خير اللهم اجعله خير
بحلم انى فى بيت بابا وماما و اخواتى كانوا هناك و كان البيت عادى مفيهوش حاجه بس بابا زى ميكون مش لاقينه بقالنا كام يوم و عماله اتخانق مع ماما وتضربنى و ازقلها و تقولى انتى اكيد قتلتيه او عملتى فيه حاجه وعماله تضرب فيا و بعد خناااااااااااااااااااااااقه كبيره وعلقه متينه قلتلها و انا بزعق ( انتى عارفه انا ممكن اعمل فيكى انتى لكن بابا خط احمر وبموت فيه حتى لو زعلانه وزعلان منى مقدرش ااذيه و بعدين انتى ازاى تفكرى فى كدا اساسا متخافيش انا متربيه كويس )
فعيطت ماما وانهارت و قعدت تقولى صح كلامك صح وفهمت منها ان بابا كلمها مره من بعد ما اختفى فزعقنالها انا ومحمد اخويا انها ازاى متقولناش يمكن نتطمن شويه
و فى نفس الوقت الموبايل بتاع اخويا رن من رقم غريب وهو ادامنا ولما رد لقاه بابا وبيقوله انه تعبان وفى مستشفى الانفوشى و فجأه الخط بيقطع فقاله يا بابا انا جايلك و حكلمك تانى رد عليا
و قلت لمحمد استنى انا جايه معاك و كنت لابسه بيجامه فقلت اخد الاسدال الابيض بتاعى وفعلا خطيته على راسى و قلت اكمل لبسه فى الاسانسير و فعلا طلبت الاسانسير ومستنتهوش لما يجيى ونزلت ع السلم و السلم كان كله ناس و عيال وكملت لبس الاسدال لقيتنى لابسه اسدال حماتى الاحمر فوق الاسدال الابيض بتاعى بس الاسدال بتاعها كان مقلوب يعنى على ضهره فقلت مش مهم وفعلا نزلت بره و فجأه و انا فى الشارع افتكرت انى ممعييش فلوس و انى محصلتش محمد يعنى حروح لوحدى فقعدت ابص للناس عشان الاقى حد استلف منه لقيت دكتوره اسنان زميلتى قاعده ومعاه بيبى ( هى لسه عروسه بقالها شهر ) فقلتلها قالتى معييش فلوش غير ال 50 جنيه دى ورقه واحده ومينفعش اديهالك و لقيت ف نفس الوقت دكتوره مرفت ( هى مسيحيه ) رئيستى جايه تمضى حضور فى المدخل و طالعالنا البيت وقلتلها انها تسلفنى مردتش كأنها مسمعتش فقلت لنفس لا انا اطلع احسن
وفعلا طلعت فى الاسانسير و الناس زحمه اووووووووووووووووى براه بس اللى دخلوا انا و دكتور مرفت و شويه عيال ولاد و بنات و الاسانير فاضى بس محدش ركب تانى و فعلا طلعت وجبت 50 جنيه ورقه واحده و الموبايل بتاعى و نزلت ركبت عربي بيجو و لسه بدفع ال 50 جنيه لقيت اللى جنبى بتدفع 50 جنيه و اللى ادامى كمان بتدفع 50 ج برضه فالسواق قال لا انا معييش فكه ووقف يفك و الى جنبى نزلت و كان الليل جه و الدنيا ضلمت هى تقريبا نزلت فوق كوبرى
نزلتها و ركبت تانى بس اللى ادامى قعدت جنبى و كنت ببص فى الموبايل بتاعى وكان عليه وش فوق الوش بتاعه الاصلى و كان باين قوى ( انا لسه مغيره الوش بتاع الموبايل بتاعى بس شيلت الوش الاصلى كله و الجديد فضى) الوش الجديد ده كان شفاف فالبنت بتقولى انتى حاطه ده على ده شكله وحش فقلتلا ملكيش دعوه
و فضلت ساكته ومركزه انى عايزه اوصل لبابا عشان ابوس ايده و يرضى عنى قبل ميروح البيت لان ماما حتخليه منتصالحش
انا طولت عليكى صح؟؟؟؟؟؟؟؟؟
انا متزوجه من سنه و شهرين و عندى 28 سنه متوسطه التدين وزوجى كمان
وفيه مشاكل بينى و بين ماما و بابا من فتره
بس العلاقه بينى و بين اخويا محمد كويسه الحمد لله
