تفسير احلام الثلاثاء 18\9\2012 باذن الله

بسم الله الرحمن الرحيم
السلام عليكم
نبدا بوضع احلام اليوم
ان شاء الله
برجاء الالتزام يابنات بالترقيم
وحلم واحد لكل عضوه
وان شاء الله خير
وربنا يجعله فى ميزان حسنات ماما نجيه
ياجماعه الى هايزيد عن حلم واحد هايتحذف اخر تنبيه حلم واحد لكل عضوه

الحلم رقم (1)
حلمت يا ماما نجيه ان
انا و جوزي كنا نايمين و فجاءه سمعت صوت ميه بقوله الحق فا لاقينا الميه
طالعه من تحت طربيزعه الانتريه كان الرخام تحته حنفيه و بطلع ميه كتير و
حاول يقفلها لتغرق الشقه
و لا قيت و لقيت نفسي زي ف مركب كده و كانها وقعت بينا فالبحر فا روحت اتشاهدت حتي صحيت بقول الشهاده
و قولت ف بالي ان انا كنت حلمت حلم اني خاتمتي هتكون كويسه و ده حقيقي انتي قولتيلي كده قبل كده
و خلص ع كده

عضوة عدد المساهمات : 146 تاريخ التسجيل : 25/09/2011

الحلم 2
السلام عليكم ياامى انا كنت حلمت خير اللهم خيرااا بانى انا واهلى راجعين من السفر وقابلت صدفة واحدة صحبتى كنت اعرفها من 6 سنين اسمها سوسن فى مكان رجوعنا من السفر فسلمت عليه وقالتلى انها عيزة تروح معايا بيتى وكده فعزمتها تجيلى البيت المهم لما جت قعدت تسالنى انتى ايه الجديد عندك وكده قمت قلتلها عادى ومردتش اديلها اجابة واضحة قمت سالتها انا انتى ايه الجديد عندك قامت قالتلى فى واحد اسمه يحيى لو تفتكريه كان معايا ايام الكلية وبتاع فقلتلها مش فكراه اوى المهم هيه فكرتنى بيه وافتكرته ياامى (بس الفكرة انى معرفوش فى الحقيقة الشاب ده) فسوسن قالتلى تعالى نقابله ونظبطه لحد فينا وبعدين سبتلى الموبايل بتاعها اتفرج على صوره وطلبت منى انها عيزة تقوم تصلى فقلتلها انا عندى البريود مش هصلى فسبتها تقوم تصلى وانا قعدت اتفرج عل الصور والمسجات اللى كانت بينهم عل الموبيل فلقيته كاتبلها فى الموبيل انه اصلا عايز عروسة وهيه اقترحت عليه كذا اسم وانا من ضمن الاسامى دى وكان من ضمن الاسامى برده ناس صحابى انا اعرفهم وهيه متعرفهمش !!! فخلصت صلاة وقلتلها ده شكله عبقرى او كان مركز فى دراسته اوى ده غير انه امور بزيادة (كان شبه الاجانب ياامىابيض وعينه زرقاء وشعره اسود) قامت قالتلى انتوا الاتنين زى بعض متكافئين يعنى فقلتلها وانتى مختيهوش لنفسك ليه قامت قيلالى ومين قالك انى فاضية اصلا وطلعت مرتبطه بواحد كنا نعرفه برده ايام الكلية اسمه محمود وهيه وقت مسالتها السؤال ده ياامى كانت قاعدة ادامى فى الصالة وظهر بينى وبينها على اليمين والشمال زرع كتير وافرع الزرع كانت داخلة علينا بس كان زرع شبه الطبيعى اوى مش عرفه مش عرفه بقى ازا كان صناعى ولا !!

الفكرة ياامى ان البنت دى انا قطعت علاقتى بيها من زمان عشان عملت معايا موقف مش كويس ده غير انها حسودة عشان كده مش برضى اعرفها حاجة عنى !!!!
26 سنة - انسة - غير مخطوبة -- لا اعمل

بسم الله الرحمن الرحيم
الحلم رقم 3
السلام عليكم ورحمه الله وبركاته
ازيك يا ماما نجيه
سناء واحده من اقاربى سناء مخطوبه

سناء حلمت ان فى على اول الشارع فرح وفيه هيصه وزغريط ورقاصه
وسناء كانت فى الفرح دة وكانو كل الناس لبسين اسود معاده واحده بس هى اللى لابسه ابيض وبس كده الحلم يا ماما نجيه
وجزاكى الله خيرا يارب

الحلم رقم 4

انا متزوجة وجدتى واختها عايشين بس اختها ربنا مرزقهاش باطفال وهي دلوقتى كبيرة في السن

حلمت انى رايحه عندها انا وبابا وتيته فدخلت لقيت شقتها واسعه وحطه ها فيها ترابيزات بكراسي شبه ديزاين الفرح وفيه ناس من العايله موجودين فرحنا قعدنا علي ترابيزة لقيتها قدمت علي كل ترابيزة تورت وجاتوهات وقدمت علي الترابيزة بتاعتنا حاجات اكتر من كل ترابيزة وكان طعمها حلو اوى اوى لدرجة اننا اكلناهم كلهم وبعدين لقيت واحد "في الحقيقه انا اعرفه هو تركي الجنسيه وبيعلمنى تركي" لقيته دخل ومعاه صاحبه وتقريبا اخويا كمان وقعدوا وطلب منى ان اطلب من اخت جدتى تعمله اكله علشان راجع من السفر وتعبان ودخلت قولتلها وطلبت من انها انها لو عندها جاتوه تانى تدينى قالتلي للاسف خلص وحبقي اجيبلك تانى وطلبت منها الوصفه قالتلي متعرفهاش وسالتها علي الولد التركي هو قريبنا لانى مستغربه انه جيه تجمع عائلي زي دا
وبعدين خلاص حنمشي لقيت جدتى واختها ندهولي وادولي 200 جنية ونزلت علشان اركب العربية لقيت الولد التركي قاعد ادام جنب بابا وكان معاه كرنبة بتاعتى وانا صغيرة وحطها في شنطة العربية وفهمت اننا حنوديه المطار وانا في الطريق زي مي ايكون نمت وحلمت انى سمعت سورة يوسف وانا اساسا بحبها جدا

السلام عيكم و رحمة الله و بركاته

انا حلمت انى ماشية فى طريق و قابلت شخص اعرفه و كان جاى من الطريق المواجه ليا و كان شايل كيس دقيق و لما شافنى اعطانى كيس دقيق اشيله و بعدين طلعت سلم و لقيت نفسى فى شقة مع الشخص دة و مامته كانت قاعدة قدام الفرن بتخبز عيش و كان العيش زى ما يكون مدقوق فى الترابيزة بمسامير بس لما حاولت اشيل العيش اتشال من الترابيزة بسهولة جدااا ..

و مرة تانية حلمت انى فى محاضرة و بعدين كنت ماشية مع بنتين معرفهمش بس فى الحلم كانوا اصحابى و برده قابلت نفس الشخص و انا كنت لابسة خاتم عندى فى الحقيقة و هو شبه الدبلة راح الشخص دة قالى انتى اتخطبتى قلتله لا دة بتاعى من الاول و بعدين حركت الخاتم فى صباعى او نقلته فى صباع تانى مش فاكرة لقيت الخاتم اتغير و بقى شكله جميل و مزخرف و فيه فصوص بيضا و الخاتم اصلا فضة و بعدين قالى انا معقول اسيبك دة انتى بنت .... و قال اسم عيلتى ولقيت نفسى انا و هو واقفين امام مسجد و كان فيه ناس كتير قاعدين امام المسجد ..

انا انسة 22 سنة
محافظة على الصلوات

الحلم رقم 6 ...

ازيك يا ماما نجية يارب تكوني بخير حلمت حلم غريب قوي قوي وقلقانه منه

حلمت بـ بابا الله يرحمـــه هوا متوفي
حلمت انه جالي بيقولى يارضوى انا زعلان منك مبتسأليش عني قولتله ازاي بس يابابا انت واحشني قوي وحضنته كتيييييييير قوي يا ماما نجيه كنت حسه انه بجد موجود
قالي انه بيشتغل ومتغرب وبيبعتلنا فلوس علطول واحنا مش بنسأل عليه قولتله انا مش معايا رقمك هبقه اكلمك والله
وبعدين لقيت ماما بتقولى انو سايبلي ورث ... عربية قديمة شوية لونها اصفر
بس فرحت بيها واتجننت بيها وطرت من الفرحه وكانت ف جراج في مول ف دور عالي شوية

اعدت ادور على مخرج اني انزل العربيه الشارع مكنتش لاقيه مكان انزل منه
لقيت ماما بتقولى اصبري بابا هيجي يخرجهالك
وبعدين انا حسه ان بعدها فعلا خرجت بيها ف الشارع

في جزء تاني للحلم مش عارفه تكملة للحلم ولا حلمته بعده المهم انه ف نفس المنام

لقيت واحد بيديني مسحه طبيه بالنعناع بيقولى خدي امسحي بيها على سنانك
مسحت بيها فعلا
لقيت سناني اتحركت من مكانها واتمركزت كلها ف نص بوقي بالضبط وبقو فوق بعض وكنت حسه بوجع شديد
اعدت اقوله ليه خلتني اعمل كدا طب كنت تعرفني
قالى كدا احسن هترتبيهم من اول وجديد وهيكونو اقوى وهيبيضو
اعدت ارتب فيهم كتير قوي وفعلا ابيضو وكانو قويين جدا وكان ناقص ضرسين او سنتين مش مضبوطين الراجل عرفني ازاي اعملهم ولقيتهم بقو حلوين ومرتبين

يارب يكون خير

انا مش مخطوبة وفي شخص بحبه .. ونفسي ربنا يجمعنا على خير
وبدور على شغل ...
ياحبيبتى ياريت نلتزم بالقوانين احنا ممتفقين حلم واحد بس وكفايه لسا ف احلام من يوم السبت متفسرتش
الضغط جامد كدا يابنات ع ماما نجيه
الاداره

عضوة عدد المساهمات : 916 تاريخ التسجيل : 17/07/2011

الحلم رقم 7
ماما انهارده دخلت نمت شوية بعد الضهر وشفت منام خير اللهم اجعله خير انى دخلت قصر فخم جدا وزوقه عالى اوى وفى غاية الروعة وكنت قاعدة بتمشى فيه وعارفة ان القصر ده بتاع شاب كان جاى فى الحلم يشبه احمد عز الممثل المعروف بالظبط فلقيت الشخص ده دخل ولقانى فى القصر بتاعه وبعدين لقيته شاف رجلى مكشوفة من اول مفصل الفخذ لحد اخر الرجل وكانت رجلى شكلها جميل ونضيف ولقيته بينده على امه عشان تشوف رجلى برده وهى مكشوفة وكنت انا ساعتها مكسوفه اوى انهم شايفين رجلى كده ولقيت الشاب ده زى ما يكون كاتب كتابه عليا وانى مراته وحامل منه فى بنت ولقيته راح يصلى المغرب وفعلا صلاها وانا جيت من وراه وهوه بيصلى وانا شايلة البنت بعد ما ولدتها على انها بنتى منه وكنت فرحانة بيه اوى لانه كان امور وجاى فى صورة الممثل المعروف احمد عز ولقيته قاعد بيشترى ليا حاجات انا وبنتى منه بس لقيته بيقولى انا كنت متجوز قبل كده وخلفت ولد من جوازتى الاولانية فانا وافقت وقلت مش مشكلة هربيه مع بنتى منه ولقيتنى فى اخر الحلم بركب جنبه فى عربية نبيتى ولقيته بيشتريلى وجايبلى حاجات كتير ليا انا والبنت وكنا زى ما يكون فى اسكندرية ولقيت روحى وانا قاعدة جنبه شعرى طويييييييييييل ونااااااااااااعم جدااااااا بطريقة مش موجود عليها فى الحقيقة كمان ولقيته كمان مصبوغ بالوان جميلة وشكل شعرى وهوه على ضهرى يجنن وكنت فرحانة بيه وبجوزى وببنتى منه وكان وجود الولد اللى من مراته الاولانية مش مضايقنى وولا كنت حاسة بيه اصلا وكان قاعد جنب البنت وره فى العربية وخلاص وخلص المنام على كده وقمت من المنام ده مبسوطة جدا بنفس الفرحة اللى كنت عليها فى المنام ..انا اسفة ان المنام طويل بس اتمنى يكون فيه بشرى خير لانى فى امس الحاجة لاى بشرى خير ...اللهم اجعله خير يارب

حلم 8
حلمت قبل كم اني وانا صحبتى اسمها امنه جالسين في مكان زي الفصل وتتكلم قريب من اذني تقول زواجي شهر 7 وانا مستحيه ما ابغى امي تسمع وكانت امي واقفه عند باب الفصل وفيه بنات في الحلم وصحبتى مو زوجه ولا مخطوبه وانا كذلك

الحلم رقم 10
بسم الله الرحمن الرحيم
ازيك يا ماما نجية يا رب تكونى فى اتم صحة واحسن حال
ربنا يرزقك من حيث لا تحتسبى ويجازيكى عنا خير الجزاء
الحلم ده لبنتى هى متزوجة قريب وهى الحمد لله بتصلى وهذه الايام بتواظب على قراة سورة البقرة على قد ما تقدر
هى امس كانت بايتة عند حمتها وحلمت خير ان اخت زوجها جاية لممتها فى البيت علشان ممتها تعمل لها حلاوة
انا اسفة جدااااااااا حلاوة نزع الشعر وبعدين بنتى وقفت تطرى لها الحلاوة يعنى تشد وتمط فيها زى ما بنعمل علشان تطريها وانتهى المشهد ده فى نفس الوقت شافت ان هى عند واحدة صحبتها اسمها امنية بصراحة هى انفصلت عنها من ايام الخطوبة المهم بنتى شافت نفسها عند امنية فى البيت وكان عندهم فاكهة كتير موز كتير وفاكهة واكل كتير فراخ ولحمة واكل كتير يعنى مش مركزة فى الاصناف والانواع المهم وبنتى بقت تاكل زى ارز وبطاطس المهم قالت لصحبتها انتوا كان عندكم ضيوف قالت لها اه وانت اش عرفك قالت لها لا ما واضح يعنى تقصد من الاكل والفواكهة العندهم
بس كدة لعله خير
ربنا يجازيكى عنا خير الجزاء

منة20 كتب:: 9
حلمت ان في شخص ساكن في الشارع اللي قدامنا بس لما ببص من الشباك بشوف بيته وهو شكله كان شكل ممثل هندي وكان لبسه كله بدل بعدين بعتلي هدية فتحتها لاقيتها قماشة كبيرة من اللي هما بيتعلقوا ولونها احمر في اسود ومكتوب عليها كلام بعدين ببص لاقيتهم بيعلقوها عندهم في البلكونة بعدين في نفس اليوم وبعد ما جاب الهدية الاولانية بشوية جابلي هدية تانية وكان لابس بدله بيضاء والهدية كلنت ملفوفة بورق هدايا لونه احمر وعليها فيونكة حمرا وهو بيديهالي كنت فرحانة وكان بيبصلي جامد جدا وعيونه مليانة حب فتحتها لاقيت شنطة عيش شامي اللي هو ابيض ده وفرحت وكلت منه وكان طعمه حلو بعدين في نفس الحلم لاقيت اني انا في المستشفي وهو معايا وكنت هناك عشان خالتي بتولد
وخلص الحلم علي كدة
انا مطلقة
خالتي متزوجة وعندها 4 اولاد وحالتها المادية صعبة اليومين دول
الحلم الثاني
بابا حلم انه ماشي في جنينة مليانة زرع ومية وفي صوت في ودانه بيقوله ان احمد اخوي تاه وبعدين بيقوله ده مات فبابا فضل يقول انا اصلا قلبي كان واكلني عليه علشان هو حلو وبعدين وهو ماشي في حد بيأكله بلح اللي هو التمر بس بابا مش شايفه بس بياكل بعدين لاقي انسة سمراء بشرتها واقفة تحت شجرة ومسنودة عليها وبتقوله عاشرني قالها لا انا مش عايز اانا عايز لمنه عريس قالتله لو عاشرتني هتتجوز ووافق بابا وعاشرها وبعدها قالتله خلاص كدة منة هتتجوز وبعدين مشي وهو ماشي برده كان بياكل تمر بس مش شايف مين اللي بيأكله
وخلص الحلم علي كدة

ماما نجية انا عدلت الحلم ياريت تفسريهولي بعد التعديل

رقم 11

حلمت انو كنت بطلع في مبنى واخر دور فيه كافيتيريا كان معروف للدفعه كلها تمام وانا بطلع بلاقي زمايلي نازلين واكن منهم امجد المهم انا لما وصلت لاخر دور قالولي لالا ده في الدور اللي تحت .. ولما نزلت لقيت البسطه بتاعت السلم اتبنت طوب وانا الوحيده اللي بقيت محبوسه
ومفيش الا فتحه صغيره والفتحه دي على السلم بعدها عن السلم كمان كبيير المهم زمايلي كانو بيطلعو مكنتش بقول بالفصاحه حد يساعدني بس كانو عارفين اني عايزة مساعده المهم الكل يطلع ويدخل الكافيتريا اخر حد كان احمد قال استني محمد المهم هو جه فاحمد بينادي عليه يا عصام تعال المهم هو جه وشالني وانا كنت في قمه فرحتي...

انا انسه
المكان الل في الحلم ليس اي اساس من الواقع
اللي شفتهم دول زمايلي
امجد ومحمد في الجيش حاليا من السنه اللي فاتت
ومحمد ده كان زميلي وبدعي ربنا انه يكون خير الزوج لي ومشفتوش من سنه

حلم (12)

صباح الخير ياماما نجيه ربنا يباركلك يارب...
انا حلمت النهارده اني راجعه من السفر لمصر وجايبه 3 شنط سفر فيها هدايا
لماما واخوااتي ... المهم دخلت انا وامي الاوضه .. وقولتلها ياماما في شنطه
فيها لبس ليا متفتحيهاش ... وافتحي الشنطتين التانين المهم فتحت الشنط و
طلعت فمصان رجالي حلوه اوى من الشنطه المهم اخويا جه قالي انا هاخد واحد
من القمصان دي قولتله لآ لازم تستأذن الاول مينفعش تاخد من غير متقولي ...
راح مزعقلي ورمي القميص في وشي...
المهم اختي الكبيره قالتلي قومي وسيبي الشنط وانا و ماما هنكمل ... قولتلها
دي شنطي انا اللي جيباها يعني انتي اللي المفروض تقومي تطلعي بره...
قالتلي انتي قليله الادب وانا هكلم جوزك اخليه يجي يديكي علي وشك بالقلم
وكانت متنرفزه اوي بس انا كنت برد عليها ببرود وكنت بقولها دا انتي اللي
جوزك بيضربك جوزي عارفني كويس وانتي اللي بتضربي بالقلم...
المهم هي مسكت التليفون وكانت بتتصل بجوزي وماما قاعده تقولها كلميه كلميه
انا معاكي كلميه... روحت انا اتعصبت اوى وفضلت اقولها حرام عليكي هو انتي
بتعملي معايا كدا ليه هو انا بنت حرام قولتهالها اكتر من مره بصوت عالي...
ومن كتر ما انا متعصبه حسيت ان في نافوره دم نزلت مني وانا كنت حامل ...
روحت محسستهمش ان حصلي حاجه ولميت الشنط ونزلت من البيت وفضلت واقفه تحت
البيت مش عارفه اروح فين ...
انتهي الحلم

انا متجوزه وحامل فالشهر السادس ... ومساافره مع جوزي السعوديه ...

عضوة عدد المساهمات : 337 تاريخ التسجيل : 18/07/2011

حلم رقم 13

ماما نجيه حلمت انى قاعده فى شقه شيماء واننا فى غرفه انتريه وان عمتو افراج عماله تكتب فى ورقه الحاجات الى ناقصه فى شقه شيماء علشان تجبها وكانت شيماء قاعده وعمتو ناديه وانا وتقريبا بطه وبعدين زى متكون عمتو افراج جابت بواز لشيماء علشان تعلقه فى الحيطه وكان مكتوب فيه سوره يس وانا قعدت افتكر هو انا قريت سوره يس امبارح وبعدين افتكرت انى قريتها وكان معايا زى ورقه فيها ادعيه مكنتش لقياها وكان متعلق ستاير فقلت فين الستاره التانيه فكان جاى فى بالى انها معلقه 2 ستاره فوق بعض وبعدين كنت فى زى قاعه وعماله اتحايل على الدكتور انه يخلينى ادرس وبعدين لقيتنى فى قاعه وعماله اتحايل على بنت شابه هيا الى بدرس وكان معاها كمان بنت وبعدين لقيت فى مكان وكان فى شاب مكنش باين يقرب ليا ايه قال انه هيجى معايا يكلمهم علشان يخلونى ادرس وركبت معاه عربيه وبعدين قلت ليه مكنا ركبنا عربيتى وبس

شيماء متجوزه من 3 شهور وشقتها خلاصنه فرش و2 ستاره شيماء
مكنتش حطه 2 ستاره فوق خالص فى شقتها
عمتو افراج بتشتغل وعنده بنتين وولد منهم بنت متجوزه
عمتو ناديه عندها بنتين
انا مش بشتغل ومش مرتبطه
بطه مطلقه وعندها ولد وبنت وبتشتغل

ماما نجيه نسيت اقولك انه كان متعلق ستاره وانا كان جاى فى بالى انها كانت معلقه 2 ستاره فوق بعض وانها شالت واحده من الستاير

عضوة عدد المساهمات : 272 تاريخ التسجيل : 18/07/2011

يا بنات انا كنت كاتبة حلمى امبارح ومش لاقية هو فين مش عارفة هو اتفسر ولا لسه ؟الاقى فين ؟

حلم رقم 14
السلام عليكم انا شفت امبارح بعد الفجر كان انا ليا خالت ماما اسمها حلميه شفت كانها مسكت فار وحبسته ف قفص قال يعنى ان دا مش من الفيران الى بنموتها لا دى لزينه مع انه فار زى الى بنشوفه بس تحس ان لونه زاهى شويه مختلف بسيط وقال حبساه ف قفص وحاطه القفص على سريرى وانا خايفه منه وقرفانه وعماله اقول يارب انا حتى لما اشيل الفار هانام ازاى ع السرير ودلواتى اكيد عمل ببى على السرير وهايعمل ريحه وكنت خايفه منه وقرفانه وقال يعنى انه مسكت الفار دا عندنا ومسكته من ديله حطته ف القفص دا وكمان كان فيه عندنا ف الصاله قفص كمان فيه ارنب انا كمان بخاف من الارانب وقولت لماما حطيله اكل عشان انا بخاف من الارانب وكانت بنت عمى عايزه تلعب مع الفار او الارنب انا زعقتلها وقولتلها لا ايه القرف دا تلعبى ازاى معاه

حلم رقم 15

ازيك ياماما نجية وحشتينا كلنا والله ربنا يطمنا عنك يارب يارب

انا صليت امبارح العشا وركعتين قيام ليل وبسيب جمبى سورة طه ونمت وكل يوم بفضل الله بعمل كده وحلمت خير انو انا كاننا رجعنا بلدنا القديمة اللى اتربينا فيها اسمها انشاص وانى مع اهلى والناس اللى اتربيت معاهم دا اللى فى بالى فى الحلم وكأننا روحنا بيت عمى او ناس معارفنا اوى والبيت ماشاء الله عليه كان واااااااااااسع وكله عفش وبعدين بتكلم مع ماما وبقولها ماهو حلو وواسع زى بيتنا وجه فى بالصى صورة بيتنا اللى احنا قاعدين فيه وقولت لماما دا بيتنا كمان دوبلكس وكأنى مع شاب ماشية وعدينا من زى نفق وكانه هو بيحكيلى على البيت وصورتة البيت الواسع الحلو جت فى بالى وكان شايل شنطة على كتفه وطلعنا محطة القطار اللى فى الزقازيق ولقينا القطر ماشى وشوفت الناس فيه وكان ماشى وبعدين قولنا ملحنقهوش بس لقينا القطار رجع مخصوص لينا والولد ركبنى وركب جمبى فبقوله فين الشنطه فقالى اسكتى ولقينا ناس جايه تفتش القطار وكانها بتدور على الولد والشنطه وانا كنت خايفه ياخدوه ونزلوا الحمدلله وماخدهوش وشوفتهم نازلين من القطار فى محطه وقولتله هى فين قالى اهى تحت الجاكت ولقتنى كاننا فى بيتنا واخويا نزل من بره هو فى السعودية وانا كنت روحت حجزت تورتة تتعمل لى وحجزتها من طنط صاحبة الماركت اللى جمبنا وفى الحقيقه هى ماركت متواضع وملهاش علاقة بالتورته ولا اى حاجه خالص فى الحقيقه ولما جيت لقيت محمد اخويا جايب التورته اللى انا وصيت عليها وقسموها واكلها انا استغربت وقولت اخد تورتى ليه هو وفى الاخر لميت الطباق وكان فيها قطع تورته حسيتها محدش اكل منها وكانت بعصير التفاح لونها اخضر وماما قالتلى طيب دوقيها كلى منها وانا مرضتش لان مفروض كنت ارميها عشان مكان الناس يعنى مع ان محدش اكل منها غير محمد والتورتة بتاعة محمد كانت صغيره زى الكيك وعليها شبكة من الكيك بردو وعليها رسمة قلب بالكيك بردو بس سطحها ابيض مش مستوى وروحت نزلت وصيت طنط صاحبة الماركت دى على تورتة وقولتلها تعملهالى على عيد ميلاددى قالتلى امتى قولتلها فى 14-7 قالتلى لا انا بالكتير اوى اعملهالك فى تلات اسابيع ردت ماما من ورايا وقالتلى اعمليها ايه اللى هيخلينا نستنا لشهر 7 وقالتلى انا عملتهالك بس اخوكى اخدها ليه قولتلها خلاص اعملهالى بعصير التفاح وبعدين قولت الفراوله باين وبعدين ماما صحتنى

اخويا زى مانتى عارفة ياماما موضوع العرايس اللى بنشوفهم والزعل اللى بسبب كلام ماما بس دلوقتى بنتكلم وانا نويت اعمكل زى ماربنا قال وصاحبهما فى الدنيا معروف
وكمان مفروض ينزل فى العيد اجازه خاصه يخطب ويسافر اتاجلت وهينزل فى شهر اتنين
وانا بدعى ربنا يرزقنى بزوج صالح ونفسى اتخطب قبل ما يجى عشان يعرفوا انى مش بقولهم يقولوا للناس انه كان خاطب غيره منه لا خوفا على بنات الناس والله عشان هيلاقوا موقفى زى ماهو ودعيت ربنا احلم بحلم حلو يعرفنى

يارب يكون خير ياماما والله بجد وحشتينى كنت عايزة اكلمك بس مش لاقيت رقمك خالص ياماما والله

حلم 16

حلمت ان انا وصحبتي بنتفرج ع طيور غريييبه وجميله كانت بتطير وكنا عارفين ان في طيور مرعبه هتيجي بعدها سودا بتاكل وش اي حد اودامها ف اول ماسمعنا صوتها جرينا دخلنا البيت وقفلنا الباب والشباك ف الطيور دي شافت واحده صاحبتنا تالته واكل وشها وبهدلها وبس صحيت عالفجر

الحلم رقم 17
الحلم دا على لسان واحده صاحبتى
حلمت ان انا وهى واختى رحاب وكنا ماشيين فى طريق كله محلات لبس وكنا ماشيين بنتفرج وان انا هشترى بلوزه المهم انا وصحبتى عيننا وقعت على تصميم واحد بس الالوان مختلفه وبعد منا وقفت عشان اشتريها رجعت غيرت راى وسبتها ومشيت
واشتريت بلوزه تانيه وجيت اوريها لصاحبه الحلم مسكتها فى ايديها لقيت قمشتها خفيفه اوى زى ماتكون بلاستيك ولقيت الكم بتاعها عامل زى لبس الناس بتوع الكوره اللى هى الترنجات المخططه قالتلى هى دى اللى عجبتك انا بصتلها ومش رديت ورحاب اختى مش كانت عجبها برده
يارب يكون خير ياماما نجيه
انا انسه ومخطوبه
اما صحبتى اللى حلمت الحلم انسه

الحلم رقم 18
السلام عليكم
أزيك يا ماما نجية
انا حلمت ان عندنا فى البيت أطفال هنود يعنى سنهم فى حدود 7او 8 سنين بنت وولدين وقاعدين معانا فى البيت وبيتكلموا هندى وأحنا بنديهم حاجات زى ما نكون بنحن عليهم بس الحاجات الى بندهالهم مش واضحة فى الحلم وبعدين جم ماشين مسافرين ووقفين عند باب الشقة ومعاهم شنطة سفر وماما واقفة تودعهم وتديهم حاجات وبعدين انا دخلت الأوضة أجيب فلوس من درج التسريحة عشان أديهم فلوس وبعدين خرجت لقيتهم مشيوا وقعدنا انا وماما شوية صغيرة بنبص لقيناهم رجعوا تانى عشان معرفوش الطريق واقعدوا معانا فى الشقة تانى
يارب يكون خير
وجزاكى الل

ه خير

حلم رقم 19

حلمت اليوم بعد الفجر ان في بيت وكان نايمة فوق سرير في ساحة البيت وكان نايمة فيه وشفة النجوم في ليل وبعدين دخلتت وكان فرح فقلت لازم اغير ملابسي وروح امتمكيج وبعدين كنت قاعدة في سرير انا بنت خاللي وكنت انا اتكلم مع شخص وكان حبيبي او خطيبي وانا عارفة هدا الشخص ايم صالح وبعدين وكان تكسر الموبايل تاعي شاسة المبيل قالتلي بتنت خالي شوف ادا طلعلك اسك كتب اسم طلعلي رقم واسم كان مسمياح في المبايا بيبي
وبعدين اجات جدتي عندنا وكانت جاملة بيدها مثلجات كان شيكولاطة ومتغطية بالكرميل اعطت لبنت خالي واحد كان صغير شوي والكبير قالتلي راح اقسمو عليه وعلى ليلى وبعدين اعطتني جزء منو وبدات اكل
وبعدين كانت حاملة في يدها بوقالات قالتلي بتقولك كنزة وهي مرلاات خالي خد واحدة منها ونوي
بعدين رفعة واحدة منها قالتلي قوليلها راح انوريها على نفسي وقلت وكمان راح انويها على نفسي وعلى شخص الي كنت اتكلم معاه في هاتف
ولما كنت راح اقرا البوقالة فطنت ما بعرف ادا قريتها او لا

تعريف البوقالة البوقالات ( جمع بوقالة)هي
كلمات موزونة بلغة شعبية كانت جداتنا تتردد في قولها و ذلك على شكل طرافة.
اذ تجلس النساء والبنات مشكلات حلقة، تعقد احداهن خمارا وتنوي في اعماق
قلبها البوقالة المقبلة لاحدى البنات او النساء وتعطي احدى النساء البوقالة
التي تعرفها وكذلك يقال ان الكلام الذي جاء في البوقالة سيقع عليها

انسة
اصلي الحمد لله

جدتي متوفية الله يرحمها ووسع عليها

ليلى خالتي

سارة بنت خالي وهي مخطوبة الان

الحلم رقم 18 باذن الله

السلام عليكم حبيبتي

انا بقيت ادعي ربنا يكتبلي الخير لاني مبقتش عارفه الخير فين

نمت وحلمت ياامي بفضل الله الواحد الاحد ::

اني قاعده باكل وكاننا في رمضان وبعدين موبايلي رن

بصيت لقيته رقم محمد علي ماجيت ارد كان الجرس فصل

فقلت لما اخلص هبقي ارن عليه وبعدين افتكرت ان الفجر

خلاص قرب ياذن فقلت هخلص اكل بسرعه علشان الحق اكلمه

لانه هيصلي الفجر وهينام علي طول ومش هيسمع الموبايل

وبعدين لقيت نفسي مع خالو محمد ومعاه طفل

وقلت للطفل اهو باباك دلوقتي هيزعل مني علشان مردتش عليه

واقصد محمد وكان الطفل ده ابني انا ومحمد وفجاه لقيت نفسي

قاعده علي سرير كبير وجميل اوي ولونه ابيض ومحمد كان ممدد علي السرير

وبعدين لقيته بيقولي هقوم اصلي الفجر وارجعلك قلتله طيب انا هستناك

وبعدين لقيت نفسي ماشيه مع واحده قريبتنا اسمها فايزه ولقيتها عطيتلي

شنطه زي بتوع السوق اللي بيتسوقوا فيها وبتقولي شيليها

اخدتها منها وشيلتها وكان جواها ذكر بط وكنت خايفه يعضني

لكن مش عمل فيا حاجه وبعدين هي سابتني ومشيت

وانا فضلت شايله الذكر لوحدي وفجاه وقع مني ع الارض خفت منه

سيبته ومشيت وروحت لماما قلتلها انا سبته في المكان الفلاني

روحي ادبحيه معاها علشان انا خايفه منه وفعلا ماما مشيت

وبصيت لقيت هبه وسماح بنات اعمامي موجودين

وكان معاهم طفله صغيره وكان فيه ناس كتير واقفين

وكانوا عايزين يعطوا البنت لحد منهم فجاه لقيت البنت جات في ايدي انا

وحضنتها وكنت فرحانه بيها اوي وخلص الحلم علي كده حبيبتي

يارب يكون خير وجزاكي الله كل الخير ياقلبي

عضوة عدد المساهمات : 111 تاريخ التسجيل : 06/10/2011

حلم رقم 20 :

السلام عليكم ورحمة الله وبركاته :
أتمنى تكونى بخير وسلام اللهم اميييييين

أنا بصراحة بقالى كام يوم بفكر فى ناس اتكلموا كتير عليا فى شرفى وبقول
استغفر الله ليه يارب هما عايشين مبسوطين بعد اللى قالوه عليا وهما فاكرين
عشان موصلوش الكلام لناس كتير يبقى كده " ستروا عليا " حسبى الله ونعم
الوكيل

المهم حلمت امبارح تقريبا بعد الفجر :

حلمت انى اشتريت كتاب للسيرة النبوية بحوالى 30 جنيه تقريبا بس كان كتاب
تانى للسيرة غير اللى كنتى عايزة اشتريه فرجعته بس قبل ماارجعه فتحته لقيت
فيه كلام عن الرسول عليه الصلاة والسلام وكلمة فندق وكلمة : حسان بن ثابت "

بس وقمت من النوم

مع العلم انى كنت سمعت اسم : حسان بن ثابت " رضى الله عنه زمااااااااااااان جدااا ومعرفش مين
غير لما عملت سيرش من شوية عشان اعرف من هو ..

وانا انسة تدينى متوسط ومهمومة شوية الفترة دى واتخرجت الحمد لله وبدور على شغل ..

جزاكى الله كل خيييييييييير

حلم رقم 21

حلمت بآآني بنت أختي ذات عمر السنتين تسقط في بركة وانا الي أنقذهااا

دآيم يتكرر هالحلم لي في الايام هذي دآئمآ كآنها تتمشى وانا انظر اليها وخآئفة أنها تسقط ثم تسقط وتغرق ثم أنقذهااااا

وشكرررر آ

وسلامتك وماتشوفين شررررر

انا اسفه ياجماعه اطريت اقفل المواضيع لحد ما ماما نجيه تدخل بقا بنفسها باذن الله

» تفسير احلام الثلاثاء 11\9\2012 باذن الله
» تفسير احلام الثلاثاء 14\8\2012 باذن الله
» تفسير احلام الثلاثاء 7\8\2012 باذن الله
» تفسير احلام الثلاثاء 16/10/2012 باذن الله
» تفسير احلام الثلاثاء 21\8\2.012 باذن الله