تفسير احلام الاثنين 11/6/2012باذن الله

حلم رقم 4

السلام عليكم كيفك يا ماما نجية

انا بقى شفت مبارح حلم مزعج اللهم يجعلوا خير واتمني من حضرتك تفسريهولي ربنا يبارك فيك

هما 3 احلام في حلم حلمت انو زوجي جاني وقالي حبقي اشتغل اجير بمرتب واني حقفل المحل وموش حتشوفيني لمدة سنةالا ساعة كل يوم بس وانا زعلت قتلو انك كتير صعبان عليا حتبقي اجير عند الناس وبعدين التغيير الحلم كانو اخوه اسمو ناصر مات وهو في الواقع متزوج بعدين كاننا روحنا لبيت اهلو عشان العزاء فحماتي بتشطف الارضية وقعت دبلتي هما اتنين وحده لحقتها والتانية وقعة في حفرة المجاري قالتلي حماتي خلاص راحت بس لما فتحت الحفرة لقتها لسا ماوقعتش لسا علقانا خدتها ونظفتها وبعدين لبستها بس في الواقع في مشاكل بيني وبين زوجي ياريت تدعيلي لببه يفك كربي ربنا يخليك لينا والله يزيد علم في حلم فسرتهولي قبل اني ححمل بولد والحمد لله انا حامل بولد

السلام عليكم ياماما نجيه
انا اولا حابه اشكرك علي تعبك معانا وربنا يكرمك ويجعله فميزان حسناتك
انا انهارده نمت كنت صاحيه بدري عشان المزاكره ونمت ع 9 وصحيت بعد الضهر حلمت خير اللهم اجعله خير
إني قاعده عالمكتب بزاكر ومعايا كيس شيبسي وكان فيه مسابقه وجوايز واني اخربش والاقي رقم ابعت عليه اسمي وعنواني فمسج فانا عملت كده عادي بجرب فبعدها علطول لقيت بعتولي و معايا كيس شيبسي مقفول وشابك فيه ظرف صغير فانا فرحت جدا وقولت انا كسبت وطلع بجد مش اي كلام وقبل ما افتحه ناديت اخواتي مني ويسرا وماما وقولتلهم وكانو مستغربين وفتحت الظرف عشان اعرف فوزت بايه لقيت فلوس طلعتهم كانت أول ورقه خمسين جنيه وبعدها عشرات وفي خمستين ببص لقيت اخر ورقه برضه خمسين جنيه فرحت خالص
وفزت بكيس مليان هدوم كانو كتير وهدوم اساسيه وكل حاجه منها نص دسته زي حد بيحوش جهاز وهما كانو مستغربين وبصتهم معناها يا محظوظه لاني مكنتش قايله اني بعت فالاول فهما شافو فجأه بعت وفوزت وعشان محدش بيسدق المسابقات دي بس
وعديت الفلوس طلعو 140 جنيه وكل شويه حد يسألني طلعوا كام اقوله 140 جنيه
ولسه رايحه افرح بالفلوس الباب خبط سألتهم مستنين حد قالو لا فاتخضينا وانا حسيت انهم بتوع الشبسي عايزين يصورا معايا كان مجرد احساس وماقولتش فبتبص اختي مني من العين السحريه وقالت في كاميرا فيديو وناس فقولت يبقوا هما فقولنا محدش يفتح احنا بهدوم البيت وهما هيزلونا عشان 140 جنيه وشويه هدوم احنا مش عايزين نطلع فالتلفزيون والمفروض يستأذنوا الأول فقولنا مش هنفتح لأنهم مشعلين الكاميرا وهيبدأو تصوير ع طول من غير استأذان ففضلو يرنو واحنا كاننا مش موجودين وهما مصرين فاختي قالت ايه اللي مخليهم متأكدين ان دي الشقه طيب مايروحوا اي شقه تانيه يصورا معاها فانا قلت هما جاين عشاني بالاسم وعارفين العنوان واسمي من المسج اللي بعتها.
وبابا كان بيعمل حاجه فالبلكونه فكنت خايفه اقولوا ع اللي بيحصل يزعقلي وعايزاه يدخل عشان مايتأكدوش اننا فالشقه فلسه جايه ادخله لقيت واحده زميلتي من بعيد قوي اسمها رنده ومعاها واحده صحبتها معرفهاش كانو عندي ومايعرفوش الحكايه فسمعوا الخبط ففتحوا الباب وانا بعيده عن الباب وبقولهم لا ماتفتحوش بس هما الفضول بيحركهم عايزين يعرفو ليه التلفزيون قدام شقتي وليه انا مش عايره افتح
فانا اتدايقت وجريت عالباب انا واخواتي مني ويسرا وبعد ماهما فتحوه انا واخواتي قفلنا بسرعه رغم ان ناس كتير بره بتزق وبعد ماكانو قربوا يمشو لانهم فاكرين مفيش حد بقو بيزنوا اكتر وانا ومني ويسرا قاعدين وراه عشان مايتفتحش فرنده وصحبتها كانوا عادي طالعين من المطبخ فقولتلها بجد مش مسامحاكي عشان قولتلك ماتفتحيش وفتحتي اما صحبتك مش هلومها لانك انتي مسمعتيش كلامي
وكنت مستعده اديهم الجوايز بس يمشوا بس هما كل اللي عايزينه انا فبعد كده ماطولوش الحبط وقف هما فهموا اننا مش حابين نتصور وان ده مش مقابل الجايزه وان ناس كتير بتفوز وماتحبش تتصور وده حقهم ورحت بعد كده قومت وخايفه من بابا فحكيتله فهو كان عادي ومكنش مصدق انهم ادوني فلوس بجد وقالي تلاقيها مزوره فمسك ورقه منهم وبص فيها لقاها مش مزوره وقالي مبروكين عليكي وكنت متوقعه اهلي يزعقولي عشان اللي حصل وانا كل همي شكلنا قدام الجيران ايه هما شايفينا مش راضين نفتح للمصورين ياتري هايسألو ولا كل واحد هايألف قصه ع مراجه بس من رد فعل بابا وماما فهمت ان الناس فاهمه الحقيقه وعادي اننا حرين نطلع فالتلفزيون او لا.
يارب يكون خير
انا واخواتي انسات الحمد لله بنصلي ولينا فتره كلنا بنصحي نصلي الفجر
ورنده مليش علاقه بيها خالص غير السلام لو اتقابلنا صدفه وعمرها ماجتلي البيت.
يارب خير

الحلم رقم 7
اذيك يا ماما نجيه عامله ايه
رايت امس انى بشترى لبس من محل وجبت 3 قطع ملابس تقريبا كان جاكت وحاجتين مش فاكره كانو ايه المهم صاحب المحل قالى ادخلى اقسيهم الاول عشان لو طلعو مش على مقاسك فانا دخلت لقيت واحده زمليتى من بلدى هناك فى المحل فاخدتها ودخلت وقالت لها تقف لى لما اقيس اللبس وفعلا جات معى وكانت معاها اختها وكنت هقيس بنطلون وكان واسع فى الاول وانا بقيسه لونه اتغير
وكنت بدخله حشر وقالو ليه انه ضيق فانا قلت خلاص هروح اجيب من محل تانى احسن
انسه متدينه الحمد لله
عزباء 23 سنه

اميره محمد كتب:

السلام عليكم ورحمة الله وبركاته (الحلم رقم 1)

ازاى حضرتك ياماما نجيه يارب تكونى بالف خير معلش ياماما عاوزه حضرتك تفسريلى حلم لجوزى ( حلم انه اكنه ماسك جنى بايده الشمال ومش شايفه هو سمعه بس فاسمعه بيعيط وبيصرخ وهو عمال يتك على رقبته وفيه ناس مسكين جوزى بس مش شايفهم وعملين يهدودوه لو اذاه هايتاذى وهو عمال يقرا ايه معينه بس هو مش فاكرها وقعد يعيد فيها حوالى مرتين تلاته وبعدين سمع صوت اكنه فرقعه واكن الجنى ده ساح زاى الجيلى)جوزى مسافر ومعندناش اولاد وكان فى اليوم ده مصلى الفجر وكان بيدعى ربنا بالذريه الصالحه

ربنا يجزيكى الف خير ياماما نجيه تفسرهولى عشان احنا خايفين منه اوى

lor=red]]حبيبتى الحمد الله ان شاء الله ربنا هيرزقكم قريبا لان كان زوجك عنده تعطيل وربنا سهل وزال الغمة وان شاء الله ربنا هيرزقكم قريبا لان اصبح الان مفيش اى شئ معطل الحمل وعليك بصدقة لله ويارب تفتكرى الجمعية الخيرية بتاعتى والله يوفقك[/size]

ahlamfouad كتب:

حلمت امي انها علي سطح عالي مفيهوش سور ومافيش سلم وجاء والدي المتوفي وقالت له نزلني قالها اما اصلي الاول ودخل المسجد مع ناس كده وصلي وخرج وبعدين مشي وانتهي الحلم

lor=red]]حبيبتى موت والدك ترك فراغ كبير عند مامتك واصبحت بدون سند ونفسها يرجع لها سندها ولكن دوام الحال من المحال اما والدك فهو فى درجة حلوة والله يرحمه ويوسع قبره[/size]

نودى2 كتب:

حلم 3

ماما نجية حلمت ان احلام فى محل قماش بتشوف قماش يمشى مع بلوزه اوى جاكت مش عارفة بالظبط وكان الناس التى فى المحل بيورها نوعين من القماش وزى ميكون فى واحد منهم احسن من التانى وانا كنت واقفة بره المحل وبعدين كنت فى بيت وعرفت ان واحده اسمها أمنه ماتت وانها بنت تيتة ام محفوظ فقلت ان كويس ان شيماء اتجوزت لانها مش كانت اتجوزت ابل ماالست تموت كان الفرح بتاعها اتاجل شهر وبعدين ماما كنت فى شارع وواحد ادانى 5 جنيهات فضة الفلوس العادية المعدنية دى ماما وفتحت شنطتى احط الفلوس لقيت معايا فى الشنطه فلوس جنيهات معدنية كتير معرفش كام وبعدين كنت فى البيت فى شخص مش عارفة هو مين بالظبط كانه خد بنطلون جنس من عندى ولبسه وانا كنت حسة انى مش لحقت البسة وانى لسه شرياه زى مااكون كنت شريه غيره وبعدين دخلت المطبخ جبت عيش وعنب بلدى للشخص ده وبعدين مش لقيت العنب ولقيته فى الحوض بتاع الاطباق ففتحت الميا اغسلة

معلومات ماما احلام متجوزه وعندها ولدين وبتشتغل
شيماء اتجوزت من اسبوع واتحقق تفسيرك ان ربنا هيتمم جوازها ربنا يجازيكى كل خير
تيته ام محفوظ ست كبيره اوى ومش عندها بنت باسم أمنة
وانا مش متجوزه ولا بشتغل وحاليا انا كتير نفسيا تعبانه ماما

lor=red]]حبيبتى انت فقدة الامان شوية ولكن ان شاء الله سوف يرجع لك الامان التى تريديه وان شاء الله سوف ترزقى ما تتمنى وان شاء الله فيه شخص سوف يتقدم لك قريبا والله يسعدك[/size]

moumoumou كتب:

حلم رقم 4

السلام عليكم كيفك يا ماما نجية

انا بقى شفت مبارح حلم مزعج اللهم يجعلوا خير واتمني من حضرتك تفسريهولي ربنا يبارك فيك

هما 3 احلام في حلم حلمت انو زوجي جاني وقالي حبقي اشتغل اجير بمرتب واني حقفل المحل وموش حتشوفيني لمدة سنةالا ساعة كل يوم بس وانا زعلت قتلو انك كتير صعبان عليا حتبقي اجير عند الناس وبعدين التغيير الحلم كانو اخوه اسمو ناصر مات وهو في الواقع متزوج بعدين كاننا روحنا لبيت اهلو عشان العزاء فحماتي بتشطف الارضية وقعت دبلتي هما اتنين وحده لحقتها والتانية وقعة في حفرة المجاري قالتلي حماتي خلاص راحت بس لما فتحت الحفرة لقتها لسا ماوقعتش لسا علقانا خدتها ونظفتها وبعدين لبستها بس في الواقع في مشاكل بيني وبين زوجي ياريت تدعيلي لببه يفك كربي ربنا يخليك لينا والله يزيد علم في حلم فسرتهولي قبل اني ححمل بولد والحمد لله انا حامل بولد

lor=red]]حبيبتى ان شاء الله ربنا هينصرك وهترجع لك فرحتك وهنبارك لك قريبا حبيبتى زوجك عنده مصدر رزق وباهماله ممكن يتقفل ويشتغل اجير فعلا ولكن لو المشاكل انتهت هيحافظ على باب رزقه وان شاء الله ربنا هينصركم وهيصلح حالكم وهتنتهى المشكلة قريبا وعليك بصلاة قضاء الحاجة 12 ركعة بعد منتصف الليل على ست مرات كل ركعتين منفصلتين وادعى فيهم كثيرا وربنا هيصلح حالك باذن الله[/size]

toto كتب:

الحلم رقم (5)





حلمت انى ببص من شيش الشباك على جيرانا فشافونى وقالوا لى افتحى الشباك وبصى
عادى وضحكوا انا اتكسفت وقلت ازاى شافونى فلقيت ان اجزاء من الشيش مكسورة علشان
كده كنت باينة فسألت اختى مين كسر الشيش كده فقالت لى جيرانا بيعملوا تصليحات فى
بيتهم فاتكسر اجزاء من الشيش وبعدين اخواتى البنات قالوا احنا لازم نأخذ حقنا فأختى قالت هما بلكونتهم لسه معمولة بالاسمنت
ومنشفش هنرش عليها مياه ونبوظها فراحت جابت مياه ورشتها على بلكونتهم وكانت بتقول
رش المياه عداوة انا كنت بحاول امنعها انها تعمل كده بس مقدرتش بس بعدين قعدت ازعق
لها واشتمها على اللى عملتوا وقلت لها انتى كده هتوقعى اهلنا فى مشاكل وهى مكنش
هممها وبعدين هما شافوا اللى احنا عملناه بس معملوش حاجة وبنتهم دخلت بيتنا فأنا
زقيتها وكنت متضايقة منها فهى بصت لى و وقفت وكانت عايزة تأخذ حقها بس انا مديتهاش
الفرصة وبعد كده قربنا من بعض وهى كلمتنى عن المشكلة وقالت لى ردى انا سكت خالص لان
انا كنت هكلمها فى مشكلة بسيطة ولقيتها بتتكلم فى مشكلة كبيرة فإتكسفت وقعدت
اسمعها واتعرفت عليها وبقينا اصحاب واحباب وشيلتها على رجلى بس اخواتى ماكنوش حابين اللى
انا بعملوا معاها

وفى الحقيقة جيرانا دول معندهمش بنت


أنا آنسة ومتدينة الحمد لله

lor=red]]حبيبتى فيه مشكلة هتحصل مع جيرانكم هى فى الاول مش هتكون مقصودة ولكنكم هتكبروا المشكلة وان شاء الله الدنيا هتهدا بينكم وفيه خير سوف ياتيك من تجاههم والله معكم[/size]

RANOOOSH كتب:

السلام عليكم ياماما نجيه
انا اولا حابه اشكرك علي تعبك معانا وربنا يكرمك ويجعله فميزان حسناتك
انا انهارده نمت كنت صاحيه بدري عشان المزاكره ونمت ع 9 وصحيت بعد الضهر حلمت خير اللهم اجعله خير
إني قاعده عالمكتب بزاكر ومعايا كيس شيبسي وكان فيه مسابقه وجوايز واني اخربش والاقي رقم ابعت عليه اسمي وعنواني فمسج فانا عملت كده عادي بجرب فبعدها علطول لقيت بعتولي و معايا كيس شيبسي مقفول وشابك فيه ظرف صغير فانا فرحت جدا وقولت انا كسبت وطلع بجد مش اي كلام وقبل ما افتحه ناديت اخواتي مني ويسرا وماما وقولتلهم وكانو مستغربين وفتحت الظرف عشان اعرف فوزت بايه لقيت فلوس طلعتهم كانت أول ورقه خمسين جنيه وبعدها عشرات وفي خمستين ببص لقيت اخر ورقه برضه خمسين جنيه فرحت خالص
وفزت بكيس مليان هدوم كانو كتير وهدوم اساسيه وكل حاجه منها نص دسته زي حد بيحوش جهاز وهما كانو مستغربين وبصتهم معناها يا محظوظه لاني مكنتش قايله اني بعت فالاول فهما شافو فجأه بعت وفوزت وعشان محدش بيسدق المسابقات دي بس
وعديت الفلوس طلعو 140 جنيه وكل شويه حد يسألني طلعوا كام اقوله 140 جنيه
ولسه رايحه افرح بالفلوس الباب خبط سألتهم مستنين حد قالو لا فاتخضينا وانا حسيت انهم بتوع الشبسي عايزين يصورا معايا كان مجرد احساس وماقولتش فبتبص اختي مني من العين السحريه وقالت في كاميرا فيديو وناس فقولت يبقوا هما فقولنا محدش يفتح احنا بهدوم البيت وهما هيزلونا عشان 140 جنيه وشويه هدوم احنا مش عايزين نطلع فالتلفزيون والمفروض يستأذنوا الأول فقولنا مش هنفتح لأنهم مشعلين الكاميرا وهيبدأو تصوير ع طول من غير استأذان ففضلو يرنو واحنا كاننا مش موجودين وهما مصرين فاختي قالت ايه اللي مخليهم متأكدين ان دي الشقه طيب مايروحوا اي شقه تانيه يصورا معاها فانا قلت هما جاين عشاني بالاسم وعارفين العنوان واسمي من المسج اللي بعتها.
وبابا كان بيعمل حاجه فالبلكونه فكنت خايفه اقولوا ع اللي بيحصل يزعقلي وعايزاه يدخل عشان مايتأكدوش اننا فالشقه فلسه جايه ادخله لقيت واحده زميلتي من بعيد قوي اسمها رنده ومعاها واحده صحبتها معرفهاش كانو عندي ومايعرفوش الحكايه فسمعوا الخبط ففتحوا الباب وانا بعيده عن الباب وبقولهم لا ماتفتحوش بس هما الفضول بيحركهم عايزين يعرفو ليه التلفزيون قدام شقتي وليه انا مش عايره افتح
فانا اتدايقت وجريت عالباب انا واخواتي مني ويسرا وبعد ماهما فتحوه انا واخواتي قفلنا بسرعه رغم ان ناس كتير بره بتزق وبعد ماكانو قربوا يمشو لانهم فاكرين مفيش حد بقو بيزنوا اكتر وانا ومني ويسرا قاعدين وراه عشان مايتفتحش فرنده وصحبتها كانوا عادي طالعين من المطبخ فقولتلها بجد مش مسامحاكي عشان قولتلك ماتفتحيش وفتحتي اما صحبتك مش هلومها لانك انتي مسمعتيش كلامي
وكنت مستعده اديهم الجوايز بس يمشوا بس هما كل اللي عايزينه انا فبعد كده ماطولوش الحبط وقف هما فهموا اننا مش حابين نتصور وان ده مش مقابل الجايزه وان ناس كتير بتفوز وماتحبش تتصور وده حقهم ورحت بعد كده قومت وخايفه من بابا فحكيتله فهو كان عادي ومكنش مصدق انهم ادوني فلوس بجد وقالي تلاقيها مزوره فمسك ورقه منهم وبص فيها لقاها مش مزوره وقالي مبروكين عليكي وكنت متوقعه اهلي يزعقولي عشان اللي حصل وانا كل همي شكلنا قدام الجيران ايه هما شايفينا مش راضين نفتح للمصورين ياتري هايسألو ولا كل واحد هايألف قصه ع مراجه بس من رد فعل بابا وماما فهمت ان الناس فاهمه الحقيقه وعادي اننا حرين نطلع فالتلفزيون او لا.
يارب يكون خير
انا واخواتي انسات الحمد لله بنصلي ولينا فتره كلنا بنصحي نصلي الفجر
ورنده مليش علاقه بيها خالص غير السلام لو اتقابلنا صدفه وعمرها ماجتلي البيت.
يارب خير

lor=red]]حبيبتى ان شاء الله ربنا هيسر امرك وهتنالى مناك وهتنجحى ان شاء الله بتقدير عالى جدا وهتكونى من الاوائل باذن الله وفيه مناسبة حلوة لك قريبا ان شاء الله وهيكون فيه خطوبة بس مممكن تكون عائلية هترفضى الهيسة واللمة والله يوفقك[/size]

متفائله للابد كتب:

الحلم رقم 7
اذيك يا ماما نجيه عامله ايه
رايت امس انى بشترى لبس من محل وجبت 3 قطع ملابس تقريبا كان جاكت وحاجتين مش فاكره كانو ايه المهم صاحب المحل قالى ادخلى اقسيهم الاول عشان لو طلعو مش على مقاسك فانا دخلت لقيت واحده زمليتى من بلدى هناك فى المحل فاخدتها ودخلت وقالت لها تقف لى لما اقيس اللبس وفعلا جات معى وكانت معاها اختها وكنت هقيس بنطلون وكان واسع فى الاول وانا بقيسه لونه اتغير
وكنت بدخله حشر وقالو ليه انه ضيق فانا قلت خلاص هروح اجيب من محل تانى احسن
انسه متدينه الحمد لله
عزباء 23 سنه

lor=red]]حبيبتى فيه عريس سوف يتقدم لك ولكنه غير مناسب وهترفضى وهتنتظرى افضل منه[/size]

DR_MIRO كتب:

الحلم رقم 8



السلام عليكم ورحمة الله وبركاته

ازيك يا ماما نجية ، اخبارك ايه دايما تعباكي معايا ، بصي مش هطول عليكي انا نمت بعد الفجر امباح بصلي الفجر وبنام وقمت من النوم على اذان الظهر ، وشفت حلم غريب شفت اني قاعدة في بيت غريب عني والبيت حلو قوي وكبير زي الفيلا كده ، ومعايا في البيت ستات وبنات كتير ، شوية وبنت منهم لبست فستان مفتوح عريان شوية ، ولقيتها بتعيط ومعاها واحدة ست كبيرة مش محجبة بتزعق بصوت عالي فكاني انا صاحبة البيت فقلتلهم في ايه قالتلي فلان (مش فاكرة الاسم)، صورها وهي مش محجبة ، انا اتنرفزت اوي وقعدت ازعق وقعدت اقول ليه يعمل كده ، ليه ، وازاي يدخل واحنا كلنا ستات براحتنا مش لابسين حجاب ، رحت لفلان ده وطلع مين ههههههه ومتضحكيش عليا طلع محمود عبد العزيز وهو صغير زي القمر ، قعدت ازعق فيه واقوله ليه تعمل كده وهو مش بيرد ومذهول من رد فعلي العنيف وقعدت اضربه بالقلم على وشه لا بالاقلام ورا بعض وهو مش بينطق ، وقمت من النوم وانا بزعق وبضرب فيه .

انا انسة 33سنة ، غير مخطوبة ولا متزوجة ، حالتي النفسية تعبانة ، وحالتي الدينية الحمد لله متوسطة ، بس حالتي الصحية تعبانة جدا ، مقدمة في كذا مكان ومجاليش اي رد بخصوص الشغل ، وورق الدكتوراه متعطل وموضوعها متقفل. ولو حضرتك فاكرة كنت قلتلك على شخص قبل كده عايز يتقدملي وهو فعلا في شبه من محمود عبد العزيز وهو صغير جدا ، وسبحان الله قمت لقيته بيتصل بيا بس انا مردتش لاني كنت نايمة والموبايل عماله صامت ، طمنيني الله يخليكي دا ايه بقى . ومعلش تعباكي معايا

lor=red]]حبيبتى خير ان شاء الله هذا الشخص ربنا هيسهل وطريقه هيمشى باذن الله وهتتزوجى قريبا والله يوفقك[/size]

الحمد لله كتب:

حلم رقم 9



السلام عليكم ياماما انا امبارح الحمد لله نايمه مصليه وقريه قران ودعيت ربنا يجعل احمد زوج صالح ليا ويرجعلى زى الاول واطمن عليه واتحسبنت على الى ظلمونى

المهم انى شفت كانى ف بيتنا القديم وكنت طالعه فوق سلم خشب وبكلم احمد على الميل بس داخله نت فون بكلمه من على السلم وبعدين الجو ضلم فخفت فندهت بنت عمى هيا عيله ف رابعه ابتدائى قولتلها تعالى هاتيلى التيلفون من فوق السلم وفعلا اخدت وطلعت اكلمه برا ف النور بس مش فاكره الكلام الى بينا وبعدين شفت مرات عمى بتقول جيجى فرحها ف شهر واحد ونها فرحها ف شهر واحد نها مخطوبه اصلا وهاتجوز ف العيد جيجى مش مخطوبه خالص وعماله تقول بس خطيب جيجى وحش كبير اوى وعماله تقول هايتجوزو ف شهر واحد على ان خلاص هايتجوز الشهر الى جاى دا يعنى بسرعه وبعدين قالتلى يارب عقبالك يانسمه
lor=red]]حبيبتى فيه انت بتكلمى احمد فى الظلام يعنى من وراء اهلك وربنا هيسلم امرك وهيهدى طريقك وفيه دنيا جديدة لك قريبا ان شاء الله وسوف تخطبى مثل نها والله يوفقك[/size]
دا قبل الفجر وبعدين صحيت صليت الفجر وبردو دعيت ربنا ونمت

شفت بنتين صحابى تؤام هما اخوات تؤام يعنى واحده اسمها دعاء والتانيه رانيا الاتنين لبسهم بناطيل وكدا دعاء دى مسافره دوله عربيه بتشتغل فيها فشفت كان دعاء دى جت من السفر وجايه منقبه بس كان وشها بغاين وكانت جميله جداااااااااااااااا ياماما وكمان جايه عقله جدا رغم ان الاتنين مجانين بمعنى الكلمه اجمل من الطبيعه وجسمها حلو وبعدين زى متكون اختها بتعرفها بيها وبتفكرها بيها وقال انها مش فكرانى وكدا وكانت مبتسمه ليا فانا بقول لرانيا شفتى دعاء جايه حلوه ازاى وتخنانه وشكلها حلو ازاى مش انتى

رغم ان الطبيعى دعاء بتيجى من السفر خاسه جدا ومش حلوه زى الاول بس

lor=red]]حبيبتى دعاء ربنا هيسترها معها وهتخطب باذن الله وعقبالك[/size]

mabc55 كتب:

بسم الله الرحمن الرحيم
الحلم رقم 9
السلام عليكم ورحمه الله وبركاته

ازيك يا ماما نجيه واز ساره الجميله

ماما حلمت انها فى بيت كبيرا اوى اوى اوى وشكله جميل اوى
وماما كانت اعده وشافت بابا جالس على الكنبه وبابا كان شكله حلو اوى وجميل اوى
وشكله اكنه شب وماما بتسال بابا عن خالى المتوفى بتقول لهو احمد فين
ف بابا الله يرحمه شاور لها على غرفه تانيه ف بابا دخلت وشفته نايم
وبعد ما ماما شفت خالى نايم ده خالى احمد وكان شايل طشت كبير اوى
وكان فى حاجه زى عيش او حاجه وفى ايده شنطه كبيره وعطاهم لماما
وبعد كده ماما قالت لهو ليه يا خويا كله ده طيب انت تعبان وشايل كل ده لوحدك
طيب اولادك فين ف خالى قال لها اولادى صايمين وفجا جت طفله صغيرة اوى
وخالى اخذ الطفله دى ومشى بيها وهى فى ايده وماما كانت ماشيه بتتكلم مع خالى
وبتقوله انا مش عاوزة اعد هنا يا اخويا انا عوزة اعيش فى مصر
ف خالى مردش عليها وبعد كده ماما بتقول لخالى انت كانت معاك شنطه
فى ايدك خالى قال لها انا نستها فى البيت ف ماما قالت لهو طيب خالينا هنا والبنت الصغيره دى خفيفه
تروح وتجيب الشنطه من البيت فراحت الطفله وماما خالست تحت شجره خميله اوى وشكلها جميله وحلوه اوى
والشارع اللى ماما كانت اعده فيه شكله جميل وواسع اوى وحلو
وفجا ماما بتبس ملقيتش خالى اكنه اختفا من قدمها خالص وبعد كده ماما قلقت على البنت
الصغيره اوى فقالت لما اروح البت اشوفها اتاخرت ليه فراحت وهى ماشيه فى
الشارع الجميل ده شافت عربيه كبيره اوى اكنها محمله طوب وسده الشارع
ف ماما عدت من تحتها بكل سهوله خالص ومشيت وخلص الحلم على كده
وبشكرك يا ماما نجيه
طبعا يا ماما نجيه خضرتك عارفه ان بابا متوفى وهو كان فى الحلم شكله حلو واكنه شب
ولابس جلبيه لونها لمونى وبس كده ويارب يكون خير
وبشكرك

lor=red]]حبيبتى انا قلت لك من قبل والدك فى درجة حلوة ماشاء الله والله يرحمه اما امك فربنا هيوسع عليها وهيعوضها خير وهترزق من حيث لاتحتسب وربنا راضى عنها وعن عملها اما خالك فهو فى درجة حلوة ايضا وعنده خير كبير وفيه رزق لماتك سوف ياتيها من وراء خالك ان شاء الله وهيحدث حبة قلق لكن ربنا هيعديها عليها على خير ان شاء الله وهيسهل لها امورها والله معها[/size]

ابرار كتب:

الحلم رقم 10

ازيك ياماما نجيه

رؤيه لاختي شافتها الليله اللي فاتت
هي في الحقيقه اليوم عيد ميلادها عمرها صار 26
وامس قبل ان تنام بالليل قالت يارب رويني حلم عن اللي راح يصير لي او كيف راح تكون حياتي
شافت حلم غريب حتى ما قدرت اتوقع شئ من الحلم

شافت انه واحد زميلها صيدلاني معها في المستشفى كان بيقول لها انه فيه بنت اتصلت بيه وقالت له تعال اخطبني وهو عاوز يروح يخطبها لانها طلبت منه هيك بس عاوز بالاول يسال صديق له اسمه حسين يروح يخطبها وله لا .؟...يعني عاوز يروح يستشيره بالموضوع
فاختي ردت عليه وقالت له
استفتي قلبك وان افتوك

انتهى الحلم
اختي انسه تعمل
وهذا زميلها اعزب ويعمل معها اكبر منها بسنه

lor=red]]حبيبتى ان صدقت الرؤيا ان شاء الله هذا الشاب هيكلم اختك فى الزواج والله يوفقها[/size]

جبل الكبرياء كتب:

رقم 11




ازيك ماما نجية عاملة اية يارب تكونى بالف خير يا سكرة

هو فى الحقيقة حلم ليا وحلم لامى امى حلماة لنفسها وخايفة منه بصراحه

هبتدى الاول بحلم امى

امى حلمت انها واقفة قدام تربة جميلة بتقول وحلوة التربة مش زى الترب بتعتنا اللى بتبقى ملزقة فى بعضها دى

وقدامها شجرة حلوة وجميلة وحوش التربة واسع
وقالت لنفسها وهى واقفة قدام التربة الله على الشجرة الحلوة دى عشان تبقى فى الدنيا والاخرة جميلة كدة

والشجرة مرعرعة وعالة واقفة وورقها اخضر

والتربة مدهونه كدة نبيتى وجميلة ومش مفحرة ولا اى شئ وجميلة

وواقفة وهى مبسوطة من منظر الشجرة
وصحيت وهى واقفة قدام التربة

بس كدة ماما

حلمى انا

معلش اكرمك الله ماما حبيبة قلبى

انا حلمت زى ما يكون فى مكان غريب فيةبنات بس البنات دى مش اعرفهم ولا اعرف المكان مش فاكرة بالظبط

بس زى ما يكون فية بنت منهم تعرف مهند اللى كنت بعرفة ماما نجية

ولاقيت مهند جاى فى الحلم وعمال يتكلم عنى وانة محبش واحدة غيرى وانه احسن واحدة فى حياته وبيتكلم عن حلو اوى وبيشكر فيا وعمال يمجد فيا جداا
فانا قاعدة وسامعه كلامه دة ففى بنت من اللى كانوا قاعدين انا فى الحلم زى ما يكون اعرف انه يعرفها او كان على علاقة بيها

فهو بيشكر فيا فانا قاطعته فى الكلام وبقلة ودى انت نسيتها

زى اللى وقف وارتبك عن الكلام

والبنت باصتلى

وبس كدة

اية بقى ماما

يارب يكون خير

ولو وحش قوولى ماما نجية

وحلم امى خايفة منه جدا

ومرة شوفت ماما نجية انى بلبس نضارتى القديمه وانا فى الاصل عاملة عملية تصحيح نظر فلو لبست النضارة القديمه بتاعتى مش هشوف بيها وعنية هتوجعنى طبيعى يعنى

ففى الحلم شوفت انى بلبس النضارة القديمه بتاعتى وانى شايفة بيها كويس زى من غيرها وكويس جدا مش تعبت عينى

lor=red]]حبيبتى فيه بيت جديد او شقة ماما هتشوفها ممكن لاحد منكم اما الثانى حديث نفس اما الثالث فيه امر انتهى ولكن هتراجعى نفسك فيه ان شاء الله[/size]

براءة كتب:

حلم رقم 12
ازيك ياماما نجية عاملة ايه؟
حلمت انه في البيت عندنا في نمل كتير جدا جدا جدا جدا وصغير اوي وعمال يمشي في كل حتة
وانا اقعدت اشيله بايدي وانفض السرير

lor=red]]حبيبتى رزق لكم ان شاء الله[/size]

البرنسيسة مرمورة كتب:

الحلم رقم 13

امى حلمت خير الله ما اجعله خير

ان جالها فى البيت شاب عنده تقريبا 15 سنة ومعاه كيس زى اكياس اريل وبرسيل وبيقولها ان مكتوب عليه انها كسبت مليون جنية وقالها ان دول ليها بدل ما كانت هتاخدهم واحده اسمها ماجده راشد وبعد كده خدها البيت عندهم لقيت والدته فى الصاله وشقتهم على اد حالهم انهم ناس فقرا وقالتلهم لو انا كسبت الجايزة دى وعد منى احجج لك امك واعمل لكم اللى انتم عايزينه فأمه لما سمعت الكلام ده دمعت عينيها والولد راح حط كيس الاريل ده داخل نيش وبعد كده بصيت لقيت سلايفها الاتنين واحده اسمها تهانى والتانيه اسمها حمدية واقفين على باب اوضه فى نفس الشقة بتاعت الولد جنب بعض وعاملين يتكلموا على الجايزة واسلوبهم كان اسلوب استهزاء وامى كانت خايفة اووى من واحده من سلايفها اللى اسمها حمدية والشاب ده كأنه حس بخوفها فأخد كيس الاريل من مكانه فى النيش اللى مكتوب عليه انها هتكسب الجايزة وبعد كده صحيت من النوم

lor=red]]حبيبتى والدتك خايفة من شئ ممكن نتيجة احد منكم ولكن ان شاء الله فيه تهنئة كبيرة لها وهتحمد الله كثيرا ومفيش احد هيشمت فيها والله معها[/size]

روز ليدى كتب:

10- ازى حضرتك يا ماما ربنا يديكى الصحة ويفرح قلبك باولادك يارب

انا حلمت انى راكبة عربية انا وجوزى وولادى والعربية سقفها مكشوف والراجل اللى بيسوق المفروض انه سواق هيوصلنا وفجاة لاقيت السواق ده وقف العربية فى شارع جانبى ومسدود وقالنا انا هاخد كل اللى معاكم يلا طلعوا الحاجة براحة وانا خفت على ولادى وحضنتهم اوى وقلتله احنا هنديلك كل حاجة بس من غير ما تاذينا وادينلوا اللى معانا وبعدين انا نزلت بسرعة وشلت ولادى وجريت وكانهم بهرب منه وبعدين دخلت عمارة عشان استخبىء لاقيت اخت جوزى طلعت ووراى روحت قلت اعمل ايه بس دى ماشية وراى فى كل حتة وانا مش عايزاها تعرف مكانى روحت استخبيت وسبتها تطلع وانا خرجت وبعدين دخلت محل بتاع فطيرة ووقفت ادام الراجل كنت هشترى فطيرة بالسكر والعسل ومستنية الراجل يعملها واختى كلمتنى وقالتلى انتى فين احنا قلقنين عليكى بقالك يومين برا البيت قلتلها انا خايفة ومستخبية من الراجل قالتلى مفيش حد ارجعى بقا قلتلها ماشى= وخلص الحلم على كدا

lor=red]]حبيبتى انت كان نفسك تعملى شئ ولكن طريقا انسد وهتتعرضى لشر لكن ربنا هينجيك انت والادك وهتحمدى الله كثيرا وهتنجى باذن الله والله معك[/size]

ايناس انوسه كتب:

الحلم رقم 14
شوفت امبارح خير اللهم اجعله خير رؤية غريبة شوية شفت انى لابسة المحبس والخاتم بتوع اختى الكبيرة اللى كان جوزها جايبهملها فى الفاتحة بتاعتها وكان المحبس واسع عليا شوية هوه والخاتم بس كنت مبسوطة بيهم اووووى وقلت هلبس الخاتم فوق المحبس عشان اضيق شوية من المحبس ويحبسه عشان مش يقع وكنت مبسوطة بيهم فى ايدى على الرغم وسعهم عليا ده وكانت ماما واختى قاعدين يبصوا عليهم فى صوباعى وكانوا مبسوطين برده بشكلهم فى ايدى وقاعدين يظبطوا المحبس والخاتم فى صوباعى ...خير يا امى معاناه ايه الرؤية الغريبة دى!!!

lor=red]]حبيبتى الخاتم والمحبس بشرى لك بالخطوبة ان شاء الله بس العريس ممكن يكون فيه شئ مش مناسبك اوى ولكنك هتوافقى وهتعدلى حالك وهيمشى الامر ان شاء الله والله يسعدك[/size]