تفسير احلام الخميس 5/7/2012باذن الله

الحلم 8

....

حلمت بآآني نآئمة وكانت أختي المتزوجه نايمه على يميني وأخي الاكبر نايم على يساري وكان نآئمين على فرآشين فقط ووكنت في الوسط ورآيت أظافر ((ظفرين )) بقرب أخي ووصخ وترآب واحسست بالاشمئزاز وقلت لاختي أنا لاانام الا في نظافه سريري ثم صحيت

الحلم الثاني

حلمت اني أشتر يت 3 علب ماء من أمرءة ثم قالت لي بعد قليل تعالي وخذي علبة ماء كبيره لانك أشترتي 3 علب

ومشكورة مقدما

NOORSEEN كتب:

الحلم 1

انا دايما بحلم انى واقفة ف مكان عالى اوى زى ع سطوح عمارة كبيرة او فوق برج
بس منغير سور والمكان اللى واقفة فية صغير اوىىىىىىىىىى

وانى خايفة جدا كل ما ابص لتحت ببقى خايفة اقع فى الحلم اوى
ودايما ف زى سلم كدة كل ما اقول لحد انقذنى يقولى اوصلى للسلم دة وانا خايفة امشى لاقع من المكان العالى دة لغاية ما اوصل للسلم وساعات بوصل فلعا للسلم وبنزل بسلام وساعات بخاف اتحرك من مكانى للسلم
وببقى خايفة جدا ف الحلم وقلبى نبضة عالى اوى من كتر الخوف
انا علطول بحلم بالحلم دة

؟؟؟؟؟؟؟؟؟؟؟؟؟؟؟؟؟؟؟؟

lor=red]]حبيبتى انت امامك هدف ونفسك تحققيه ولكن خائفة من الفشل وبتفكرى كتير انك ممكن تفشلى ولذلك خائفى تتجرئ وتنفيذه وعليك بصلاة قضاء الحاجة يوميا 12 ركعة بعد منتصف الليل واقرئ سورة طه كثيرا وان شاء الله سوف تحققى املك بنجاح [/size]

الحمد لله كتب:

الحلم الثانى



اولا كدا بجد انا مبسوطه جدا انى كنت معاكم بس اخويا هايفصل عننا النت فتره ياريت حد يبقا يدخل يعمل موضوع لحد مارجع ياجماااااعه وباذن الله مش اطول وارجع تانى

امبارح طبعا زى كل يوم مصليه وقاريه قران وداعيه ربنا ياماما شفت ابن اختى هو عنده سنه وطالعله سنتين صغيرين كدا تحت واتنين فوق ف الحلم شفته طالعله كمان سنتين تحت يعنى اربعه تحت وكنت مستعغربه طلعو امتى الاتنين دول

lor=red]]حبيبتى حتوحشينا وربنا يسهل وتدخل احدى البنات الجملات وتنظم مكانك وطمنينى عنك اما بالنسبة لرؤيتك فان شاء الله اختك هتخلف اخوان او اخوات لابنها قريبا والله يبارك لها فيهم[/size]

روز ليدى كتب:

3- ازى حضرتك يا ماما ربنا يديكى الصحة ويفرح قلبك باولادك يارب

انا حلمت انى فى شقتى وبوضب فيها انا وجوزى وجايبن حجات جديدة بوتجاز جديد وكبير وبعدين الباب خبط وكانت حماتى وجوزى فتح لها الباب وقبل ما يفتح قالى ياااه اهى هتشوف احنا بنعمل ايه وراح فتح راحت دخلت بس كانت مش قادرة تدوس على رجلها او كانت بتعرج عليها كدة وبعدين انا روحت سلمت عليها وقلتلها تعالى وروحت مسكت ايدها عشان اسندها وراح جوزى قالى انا نازل وهى راحت بصت على الاوضة كدة ولاقيت البوتجاز محطوط فى اوضة الانترية وحجات تانية جديدة وانا كنت بخيط حاجة او بطرز حاجة جديدة برده راحت بصت وقالتلى ايه ده انتوا مش فاضين ده انتوا شكلكم بتوضبوا شقتكم انزل انا بقا قلتلها لاء خليك راحت قالتلى طيب اعمللى شاى وبصت على البوتجاز الجديد قلتلها حاضر بس مش معى كبريت راحت طلعت علبة كبريت صغيرة وراحت مولعة عود كبريت بس العود مش طلع نار لكن فضل يطلع صوت كانه هينفجر وبعدين راحت حدفت عود الكبريت فى قلب فاظة بتاعة ورد روحت انا قلتلها ليه كدة حاولى تتطفى العود قيل ما يفرع اتصرفى بسرعة الشقة كلها هولع حرام عليكى وهى مش بترد على وباصة على الفاظة اللى فيها الكبريت وبتتضحك ومستنيها تفرقع روحت انا لاقيت زجاجة فيها شوية مية صغيرين روحت رميت الميه من بعيد فى قلب الفاظة راح العود اتطفى روحت قلت الحمدلله بس الفاظة اتخرمت من العود روحت قلتلها شوفت الشقة كلها كانت هتولع عود الكبريت بتاعك صغير لكن خرم الفاظة وكان هيولع الشقة وبعدين جوزى جه روحت حكيتله الللى حصل راح قالى انتى هبلة هى كان قصدها تولع فى الحاجة الجديدة اللى احنا جايبنها وكل ده وحماتى واقفة ولما سمعت كلامى جوزى راحت نزلت

وبعدين شفت نفسى حامل ورايحة انا وواحدة صحبتى اسمها - امنية - اولد والدكتورة اللى هتولدنى اسمها - هدى- وانا بقول للدكتورة انا مش عارفة الحمل حصل ازاى انا عندى ولد وبنت وماكنتش بفكر فى الحمل تانى لكن الحمل لما حصل قلت حرام انزل الجنين وسبته ودلوقتى جاية عشان اولد راحت الدكتور قالتلهى يعنى انتى جالك طلق ولادة قلتلها اه بس انا بستحمل راحت قالتلى طيب تعالى وكانت بتكشف على

وخلص الحلم على كدا

lor=red]]حبيبتى حماتك عجزت عن تنفيذ شئ وممكن احدى بناتها تخطب اما انت ففيه رزق لك وتوافق بينك وبين زوجك لكنها لن تتركك فى حالك وهتعمل لك مشكلة كان ما يعلم مداها الا الله ولكن بحكمت هتنهى هذه المشكلة باذن الله وهتعدى على خير احرسى منها والله معك اما الثانى انت حاملة هم كبير ولكن ربنا هيفرجها عليك باذن الله وهيسر امرك وهيهدى طريقك وفيه امنية سوف تتحقق لك ان شاء الله[/size]

مـــلاك روحـــي كتب:

الحلم رقم 4

السلام عليكم حبيبتي وربنا يفرح قلبك ويجير خاطرك

حلمت بفضل الله الواحد الاحد

اني كان معايا شمع عسل وعماله اكل فيه وفرحانه

وفجأة لقيت نحله جات من بعيد علشان تقرصني

وساعتها جه في بالي انها زعلانه اني باكل الشمع

علشان هي تعبت فيه المهم لقيتها جات قرصت ايدي اليمين

وكان ماما وبابا واقفين ومعملوش ليا حاجه بس انا محستش بحاجه خالص

وقلت كويس انها قرصتني في ايدي مش في وشي

علشان الورم ميبقاش ظاهر وحد ياخد باله

وبعدين شفت في مشهد تاني بفضل الله الواحد الاحد اني بستحمي

وقلت لما اخلص هلبس البيجامه الموف علشان بحبها وبتكون حلوه عليا

وبعدين شفت في مشهد تالت من الحلم ان خالتي ومرات خالي لابسين ومتزوقين

وكان فيه مناسبه او تجمع في العيله ومرات خالي كحلتني وحطتلي روج

وكان شكلي حلو ولبست وجهزت انا كمان وكان فيه اكل كتير وحلويات

وانتهي الحلم بفضل الله الواحد الاحد علي كده

يارب يكون خير وربنا يجازيكي بكل الخير حبيبتي

lor=red]]حبيبة قلبى ان شاء الله فيه رزق لك وخير وهتتولى رياسة ولكن فيه ناس تكن لك عداوة وهتحاول اذيتك ولكنك لن تتاثرى باذن الله اما الثانى ان شاء الله سوف تتطهرى من ذنب وان شاء الله سوف تتزينى لخطوبتك باذن الله وهتجتمع العائلة فى مناسبة حلوة باذن الله والله يسعدك[/size]

toto كتب:

الحلم رقم (5)
حلمت انى كنت بكلم واحدة صاحبتى فى الموبايل وكانت بتقول لى هتيجى امتى انا مستنياكى تزورينى فقلت لها حسب الظروف ربنا يسهل فقالت لى ماشى ربنا يسهل
وفى الحقيقة صاحبتى دى مش معبرانى وانا دايما بسأل عليها وبعرف اخبارها وهى ولا هى هنا مش عارفة مالها ربنا يهديها

أنا آنسة ومتدينة الحمد لله
وصاحبتى متزوجة

lor=red]]حبيبتى ان شاء الله سوف تتزوجى قريبا مثل صاحبتك والله يهدى طريقك[/size]

mabc55 كتب:

بسم الله الرحمن الرحيم
الحلم رقم 6
السلام عليكم ورحمه الله وبركاته

الحمد لله يا ماما نجيه ان حضرتك بخير

ماما نجيه انا حلمت انى فى بيت حمايه وكان محمود اخو زوجى متزوج واحده
غير زوجته اللى معاه وكان متزوج عروسه جديده
وكان الشقه كلها مش مرتبه وكلها كراكيب حتا الغرفه بتاعت العروسه الجديده
كلها مكركبه اوى فانا دخلت لها الغرفه بتعتها وكلت لها تعالى اعدى
معانه وانضمى لينا هنا فخرجت واعدت معانا فى الشقه وكاتن حماتى
موجوده وحمايه وفى ناس تانيه كلهم موجودين فى بيت حمايه
lor=red]]حبيبتى سلفك ربنا هيوسع عليه بس هيقابل حبة مشاكل وانت هتحاولى الوقوف معهم انت وامه وابيه [/size]
دى اول جزئيه فى الحلم يا ماما نجيه عوزة اعرف تفسرها ايه وفى نفس الحلم برده جزئيه مهم اوى
احب اعرف تفسشرها الواحدها كمانوبعد كده يا ماما نجيه بقيت الحلم


انى روحت عند ماما فى البيت فكان بابا زى ما يكون متنرفز شويه من حاجه
وبعد كده بابا بيقولى بصى يا عزه ماما حطه الغساله فين
فانا قلت لهو يا بابا احمد وحماده اخواتى هما اللى اشتركو وجابو الغساله
الاتمتك دى لماما فبعد كده اعدنا نقول فى واحد قربنا اسمه عاظف خليفه
مات فزوجى وخالى واخواتى قالو احنا هنروح نعزى وبعد كده
ماا كانت اعده عند مع ام محمد جارتنا فجات امل بنت عمى الله يرحمها
جات وبتقول لها يا خلتى احنا رجعنا يا خالتى احنا رجنا يا خالتى احنا رجعنا
كذه مره تنده وتقول يا خالتى احنا رجعنا احنا رجعنا يا خالتى ومتعزبناش احنا رجعنا ومتعزبناش
تكرر الكلمه ده كتير فانا فرحت وبدهت عليها من فوق وقلت لها
يا امل انتو رجعتم من القبر قالت اه رجنا من القبر ومتعزبناش احنا متعزبناش
فانا كنت فرحانه ان امل وبابا رجعو الدنيا تانى فانا قلت لها يا امل
بابا فين بابا فيم يا مل قالت اه جى اه فانا جريت ابص
من الشباك فرايت فى ناس كتير اعده تحت الشباك كلهم رجاله
وفى شويه غسل منشور على الحبل فى الشباك فانا كنت ببعد الفسيل علشان
اشوف بابا وهو جاى ف اناس بصو عليه اكنهم مصتغربين منى انا
على انى صدقت الوهم اللى امل قالته وانا فضلت ببص من الشباك مستنيه بابا
ييجى وبس كده الحلم يا ماما نجيه
ملحوظه حضرتك عارفه ان بابا وامل متوفين الله يرحمهم يارب
وبشكرك

lor=red]]حبيبتى ماما هتصرف تصرف يزعل بابا شوية وفيه فرح انتم هتحضروه باذن الله وفيه امل عندك كنت فقدت الامل فيه ولكنه هيرجع تاثى ان شاء الله وربنا هيحقق املك باذن الله وهتنشرى اخبار حلوة قريبا والله يرحم والدك ويرحم امل ويوسع قبرهم[/size]

ايناس انوسه كتب:

الحلم رقم 7
ماما انا امبارح صليت العصر وعينى غفلت حاجة بسيطة مش نمت نوم عميق اوى وشوفت رؤية بجد مش حلم ومستغربة جدا منها لان اول مرة اشوف حاجة زى دى ...انا اينعم نفسى الموضوع اللى بتمناه ده يتم بس عمرى ما تفكيرى او خيالى وصل للى شوفته فى الرؤية ده لان حاليا العلاقة مع بسيونى بس مش مع حد من اهله حاليا يعنى لسه مفيش معرفة بيهم نهااااائى
شفت خير ان فيه زى بيتين قصاد بعض زى فيلا قصاد فيلا كده وقال ايه انا اسرتى ليها فيلا وفى الفيلا اللى قصادنا اهل بسيونى وزى ما يكون جيراننا وشفت زى ما يكون بسيونى خارج من بيتنا ورايح فى اتجاه بيتهم اللى قصادنا وركب عربيته وراح راكنها قدام بيتهم اللى قصادنا ده ولقيت مامته واقفة فى البلكونة وبتبص على بيتنا وبتقول انها عايزة تخطبنى لابنها اللى هوه بسيونى وزى ما يكون هى اللى معجبة بيا واللى جالى فى الرؤية انها معجبة بيا من غير ما ابنها يقولها عليا كانها شافتنى كده لوحدها بعيد عنه وعايزانى لابنها وخلاص وصحيت على طول بعدها ...وخلصت الرؤية على كده وكانت قصيرة جدا
مع العلم انى حاليا معرفش والدته ولا هى تعرفنى اصلا ده غير ان اهله من محافظة واحنا من محافظة تانية بس كنا فى المنام جيران وقصاد بعض ...خير اللهم اجعله خير يا ترى الرؤية دى ليها تأويل ؟

lor=red]]حبيبتى ان شاء الله ربنا يستجيب لدعائك ويقرب الاسر من بعضها ويقرب البعيد ان شاء الله والله يصلح حالك[/size]

عاشقة نوال الكويتيه كتب:

الحلم 8

....

حلمت بآآني نآئمة وكانت أختي المتزوجه نايمه على يميني وأخي الاكبر نايم على يساري وكان نآئمين على فرآشين فقط ووكنت في الوسط ورآيت أظافر ((ظفرين )) بقرب أخي ووصخ وترآب واحسست بالاشمئزاز وقلت لاختي أنا لاانام الا في نظافه سريري ثم صحيت

الحلم الثاني

حلمت اني أشتر يت 3 علب ماء من أمرءة ثم قالت لي بعد قليل تعالي وخذي علبة ماء كبيره لانك أشترتي 3 علب

ومشكورة مقدما

lor=red]]حبيبتى فيه مشاركة بينك وبين اختك واخيك ممكن يكون مشروع او ميراث او قلوس وهيحدث قلق مع اخوك والله يصلح حالكم اما الثانى ان كنت انسة ففيه زواج قريب لك ورزق باذن الله[/size]