشالوه على المدفن على ماروحت لقيت
زوجى السابق هو اللى دفنه وعمال يرمى الرمل عليه بس انا مشوفتش ابويا
خااالص فى المدفن يعنى هما كانوا قفلوا القبر وكل حاجه وعلى ماوصلت كان
زوجى السابق خلاص بيرمى على القبر رمل(ده كان فى تيار الطلاق منه )
انا بجد مخنوقه اوووووى دلونى الله يكرمكوا ايه معنى انى بشوف ناس قريبه منى بتموت وبيقوموا يتكلموا بعد الممات وايه معنى الاحلام دى
انا مش عايزه تفسير لل3 احلام انا بس حابه اجم[size=21]علها اللى بشو[size=21]فه يمكن يقدر [size=21]يساعدها اكتر ف[size=21]ى [size=21]ال[size=21]تفسير انما اللى يهمنى تفسير اخر جزء بتاع ابن خالتى [/size][/size][/size][/size][/size][/size]
lor=red]]حبيبتى رؤيتك الاولى تدل على انك عندك نقص فى الدين لانك لم ترى الكعبة وهذا يدل على انك بعيدة عن الله ولكن فيه امل سوف تصلى اليه عليك التقرب الى الله حتى تنالى مرادك اما الثانى ابن خالتك عمره طويل ورزقه كبير ان شاء الله وربنا هيسترها معه اما ظروف والدك هل هو عايش ام متوفى ارسليها حتى اتمكن من التفسير[/size]
على فكره حضرتك بالنسبه للكعبه انا شفت الكعبه مرتين قبل كده فى المنام منهم مره كنت قريبه منها جداااا
وشفت قببر النبى مره ومكنتش شفته فى الحقيقه وقتها كان عندى حوالى 19 سنه ولما ظهر صور لقبر النبى على النت كان هو ده اللى شفته فعلا فى المنام وصليت جنبه الحمد لله انا قريبه من ربنا على قد مابقدر
بس المره دى انا مرحتش ناحيه المدينه خااالص ولا حتى شفت ممراتها ولا اى حاجه انا عرفت انى جوه السعوديه وبس حتى كانت الناس لابسه عادى مش ملابس احرام
بالنسبه لبابا والدى موجود الحمد لله وعنده 70 سنه
