تفسير احلام الجمعه 3\8\2012 باذن الله

الحلم رقم (25)
حلمت ان انا واختى كنا قاعدين بنأكل بس مش فاكرة كنا بنأكل ايه وبعدين لقينا ولد صغير حوالى 5سنين دخل علينا وقعد يتفرج علينا واحنا بنأكل بس احنا مرضيناش بكده وقلنا نعطى له لقمة اختى اعطت له لقمة فقال لها دى لقمة صغيرة وماكنش عاجبه ومسك العيش وقطع لقمة كبيرة وغمزها فى الاكل وأكلها احنا استغربنا منه وضحكنا على اللى عمله ده وبعدين سابنا وراح على الثلاجة وقعد يفتش فيها ويأكل من كل حاجة فى الثلاجة وقلب كل حاجة فيها واحنا مكسوفين نصرخ فيه او نضربه وبعدين فتح درج الثلاجة لقى مانجه كتير وكان عايز يأخذ منها بس اخويا دخل وشافه ومسكه وطلعه بره فى الشارع
وفى الحقيقة الولد ده جارنا واسمه مؤمن

معلش معايا حلم تانى
حلمت انى بذكر الله فى الحمام بس مش فاكرة ايه اللى قلته وقلت ايه اللى انا عملته ده انا عارفة ان ده حرام

أنا آنسة ومتدينة الحمد لله

ياجماعه في احد يعرف حاجه عن ماما نجيه قلقت عليها بقالها كم يوم مش بتدخل المنتدى

ياريت احد يعرف عنها شئ يجي يطمنا

عضوة عدد المساهمات : 146 تاريخ التسجيل : 25/09/2011

ابرار كتب:: ياجماعه في احد يعرف حاجه عن ماما نجيه قلقت عليها بقالها كم يوم مش بتدخل المنتدى

ياريت احد يعرف عنها شئ يجي يطمنا

حبيبتى هوة من فترة كانوا كتبو موضوع ان ماما نجية ممكن تنشغل شوية عشان بنتها خلفت وكده فهتنشغل معاها شوية وكل مهيبقى عندهى وقت هتخش تفسر الاحلام

يارب تكون بخير ومشغوله مع النونو الجديد فعلا مش حاجة تانية ويباركلهم فيه يارب

ابرار كتب:: ياجماعه في احد يعرف حاجه عن ماما نجيه قلقت عليها بقالها كم يوم مش بتدخل المنتدى

ياريت احد يعرف عنها شئ يجي يطمنا

لدعقبال عندكو يارب ماما نجيه مشغوله مع البيبى الجديد انا كلمتها امبارح وقالتلى ان ساره بنتها ولدت

متفائله للابد كتب:: الحلم رقم 1

اذيك يا ماما نجيه عامله ايه؟
انا انسه عندى 23 سنه بقرا سورة البقره للرزق والزواج وبستغفر كتييييييير

رايت رؤيه امس
من اكتر من مشهد اول مشهد رايت انى اسير فى طريق فى قريتى وعندنا ساحر فى القريه فى الحقيقه وانا اسير من عند بيته وجدت كلب كبيييييييييير جدا وينظر الينا كنت انا وواحده صحبتى فانا قلت لها متظهريش له ان احنا خايفين واقفلى فمك لانه بينزل افراز الخوف وفعلا عدينا من جمب الكلب وماذناش الحمد لله ورحنا عند بيت الساحر ده بجد فى القريه وبيعمل اعمال مش معالج بالقران دى ساحر والعياذ بالله
رايت البنات كتير تدخل غرفه وهو يعططى لها ورق مكتوب عليه اشياء وتخرج وفى واحد بياخد منهم المال بره انا فضلت قاعده اتفرج عليهم لاخر بنت دخلت والمفروض انا كنت هدخل له لكن اسمى محدش نده على وانا مشيت واخى قال لامى انى كنت عنده وماما بهدلتنى وانا قلت لها والله ما دخلت له ولا هو بيعرف شئ
المهم مشيت من عنده بس كنت حافيه وروحت عند بيت اختى لقيت كراسى كتير امام بيتها ولونهم موف ولقيت هناك حذاء بس كان رجالى فلبسته وقولت احسن ما اى شئ يدخل رجلى ومشيت بيه لكنه كان حذاء راجل

المشهد التانى وجدت نفسى فى بيتنا وماما بتقول ادخلى خدى لكى تورته من جوه قلت لها من جاب لنا التورته دى قالت اخوكى

المشهد التالت رايت ان اختى ولدت ولد هيه عندها بنتين ومش بتفكر تنجب اولاد ولا تنجب تانى لاسباب صحيه
والولد ده كان امور ماشاء الله وولدته من غير تعب وعلى طول وانا اللى كنت مسئوله من الولد يعنى زى ما يكون ابنى انا بس اختى اللى ولدته وكان شعره كبير ولابس ملابس جميله وشكله كبير وقموور
الحلم ده اتكرر معايه ليليتن ورا بعض امس واول امس
مره اختى والمره التايه اخت تانيه لى ايضا وعندها بنتين ومش بفك فى الانجاب
والولد كان مسئول منى

اسه عزباء 23 سنه
متدينه والحمد لله

lor=red]]حبيبتى فيه انسان ندل سوف يتعرض لك ولكن ربنا هيحميك منه ومش هيتكلم عليك فيه فتنة انت هتقعى فيها وربنا هيسترها معك احزرى من الفتن وفيه عريس سوف يتقدم لك عن طريق اختك وهيكون شديد ولكنك هتوافقى عليه ان شاء الله والله معك اما الجزء الاخر اختك ربنا هيفرجها عليها وهييسر امورها المتعسرة اما انت فعندك حبة قلق والله يبعدهم عنك[/size]

toti كتب:: 2

السلام عليكم

انا متزوجة ومعنديش اطفال وباخد كورسات وحصلت مشاكل مع المدرس وبفكر اغيره

حلمت انى في ايطاليا وبعدين دخلت مطعم للاسماك وانا في الحقيقه مبحبش الاسماك ابدا ولا بحب اشوفهم

المهم دخلت المطعهم وعامله امشي فيه وانا متضايقة شويه وعامله ادور علي الباب بس هو كبير اوى ومش عارفه اطلع منه

لقيت حاجه شبه الباب وطلعت بلكونة لغايه ما لاقيت الباب وطلعت منه

لقيت زى ما يكون بحر بس من غير رمل بالارضيه بتاعه المطعم والمايه كانت صافيه اوى لدرجة انى شايفه لون الارض اللي تحتها

والسمك عمال ينط من المايه فانا لاقيت المكان جميل قلت حقعد بعيد اتفرج

بس المايه عماله تيجي عليا وانا مش عايزة هدومى تتبل فعامله ابعد عن المايه

وفي الاخر لقيت سمكه لونها اسود عضتنى في رجلي الشمال وماسكه فيها بس وجعتنى وحسيت بيها اوى

lor=red]]حبيبتى انت نغسك تحققى شئ وان شاء الله ربنا هييسر امرك وهترزقى بما تريدى ولكن هتحتارى فى امر حير ة كبيرة وهتتعرضى لازى من احد ولكن ان شاء الله ربنا هيحميك باذن الله[/size]

marooo21 كتب:: الحلم رقم 3
انا حلمت ان انا نزلت من بيتنا ولاقيت ولد واقف المفروض ان انا اعرفه فى الحلم وكان اسمه احمد و لاقيت ابن عمتى بردوا كان واقف واسمه احمد بردوا لما ناديت وقولت احمد لاقيت الاولانى ابتسم وافتكر انى بنادى عليه روحت عديت من جانبه وروحت لابن عمتى ومشيت معاه وابن عمتى كان مبسوط وبعدين جت بنت مااعرفهاش قالتلى انا همشى معاكى وشكلها كانت حزينة اوووى وبعدين مشينا ووصلنا لبيت عمتو كل ده واحنا ماشين ماركبناش اى مواصلات ولما دخلت البيت لاقيت واحدة كانت بتحضر الغدا وكان فى بنوتة صغيرة امورة اوووى كان عندها ممكن سنتين او تلات سنين جت نامت على ايدى وقالتلى احكيلك حدوته قولتها احكى حكتلى حدوتة سنو وايت قالتلى الامير جيه قبلها روحت انا قولتلها باسها وروحت بوستها فى خدها بعد كدة لاقيت اخويا الكبير جيه وكان جايب حاجات معاه لعمتو فاكهة وبعد كدة ابن عمتو التانى يحى جيه بس ما اتكلمش خالص كان قاعد بس كل ده والبنت التانية كانت معانا ومكنتش عارفة مالها
انا انسة مش مرتبطة ولا مخطوبة وعلاقتى بربنا الحمدلله كويسة كنت قبل ما انام قريت سورة البقرة واستغفرت ربنا وصليت على سيدنا محمد عليه افضل الصلاة والسلام 200 مرة وقريت سورة الكهف واحمد ابن عمتى انا مش ليا كلام معاه كتير ولا بشوفه اصلا وهو يعتبر زى اخويا وعمتو مش عندها اطفال وانا اعرف ناس اسمهم احمد بس اللى كان فى الحلم انا اماعرفهوش ويحى ابنها التانى خاطب

lor=red]]حبيبتى فيه بشرى جميلة لك وربنا هيرزقك بدنيا جميلة وجديدة ورزق من حيث لاتحتسبى وفيه خير لك عن طريق عمتك والله يوفقك[/size]

ابرار كتب:: السلام عليكم ورحمه الله وبركاته

الحلم رقم 4
شكرا جززيلا لك ياماما نجيه على تفسيراتك لاحلامي حبيبتي انتي صحيح بتقولي لي العريس مناسب بس انا نفسي اخذ كفايتي بالاستخاره من اجل العريس حتى ما اندم بعدين وبالمناسبه انا لسه ما شفت العريس مجرد بصلي استخاره اوليه على الموضوع
والموضوع بدا مع بدايه رمضان بس همه الجماعه المتقدمه للخطبه شافوا انه رمضان مش مناسب للخطوبات وحتى مافي وقت نلتقي ونشوف بعض
فالوسيط بالموضوع اللي هي صاحبتي قالت لي خذي راحتك بالاستخاره وانا فرحت قلت احسن جاءت من الله المهله

هذه الرؤيا شفتها قبل يومين
انا كمان كنت مصليه استخاره على موضوع الخطوبه

بس مش شفت نفسي
شفت زوجه خالي انها عروسه ولابسه فستان فرح وش عارفه بالحلم انها كانت عروسه لمين
ولا حتى كانت عروسه لخالي من جديد وانما فقط شفتها لابسه فستان الزفاف وكنت انا بصورها
وكانت في ستاره خلفها لونها اوف وايت يعني( ابيض بيه لون تبني بسيط )
وحتى بدله زفافها كان لونها اوف ولايت حسب ما اذكر
هي زوجه خالي عندها اولاد ولدين وبنت ومش بتفكر بحمل ابدا ووحياتها عاديه ومستقره الحمد لله

وفي عندي رؤيه ثانيه شفتها بدون صلاة استخاره
هذه شفتها قبل الحلم السابق
شفت نفسي اني على اساس متزوجه
وجالسه بغرفه وبيدي سجاده وكنت عاوزه انام ومش قادره
فقلت لنفسي انا متزوجه المفروض انام مع زوجي مش انام لوحدي
وكان عندي في الحلم رغبه بالقرب منه كزوج فقلت خليني اخرج واورح انام معه بغرفه وحده وبجانبه
وكنت حامله سجاده صلاة بيدي
فخرجت من الغرفه
وقلت هذه السجاده ساغطي بيها نفسي مع اني مش كنت عريانه بس قلت خلي اغطي نفسي بالسجاده لاني استحي منه واول مره اكون معه في بيت واحد
وكنت بالحلم متخيله شكله في مخي بس لما صحيت من النوم ما اذكر شكله
لما خرجت من الغرفه ماشفت العريس
بس لقيت نفسي على طول كاني في مطبخ بيتي
وعلى منضده الطعام فيه زهور بالوان جميييله جدا جدا جدا
وكلها زهور طبيعيه
والمنضده كانت مليانه بالزهور
وكنت بشمها وفرحانه بيها لانها اشكالها كانت غريبه وحلوه والوانها جميهل وزاهيه

lor=red]]حبيبتى الرؤيا توضح حال الرائ يعنى انت سوف تكونى عروسة باذن الله والله يوفقك اما التانى بشرى خير وربنا يستجيب وتتزوجى باذن الله[/size]

*سندريلا المنتدى* كتب:: حلم رقم 5
حلمت انو كان عندي حوض سمك مادري كم عددها وفي سمكات متوحشه وكانو معايا حرمتين في نفس الغرفه اعتقد وحده مصريه الحوض طاح واتكسر قلت امسكو السمك خفت عليهم لايموتوا وحده من الحرمتين خرجت برا الغرفه عشان تجيب السمك بعضها خرجت من تحت الباب الارض سار كلو مويا وفي سمكه متوحشه انا طالعت فوق المقعد خفت تعضني والمصريه قاعده في الارض تتكلم كتير وانا مو فاكره ايش قالت

lor=red]]حبيبتى انت محسودة ولكى اعداء حاولى قراءة سورة البقرة يوميا وان شاء الله امورك سوف تكون بخير[/size]

الحمد لله كتب:: الحلم السادس
السلام عليكم ماما ربنا يجعل رمضان عليكى وعلينا شهر خير وسعاده يارب
انا امبارح شفت كان امى بتقولى هاتى تلت بيضات وهاتى دقيق فبقولها ليه قالتلى نعمل تورته فقولتلها تورته ايه التورته هانحتاج كمان خمس بيضات عشان بتتعمل ب98بيضات روحى اشترى 65بيضات من البقال وعماله ادور عندى مكنش عندى اى شىء من مكونات التورته دى فكل شويه الاقى حاجه مره شوكلاته ومره دقيق ومره بيض ومره خل كل حاجه لقيتها ماعدا الكريمه فقولت سهله اروح اجيب من العطار ولقيت البيت عندنا اتملى بس مهواش بيتنا ف الحقيقه كانه بيت حد تانى بس ف الحل جاى بيتنا احنا والعيله كلها كانت عندنا اختى وجوزها واهل جوزها وعمامى وستاتهم وولادهم العيله كلها يعنى وانا كنت واقفه ف المطبخ عماله اعملها تورته واقدم تورته ومشورب بس

lor=red]]حبيبتى انا بعتزر عن التاخير لانى بنتة وضعت بحمد الله وانا مجهدة جدا جدا ومش قادر على التفسير ولكن علشان خاطركم كله يهون رؤيتك يا قمر فيها قلق ولكن سوف تتجمع العائلة عندكم فى مناسبة حلوة ان شاء الله وربنا يتم لك فى خير [/size]

ايناس انوسه كتب:: الحلم رقم 7
شفت خير اللهم اجعله خير لا مواخذة انى ببص على صدرى فى المرايا بس كنت لابسة فوقه بلوزه لقيت بقا شكله حلو اوووووى وبقا اكبر حجما شوية من حجمه العادى وبقا شكله جميل وكنت لابسة عليه بلوزة كده سوداء ومنقطة بنقض بيضاء وكانت شيك ولايقة عليا اوى اووووى وبعدين كنت لابسة على وشى نضارة نظر كنت جايباها جديدة بس كانت لونها احمر و العدسات بتاعتها لونها رمادى كده بحيث الرؤيا من خلالها تبقى رمادية شوية فقلت لما اشتريت النضارة دى اشترتها بصفة موقته و قالولى ان هما هيجيبولى اخت النضارة دى بالظبطططط وهتكون العدسات عادية ورايقة عن كده والرؤيا من خلالها هتكون من غير الوان تعيق الرؤيا وفضلت مستنية شوية لحد ما المحل بتاع النضارات بعتهالى فعلا وكانت اخت اللى معايا بالظبططط بس لونها بقا فضى بيلمع اووووى وشكله حلو والعدسات بتاعتها رايقة جدااااا ومفيهاش الوان تعيق الرؤيا زى اللى كنت لابساها وبقت الرؤيا اوضح بيها وشايفة بيها كويس بس كانت كبيرة على وشى حبتين يعنى كبرها على وشى فى الاول كان مضايقنى شوية بس قلت مش مشكلة بكرة هتعود على حجمها الكبير ده عشان بس لسه لابساها جديد ولقيت ماما بتاخدنى فى حضنها وبتباركلى على شكلى بصدرى الحلو ده وبنضارتى اللى لابساها على وشى وكان شكلى فعلا حلو اوى بيها بس هى كبيرة على وشى شوية بس كانت لايقة عليه جدا والله لدرجة انى لما جيت اقلعها واخلى غيرى يقيسها مش كانت لايقة على وش حد خالص غيرى رغم كبرها ده وفعلا كانت نضارة جميلة وملفته وعلى الموضه كده ...وخلص المنام على كده ...يا ترى معنى كبر وجمال الصدر لا مواخذه والنضارة الرمادى وبعدين الفضى الكبيرة دى اللى اتضحت بيها الرؤية اكتر ايه يا ماما ؟؟ ...يارب خير يارب

lor=red]]حبيبتى رؤيتك جميلة وان صدقت فسوف تخطبى لعريس جميل ولكن فيه صفة غير مناسبة شوية ولكنك هتقبليه وهتفرحى به كثيرا والله يوفقك[/size]

مـــلاك روحـــي كتب:: الحلم رقم 8 باذن الله

ازيك ياروح قلبي وحشااااااني فوق ماتتصوري

عارفه اني مقصره معاكي بس نفسي اكلمك ومعايا اخبار كويسه

دعواتك معايا يا حيبتي ربنا يجبر خاطرنا جميعااااااا يارب العالمين

امبارح قريت 3 اجزاء وصليت الشفع والوتر والقيام ودعيت

وصليت الفجر وقريت يس ودعيت اتخطب لمحمد ونمت

حلمت بفضل الله الواحد الاحد ::

اني قاعده في مكان بس مكان فخم جداااااا وفيه شخصيات كبيره جداا

وبعدين قعدت مع واحد اسمه * محمد وهبه * من بلدي

وفي نفس الوقت صاحب محمد اللي بتمناه من ربنا

المهم لقيته قاعد بيشرحلي حاجه زي درس او كده ومعايا واحده صحتي اسمها امل

وفجاه لقيت الرئيس محمد مرسي جه قعد قصادي وبدا يشرحلي بنفسه

اسنغربت جدااااااااا اشمعنا انا من وسط الموجودين وكان متواضع جداااااا وكنت انا سعيده

وفجاه لقيت واحده صحبتي اسمها ايه بتحط حاجه بتلمع في عيونها

فطلبت منها قلم كحل اخدته واتكحلت بيه وكنت اموره جداااااااااااا

وفجاه لقيتهم بيوزعوا بوكيهات ورد ولقيتهم عطولي بوكيه ورد احمر وكان روووووعه

وصحيت من الحلم علي كده

يار يكون خير حبيبتي وجزاكي الله بكل الخير يااااااااااااااااارب

lor=red]]حبيبتى كل عام وانت بخير طبعا رؤيا جميلة جدا بسم الله ماشاء الله وربنا يسهل ويتحقق حبيبتى الامل موجود وسوف يتحقق باذن الله وربنا سوف يعلى قدرك باذن الله ويحقق املك والله يحرصك بملائكته وان شاء الله سوف تتزينى لعريسك قريبا باذن الله[/size]

منة20 كتب:: 9
انا حلمت اني باكل حلويات شرقية وكان طعمها جميل جدا وعلي ما اعتقد ان خالي هو اللي جبهالنا بش كنت باكلها لوحدي
وخلص الحلم

الحلم التاني حلمت اني طالعة رحلة مع صحابي وكنا راكبين اتوبيس شيك جدا
وخلص الحلم

lor=red]]حبيبتى ان شاء الله فيه مناسبة حلوة لك باذن الله اما الثانى ان شاء الله ربنا يهدى حالك وهتسير امورك بخير[/size]

متفائله للابد كتب:: الحلم رقم 10

اذيك يا ماما نجيه
رايت امس انى راحه اشترى خبز انا واخى وذهبنا للمحل واحنا فى طريقنا لهناك قبلنا كلاب كتييييير وكان فى واحد كبير جدااا وانا كنت خايفه وقلت لاخى تعالى نرجع مش مهم الخبز وهو رفض ومشينا من غير ما الكلاب تؤذينا لان فى راجل طلع ومشاهم وروحنا اشترينا المفروض نججيب اربع شنط الست معتطش لنا غير 3 وكان شكل الخبز حلو بس واحنا ماشين وقع منه رغفين على الارض وانا مكنتش عاوزة اجيبهم من على الارض ورجعت اخدتهم تانى
وانا مروحه البيت وجدت جار لنا جايب بلح بس لسه اخضر مش مستوى وفيه منه مقشر وزى ما يكون بيبيعه وكان حاطه امام بيتنا
وانا بقى لقيتنى باكل بلح احمر زغلول وكان طعمه جميل

انا انسه متدينه والحمد لله
بتعالج بسورة البقره
رؤيه الكلاب دى اتكررت معايه جدا خصوصا فى رمضان تقريبا كل يوم رؤيه الخبز وكلاب

lor=red]]حبيبتى فيه ناس اندال سفهاء بتحاول الكلام عليك لكن مش هيقدروا عليك باذن الله وفيه رزق لكم انت واخيك وان شاء الله سوف يتحقق لكم امل ممكن فى شغل او وظيفة ولكن راتبها هيكون اقل مما فى تفكيركم وفيه خطبة قريبة لك باذن الله والله يوفقك[/size]

slasel كتب:: الحلم 11

السلام عليكم ياامى اخبارك ايه وحشانى يارب تكونى بخير وفى احسن حال
انا كان عندى حلم حلمته قبل كده بس مركزتش فيه الا لما صحبتى كلمتنى النهردة فمش فهمه ايه تفسيره

انا كنت حلمت خير اللهم اجعله خيرا انى قابلت وحدة كانت صحبتى اوى زمان فهيه قالتلى تعالى معايا وكده بس انا كنت لبسة بيجاما بيضا شفافة ( تشف ملابسى الداخلية ) وشعرى كان طويل وناعم وكثيف فقلتلها طب استنى اغير هدومى قامت قيلالى لاه تعالى كده وودتنى سلمت على اهلها ومامتها وصحبتها وشفت اخوها وناس غريبه معرفهمش
(مع العلم ان صحبتى ده علاقتى بيها دلوقتى قلت كتييير عشان هيه ووالدتها زمان كانوا عيزين يجوزونى اخوها وانا منفعش معاايا وهوة اخوها مش من النوع الاجتماعى اوى) المهم فى اخر الحلم لقيت صحبتها بتقولى متكلميه عادى وكده

المهم ان صحبتى دى كان بقالى كتير مشفتهاش وعلاقتنا قلت جامد لدرجة انى محضرتش فرحها بس لقتها فجاة النهردة بتكلمنى وبتوطد وعيزة تشفنى و نرجع صحاب تانى !!!!!!
26 سنة - انسة - غير مخطوبة - لا اعمل

lor=red]]حبيبتى ان شاء الله سوف تتزوجى مثل صاحبتك قريبا ان شاء الله وفيه سر صاحبتك هتعرفه عنك وفيه عريس قريب لك ان شاء الله ومكالمة التليفون بتحدث كما هى والله يوفقك[/size]

الحمد لله كتب:: حلم رقم 12
السلام عليكم ماما امبارح شفت كان حمات ابن عمى بتسرحلى شعرى وسرحته حلو اوى وبعدين ضفرته وبعد مخلصته راحت حطالى عليه زيت بس شعرى ف الحلم كان طويل اوى لدرجه انى كنت قاعده عليه المهم بعد محطتلى زيت انا قولتلها هادخل اغسلايدى ووشى مكان الزيت بس دخلت حمامات جامع وانا بغسل وحاطه الصابون على وشى كان فيه اطفال بنات ف الحمامات راحو فكو الحنفيه ولقيت الحوض كان هايقع اتفك الحوض كمان الهم انى عدلت الحوض وبعدين جه واحد يدخلالحمامات لاقانى بظبط ف الحوض وبعد معدلته راح وقع تانى سبته ومشيت وانا خارجه قبلت ناس زميلى ف الشغل واحد اسمه استاذ محمود قنديل والتانى استاذ ابراهيم الحلوانى وسلمت عليهم ومشيت

lor=red]]حبيبتى ان شاء الله لك عريس عن طريق زوجة عمك وربنا هيجمع امورك ان شاء الله وهتخطبى ولكن يخشى على هذه الخطبة والله يوفقك[/size]

princess of love كتب:: الحلم رقو 12

السلام عليكم ورحمة الله وبركاته

ازيك يا ماما نجية اخبارك ايه ، عاملة ايه وحشاني بجد ، معلش بنتعبك معانا ، بصي يا ماما انا حلمت اول امبارح يوم الخميس الحلم ده حلمت خير اللهم اجعله خير ان انا في مكة المكرمة او المدينة المنورة انا مش عارفة انا فين بالضبط بس انا في مكان من الاتنين بس الاغلب انها مكة ، فانا واقفة في ساحة كبيرة فيها ناس ماشية كتير ، لقيت واحدة سعودية بتقولي استعدي انتي رايحة تعملي حاجة من الاتنين (اما العمرة او الحج ) ، فانا استغربت اوي وقولتلها ازاي انا مش مستعدة ومأحرمتش من الميقات قالتلي ملكيش دعوة انتي اجهزي وخلاص، قلتلها طيب هلبس واستعد وابقى اخرج احرم من الميقات اهل البلد دي ، وبعدين دخلت حمام كبير اوي وواسع وواقفة انا ووالدتي عشان نتوضأ عشان نروح نلحق العمرة او الحج (مش فاكرة بالضبط بس هي واحدة منهم ) ، وانا واقفة مستنية دوري اتوضأ وماما معايا ، لقيت فجأة السما نورت برق ورعد ومطر كتيرررررررر، فبقول ايه مطر كمان وبرق ورعد ، هي ناقصة فبقول ليه درجة الحرارة بره كام يعني عشان الدنيا تمطر كده ردت عليا واحدة برضوا معرفهاش قالتلي درجة الحرارة بره تقريبا 16 .وقمت من النوم على كده .

طمنيني الله يخليكي دا ايه يا ماما انا تعبانة اوي وخايفة ومفهمتش الحلم ده معناه ايه خاصة وان عمي لسه متوفي من 10 ايام ، وحالتي النفسية وحشة جدا وحالتي الصحية اديني بقاوح ، مقدمة على شغل ومستنية الرد في اكتر من مكان ، هتجنن واروح العمرة فعلا انا مشتاقة ليها جدا ، الشخص اللي كلمتك عنه قبل كده بقاله شهر مختفي ومعرفش عنه حاجة ، طمنيني دا خير ولا ايه ولا انا كمان هموت ، وكل سنة وانتي طيبة

lor=red]]حبيبتى الدوام لله حبيبتى فيه امل انت ترجوه واتاخر عليك شوية لكن ان شاء الله هتفرج قريبا وهترزقى بساعة ايجابة ان شاء الله وهتبشرى بخير قريبا وهتنالى املك باذن الله والله يوفقك[/size]

marooo21 كتب:: الحلم رقم 14
انا حلمت ان انا روحت بيت خطيبة اخويا وكانت مامتها لابسة اسود وواحدة قريبتهم معاهم وخطيبة اخويا كانت لابسة بدى حماله وبنطلون جينز ورافعة شعرها وانا ما شوفتش شكلها كانت مديانى ضهرها وانا ماشوفتش شكلها بس فى الحلم هى كانت شيماء خطيبة اخويا مامتها قالتلى موتى العرسة اللى على ضهر شيماء انا لما شوفتها كانت حشرة صغيرة اووى ماتشتفش وكان لونها شفاف وفى حجم النملة وانا موتها بصباعى واستغربت علشان مامتها بتقولى ان دى عرسة بعد كدة مامتها كانت بتقول للست اللى كانت معاها هى دى مامت بجد بس مااعرفش مين اللى كانوا بيتكلموا عليها وكان جوز مامتها قاعد على السرير
خطيبة اخويا فى بينهم مشاكل بس انا مكنتش بفكر فيها قبل ما انام و قبل ما انام كنت بعيط وعايزة ربنا يرضى عنى ومايبعدنيش عنه تانى انا انسة عندى 25 سنة ومش مرتبطة ولا مخطوبة وعلاقتى بربنا الحمدلله كويسة ختمت القران وهختمه تانى ان شاءالله وبصلى قيام الليل يوميا واخويا ده اكبر منى ب 4 سنين وابويا وامى مش موافقين على انه يتجوز البنت دى

lor=red]]حبيبتى واضح ان فيه مشاكل وان خطيبة اخوك متجاهلاك ولكن انت هتبعدى شر عنها ومش واضح ان الخطوبة هتتم فيه قلق فى الزواج والله اعلم[/size]

منة20 كتب:: 15
حلمت ان الشقة اللي في العمارة اللي قدامنا كان فيها صاحبها وهو شاب وانا كنت ماشية في الشارع فبصيت فوق لاقيته فاتح الشباك عنده وبيبص علي الشاك بتاعي وبعدين طلعت بيتنا فبفتح الشباك لاقيت صحابه فتحوا الشباك فبصولي وابتسموا وفهمت انه حكيلهم عليا بس الشباك بتاعوا هو خشب بس كان فيه حتت مكسورة وصحابه فرحوا لما شافوني او فرحوا له هو
وانتهي الحلم علي ذلك
مع العلم ان هذا الشاب كان خاطب ومحصلش نصيب وهو يبحث عن عروسة وانا رأيته مرة بالصدفة كنت بفتح الشباك وشافني ولكن لم افكر في الموضوع علي الاطلاق

lor=red]]حبيبتى احرسى لان هذا الشاب مراوغ ومش جد اوى وربنا يرزقك باحسن منه[/size]

ronyrosa كتب:: الحلم رقم 16
ازيك يا ماما نجية كل سنة و حضرتك طيبة و الف حمد الله على سلامه سارة و مبروك على المولود.
انا هقول حلمي بس استحملينى شويه عشان هو طويل و كدا جزء
النهارده الفجر نمت و انا باستنى الفجر لقيت حد المفروض انه قريبنا او حاجة زي كده بيدينى علبة مقفوله و يقولي ده ليكي لما فتحتها لقيته فيها حاجات زي ادوات المائده زي ما تكون فضه و بتلمع و صحيت على كده.

في وسط النهار لما نمت حلمت انى انا و اختى الصغيرة في الشارع و بعدين سمعت صوت بابا في محل رحت دخلت لقيت بابا معاه طبق كريستال كبير زي ما يكون شاريه لحد بس عاوز يرجعه للمحل تانى وواقف مستنى البياع....قعدت اتمشى في المحل لحد مارحت ركن الملابس لاقيت من بعيد واحده كانت معاي في الجامعة و بقالي سنين معرفش عنها حاجة اسمها في الحقيقة رحاب بس في الحلم كانت تخينة عن ايام الكليه و مش لابسه الحجاب عملت نفسي مش شايفاها بس لقيتها بتنده عليا وبتتكلم معاي وانها بتشتغل في صيدليه و عندها امتحانات دراسات عليا بس ربنا يعفينا متعثرة فيها ( انا في الحقيقة بعمل دراسات عليا و الحمد لله اموري مشيه كويسه) . بعد كده لقيت نفسي في بيتنا و كانى كنت بغسل شعري او باستحمى و موبيلى بيرن روحت ارد لقيت واحده بتقولي انت فلانة (اسمي) بنت الحاج فلان (اسم والدي) و الحاجة فلانة (اسم ماما الله يرحمها ) قلتلها ايوة انا قالتلى انا عايزة ازوركم النهارده قولتلها ماشي بس نستغل الساعتين اللي قبل المغرب عشان انا واختى خارجين بعد المغرب، قالتلى ماشي انا هاجى و هجيب الاكل معاي، قلتلها لا متجبيش حاجة احنا عندنا الحمد لله و عموما انا هديكي لماما و هي حرة معاكي. نزلت للدور الاول في بيتنا و دخلت الشقة لقيت ماما ( في الحقيقة متوفية) قاعده في وش الباب على كرسي الصالون (غالبا ما كانت بتقعد عليه و هي عايشة) ادتلها الموبايل . بصيت على باقي الصاله لقيت زي ما يكون عندنا عزا و الريسبشن مليان سيدات لابسين اسود. اخدت التلفيون من ماما بعد ما خلصت و انا طالعه السلم لقيت مرات خالى و اخوتها الاتنين ومرات ابن عم ماما قاعدين على السلم قلتلهم قاعدين هنا ليه قالتلى احمد احوكي اللي قلنا نقعد هنا ( مرات خالي في
الحقيقة كان بنها وبين ماما مشاكل على ميراث و بيقال انها بتمشي في سكة الاعمال و السحر).

بعدين صحيت شويه ولما كملت نوم شوفت ان انا واختى قاعدين مستنين بابا يرجع من الشغل و اتاخر قوي وبعدين لقيت ستات محجبين طالعين سلم بيتنا سالتهم بابا فين اتاخر ليه ؟؟اول اتنين مردوش عليا اما التالته رحت ماسكاها من الحجاب بتعها وقولتلها وانا بعيط ( و كانى حاسة انه بعد الشر يارب عنه جراله حاجة ) ردي عليا بابا فين قالتلى انه استشهد. لما طلعت الشقة وقعدت انا و اختى لقيت بابا قاعد بيتكلم معانا (كأن روحه هي اللي بتكلمنا) انه كان في مشوار و اراد ربنا انه يستشهد و اننا منزعلش .و فضل يحكلنا تفاصيل اللي حصل و احنا مذهولين و مش قادرين نتكلم. وصحيت انا مرعوبه عليه و خايفه جدا
ارجوكي تردي عليا و تقوليلي التفسير مهما كان لانى خايفة قوي على بابا.
انا انسه 31 سنه ، اليومين دول حاسه انى تعبانة و مقصرة مع ربنا.
اسفة انى طولت عليكى و ربنا يجزيكي كل الخير يارب

lor=red]]حبيبتى اولا مكالمة التليفون بتحدث كما هى وفيه خطوبة لك قريبة ان شاء الله وفيه فرح جميل عنكم وخدى بالك من تصرف زوجة خالك اما الثانى بابا عمره طويل باذن الله ورزقه كبير وربنا راضى عنه والحمد الله[/size]

ايناس انوسه كتب:: الحلم رقم 17
يارب يا قمر يكون تاخيرك علينا خير ياااارب ويديكى الخير كله يارب انهاردة الضهر نمت شوية شفت خير اللهم اجعله خير انى زى ما يكون فاتحة الكمبيوتر عندى وفاتحة الفيس تقريبا وبكتب عليه "رضيت بالله ربا وبالاسلام دينا وبمحمد عليه الصلاة والسلام نبيا ورسولا " وصحيت بعدها على كده ...خير يارب

lor=red]]حبيبتى انا بخير ولكن بنتى وضعت وانا مشغولة معها اما رؤيتك جميلة وفيها رضا منك بنصيبك ورضا من الله عليك بشراك يا قمر[/size]

ميرنا 2012 كتب:: الحلم رقم 18
حلمت أنه كنت جالسة وفي بنت صغيرة كأني أنا اللي ولدتها من شوية
وحد ناولني أمسكها فمسكتها وكانت هادية ونظرت لوجهها كان لها اشعر بني
لكن الغريب انه بوجهها ع انفها من فتحاته فوقه برضوا يعني على الجلد بتاعه كان في شعر
خفيف لونه اسود فقلت ده لانها دلوقتي انولدت وده كله رح يهر <يعني قصدي ده شعر الوجه بالاخص ع الانف >وكده ببص على وجهها فقلت ده يمكن وجهها بيشبه ابوها شوية
وحسيت انها مش حلوة و رح خبيها عن عيون الناس خجلا انها مش قمرة فحطيتها كده ع السرير
تنام وفجأة اجت عمتو فقالت مين البنت الل بتبكي وتصيح أكيد بنت منار وكان معها مسطرة تخينة فراحت ضاربة
ده البنت <اللي هي بالمنام بنتي >على ايدها وخلت ضفرها يزرق فركضت ليها قلتلها والله بنتي ماطلع صوتها وكده خليتها تبكي وهي البنت مش بكيت بسرعة فحملتها وضميتها فقالتلي ده البنت
ماما منار ولقيتها جميلة جدا مش زي الاول ابدا وكانت حتى حجمها اكبر من اول مرة مسكتها فيها
فقلت ده كبرت بسرعة وحتى قلت لها قولي خمسة فقالتلها قولي كده وتقول وهي بتضحك لي
وجدا اتعلقت فيها وحبيتها وقلت كفاية انها بنتي وبتناديني ماما مش مهم بتشبه مين المهم هي بنتي
وبعد شوية دخلت أوضتي واخدت طاسة مية كنت عايزة أتوضى وبالمنام استخدمت من المياه اللي بقرأ عليها سورة البقرة وبخبيها وبستحم منها لكن انا بالمنام اخدت اتوضى واتوضيت وضوء كامل باستثناء اجري كنت لابسة جوارب فقلت بس رح أسكب مية عليهم مش رح اخلعهم وبعد ما انتهيت
اجيت تركت بالطاسة كده شوية مية وكنت قليلة بس لقيتها بتزداد لوحدها وصارت تطف من الطاسة فخفت جدا ايه الل بيحصل ومسكت طاسة المية وطلعت برا اوضتي وكانت المية عاملة زي فقاعات البيبسي عم ترش وجههي وانتهى
انا انسة ملتزمة
ارقي الحمدلله
متقدم لي شاب لكن والدي معارض الامر لازال قائما
عمتي الله يسامحها معاملتها مش كويسة معي بالاخص من وراي
وكنت بالبريود وقت الرؤيا ده

lor=red]]حبيبتى البنت رزق وكل ما كانت البنت وحشة كل ما زاد الرزق وان شاء الله ربنا هيرزقك من حيث لاتحتسبى بما تتمنى وفيه ناس هتغار منك وهتحسدك وان شاء الله سوف تنالى امنية نفسك فيها ربنا هيحققها لك ولكن هتحتارى فى امر ما وان شاء الله هتستر معك وهتخطبى قريبا ان شاء الله والله يسعدك[/size]

amura كتب:: ا الحلم رقم 19
لسلام عليكم ورحمة الله تعالى وبركاته
رايت كانني اقوم باشغال المنزل من تنظيف الارضية وكنت احمل في يدي خبزا به شيئ لا اتدكر واننا في شهر رمضان ثم لا ادري يبدو انني اخطات واكلت كوكاوا ثم تدكرت انني صائمة فافرغته ثم عدت للتنظيف مجددا وكنت احمل في يدي خبزا به شيئ لااتدكر ولاحظت انني انهيته وافطرت خطا في رمضان فجلست في غرفتي انا واختي وحملت هاتفي النقال للاثنان احداهما سمعته وضعتهفي ادني لم اسمع شيئا ثم اتت اختي وسمعت موسيقى جميلة فقلت لها لم اسنعه من قبل فقربتها لادني وسمعتها موسيبقى عدبة جميلة سمعناها للاثنتان واعجبتنا كثيرا ثم ارجعت هاتفي لي الي وسمعته لوحدي وكنت ارتدي بنطال احمر (املكه في الحقيقة وهو ملك اختي وقميض ابيض بدا لي في الحلم كانني املكه)ثثم رايت انني ارقص في الصالة لوحدي بلا موسيقى م قلت بما انني افطرت في رمضان لوحدي لاباس ان افطر بعيدن ارجع العدة وتسائلت في نفسي عن حكم دلك او اكمل صيامي مع صدقة فققرت الافطار وبقيت اكل اكسر في حبات اللوز لاخرج منه اللوز وبقيت اكل بكثرة وكانت امي بجانبي كانت ترتدي الاحمر اصلا اليوم ترتديها لكنها قالت لي انها فاطر لانها حائض امي اصلا افطرت من قبل (ثم دخل ابي وخبيت الهاتف في قميصي الابيض ووردني اتصال من شخص اسمه( ليو اللطاف) استغربت دلك جدا وقلت ربما اخ صديقة لي تعرف بي منق بل(في الحقيقة لا اعرفه)وغادرت الى المطبخ فوجدت الطاولة مملوءة بحلويات عيد المولد احد من افراد المنزل (في الحقيقة لا ادري احتفال من)وودت ان اكل اليايورت ثم دخلت للصالون فوجدت اختي وصديقاتهعا في المنزل وامي وفتحت اليايورت لاكله فتدفق هند دخولي للصالة فجريت سريعا الى الطابق الاول لاحضر منشفة لامسحه قبل ان تعلم امي انني وسخت البطانية وتعاتبني وانتهى الحلم
انا فتاة عزباء

lor=red]]حبيبتى ان شاء الله ربنا هيسهل لك وهتخطبى باذن الله ولكن هيحدث خلاف معكم وهتتردى كثيرا وممكن نفسخى الخطوبة ولكن فيه فرحة لك وفرح ان شاء الله ورزق من حيث لاتحتسبى والله يتمها معك على خير[/size]

متفائله للابد كتب:: الحلم رقم 10

اذيك يا ماما نجيه
رايت امس انى راحه اشترى خبز انا واخى وذهبنا للمحل واحنا فى طريقنا لهناك قبلنا كلاب كتييييير وكان فى واحد كبير جدااا وانا كنت خايفه وقلت لاخى تعالى نرجع مش مهم الخبز وهو رفض ومشينا من غير ما الكلاب تؤذينا لان فى راجل طلع ومشاهم وروحنا اشترينا المفروض نججيب اربع شنط الست معتطش لنا غير 3 وكان شكل الخبز حلو بس واحنا ماشين وقع منه رغفين على الارض وانا مكنتش عاوزة اجيبهم من على الارض ورجعت اخدتهم تانى
وانا مروحه البيت وجدت جار لنا جايب بلح بس لسه اخضر مش مستوى وفيه منه مقشر وزى ما يكون بيبيعه وكان حاطه امام بيتنا
وانا بقى لقيتنى باكل بلح احمر زغلول وكان طعمه جميل

انا انسه متدينه والحمد لله
بتعالج بسورة البقره
رؤيه الكلاب دى اتكررت معايه جدا خصوصا فى رمضان تقريبا كل يوم رؤيه الخبز وكلاب