تفسير احلام الثلاثاء25/9/2012 باذن الله

الحلم 5

اذيك ياماما اتمنى ان يكون التفسير خير لانى احلامى بتتفسر وحش الايام دى

حلمت حلم كبير وطويل فاكرة منة اخر جزء ان جدتى وخالتى كانو عايزين يروحو يزورو ام جدتى هى اصلا ام جدتى دى ميتة بس فى الحلم كانت عايشة بس انا مشفتهاش كانت ف مكان تانى بس ورونى صورتها صورة كانت واقفة عالبحر والتانية كانت امورة اوى وصغيرة وقولتلهم هى كانت بتمثل ولا اية قالولى اة كانت بتمثل بس تقريبا مش مشهورة اوى بس فى الاخر مراحوش يزوروها

الحلم رقم (8)
حلمت انى كنت فى المدرسة مع اصحابى وكنا فى الفسحة بنلعب و بنهزر وفجأة لقيت كل بنت استخبت فى حتة وخايفين وفيه واحدة صاحبتى بتنادى عليا من بعيد وبتقول لى خدى بالك واستخبى بسرعة انا ما كنتش فاهمة هما بيعملوا كده ليه بس رحت اجرى على مكان استخبى فيه بس فيه بنت قالت لى تعالى بدلى معايا انا هقعد مكانك وانتى روحى مكانى علشان مكانى انا خطر وهى خايفة عليا قلت لها لا انا شايفة ان مكانى كويس لكن كل البنات كنت صعبانة عليهم وخايفين عليا وشايفين ان مكانى ده خطر وبعدين لقيت ناس عايزين يعذبونا ويقتلونا كان فيه حاجة زى الساطور كبيرة جدا بتروح وتيجى ولو لحقت حد هيموت خدت فترة ومحدش حصل له حاجة الحمد لله وبعدين قالوا لسه فى اختبار تعذيب تانى كان فيه حصيرة قالوا لنا ننام عليها ونمسك فيها كويس علشان هيشغلوا المروحة على سرعة كبيرة جدا وممكن تطيرنا وكل واحدة تتحمل على قد ما تقدر علشان لو هواء المروحة طيرها هتموت مسكنا فى الحصير جامد وشغلوا المروحة وبدأ الحصير يميل بينا شمال ويمين وخلص التعذيب ده على خير ومحدش حصل له حاجة وبعدين قالوا لنا اقعدوا وجالنا واحد اجنبى بس بيعرف يتكلم عربى وكان معاه كوتشينة انا كنت قاعدة فى الاول فحدف لى ثلاث ورقات كوتشينة وبعدين حدف لى ثلاثة تانى وقال لى اعطيهم للبنت اللى وراكى وهكذا لغاية ما كلوا ياخد ثلاث ورقات بس الغريب انه لما كان بيحدف لى ورق الكوتشية كان بيوصل لى زى ما هو ماكنش بيتفركش وبعدين اعطانى ورق الكوتشينة كلها وقال لى وزعى على الكل انا اخدت منه الكوتشينة ولسه بوزع للناس مسكت تليفونى وطلعت بيه برة بس مش فاكرة اتكلمت ولا عملت ايه وبعدين رجعت لهم لقيتهم وزعوا الورق على الكل وبدأوا يلعبوا كمان فقعدت وبدأت ألعب معاهم واحنا وبنلعب الرجل الاجنبى كان بيوزع ورق تانى بس ده ورق حظ فسأل مين كان بيوزع ورق كوتشينة فكل اللى كان بيوزع رفع ايده بس انا كنت مترددة بس هو عرف وقال لى انتى كنتى بتوزعى معانا ورق كوتشينة وكان مهتم بيا شوية فجاب لى ورقة حظ وقال لى دى ورقة حظ مهمة ويا بخته اللى تكون معاه الورقة دى وابتسم لى واعطانى عشرة جنية وربع وبعد شوية لقينا معاه سلاسل ألماظ بيوزعها علينا بس تقريبا السلاسل كانت مش ألماظ حقيقى احنا فرحنا بيها ولبسناها وبعد كده خلصنا لعب كوتشينة ودخلنا الفصل وقعدنا نفكر فى اللى حصل ده وقلنا ان الجماعة الاجانب دول بيضحكوا علينا وبيلعبونا ألعاب حرام واحنا لازم نوقفهم عند حدهم بس هما كانوا ماسكين ادارة المدرسة فأنا قلت خلاص هما هياخدوا يومين ويمشوا وملناش دعوة بيهم فدخل واحد منهم وقال انهم مش هيسيبوا المدرسة احنا سكتنا وخلص الحلم على كده

أنا آنسة ومتدينة الحمد لله

12


السلام عليكم

انا حلمت انى امى بتقولى خدى اجازة من الشغل علشان نتفسح يومين قلتلها بس انا ياماما اخدت خلاص اجازتى(انا فى الحقيقه اخدت اجازة وصيفت) قالتى معلش كلها 3 او 4 ايام قلتلها لا مش هيرضو استنى اشوف فى النتيجه احنا حنروح امتى اصلاا فلما بصيت فى النتيجه لقيتها مكتوب الخميس 2012 , الجمعه 2013 , السبت 2014
قلت كويس انا اصلا كده اجازة الخميس والجمعه يبقى مش حاخد غير السبت بس (انا فعلا اجازتى فى شغلى خميس وجمعه)

انسه 26 سنه مش مرتبطه

متوسطه التدين