تفسير احلام يوم الجمعة ان شاء الله 08/06/2012

‏2
السلام عليكم
من اسبوع يا ماما نجيه عملت استخاره عن محمد عشان لو خير ربنا يسخر ويدبر الامور وتتم ولو شر يصرفه عن تفكير فحلمت وحضرتك فسرتيه بس مكنش واضح حاجه عن محمد فعملت تاني صليت قيام واستخاره ونمت وصحيت صليت الفجر واتكلمت مع اخواتي وبعد شويه نمت(فمش عارفه ده كده حلم عادي ملوش دعوه بالاستخاره ولا ايه؟)
فحلمت خير اللهم اجعله خير
اني الصبح لسه واصله الجامعه ومعايا صحبتي نهله (اللي بروح معاها بيتنا قريب من بعض‎ ‎‏)
ولماوصلنا مكنش حد لسه جه تقريبا فجت زميلتي اميره(هي متجوزه جديد وحامل وعلي طول اليومين دول بتاكل كتير عشان حامل ) فكانت جايه وبرضو بتاكل وقالتلي انا كنت بفطر فمحل سندويتشات الطعميه اللي جنب الجامعه وفي حد معجب بيكي وبيحبك عارف انك مش بتفطري قبل ماتنزلي فبعتلك معايا 5 سندويتشات وادتني الكيس وكانو سخنين جدا وكانو عيش كايزر ومحطوطين بنظام فالكيس علي شكل دايره وشكلهم يفتح النفس بس انا استغربت ازاي حد يعمل كده وازاي متخيل اني هقبل حاجه من حد غريب
انا مش فاكره اذا كانت قالتلي مين ولا لا
فبعد كده السيكشن بدا وانا شايله هم الكيس عايزه اخلص منه عشان لو الحد ده شايفني يعرف اني اكيد مش هقبل حاجه من حد مليش بيه قرابه او ارتباط عشان انا لا يمكن اعمل كده وعشان لو شايفني يتأكد من ده
وكنت عايز اتصر ف فالكيس ع الرغم اني فرحت ان فيحد بيفكر فيا بس ماخفتش انه يزعل لما يلاقيني بتصرف فالكيس ويفتكر اني رافضه كان اللي هاممني اعمل الصح اللي متربيه عليه
فبعد السكشن ماخلص واحنا لسه هنطلع من المعمل فقولت لازم اتصرف دلوقتي فالكيس فكان حسن (زميل مليش كلام معاه لا هو ولا غيره) سايب مكانه وبيسأل المعيد احمد علي حاجه فروحت حطيت الكيس جنب حاجته فلما السيكشن خلص اخد حاجته واخد الكيس بس كان بقي بارد عن الأول
وانا بحط الكيس المعيد احمد شافني (ده انا من فتره كنت معجبه بيه وهو مهتم بيا وساعتها عملت استخاره وحضرتك فسربيها تفسير حلو انو حد كويس واحتما ل يكون في نصيب بس ع الرغم من كده بعدها حصل موقف عادي بس من بعد الاستخاره حساه فرحان بنفسه ومش ناوي ع حاجه جد فمن ساعتها مش طايقاه)
فالمعيد أحمد لما شافني بعمل كده كان مستعرب جداجدا مش عارفه عشان
هو اللي باعتهم واستغرب اني ماخدتهمش.
ولا عشان اني مش قبلت حاجه من حد مجهول _حد تاني غيره_ معجب بيا وانه كان متوقع اني اطير من الفرحه واخدها.
وبعد كده يا ماما شوفت نفسي فاوضتي علي السرير واميره(اللي فأول الحلم _متجوزه جديد وحامل_) جاتلي وقاعده علي مكتبي وانا ع السرير وبنتكلم مش عارفه فايه وكأنها لما جت شقتنا دخلت اوضه مني اختي كانت فاكراها اوضتي بتدور عليا بس فعرفت من اوضتي وجاتلي وبعد كده جت مني قالت اميره كانت بتدور عليكي وبس وسابتنا انا واميره ومشيت واميره برضو كانت بتاكل
كانت بتاكل فلفل اخضر رومي (مش حراق)و كان اخضر غامق اوي اوي وكانت مقطعاه وعامله بيه شكل فانوس ومسبته الشكل بخله السنان وخلص الحلم اني بتفرج علي الفانوس اللي معمول من الفلفل .
يارب خير انا الحمد لله مواظبه ع الصلاه
واميره عمرها ماجاتلي البيت لاننا مجرد زمايل وهي لسه ماعرفتش نوع الجنين
يارب خير

mabc55 كتب:

بسم الله الرحمن الرحيم
الحلم رقم 1
السلام عليكم ورحمه الله وبركاته

ماما نجيه يا حبيبتى انا عرفه انى بتعبك معايا ربنا يحفظك يارب

اختى سها حلمت ان زوجها عارفه واحده
وانه بيتكلم معاها وانها كانت فى البت عند ماما وشافت واحده اعده
وزوجها بيكلمها وهى كانت مضيقه منه اوى
وهى ديما الحلم بيتكرر عليها انه عارف واحده وبيكلمها وبس كده الحلم يا ماما نجيه

وبشكرك يا ماما نجيه ويارب يكون خيرا يا حبيبتى

lor=red]]حبيبتى اختك بتحب زوجها جدا وبتغير عليه ولذلك الشيطان بيلعب بافكارها عليها بقراءة الفاتحة واية الكرسى كثيرا حتى يبعد الشيطان عنها والله يوفقها[/size]

RANOOOSH كتب:

‏2
السلام عليكم
من اسبوع يا ماما نجيه عملت استخاره عن محمد عشان لو خير ربنا يسخر ويدبر الامور وتتم ولو شر يصرفه عن تفكير فحلمت وحضرتك فسرتيه بس مكنش واضح حاجه عن محمد فعملت تاني صليت قيام واستخاره ونمت وصحيت صليت الفجر واتكلمت مع اخواتي وبعد شويه نمت(فمش عارفه ده كده حلم عادي ملوش دعوه بالاستخاره ولا ايه؟)
فحلمت خير اللهم اجعله خير
اني الصبح لسه واصله الجامعه ومعايا صحبتي نهله (اللي بروح معاها بيتنا قريب من بعض‎ ‎‏)
ولماوصلنا مكنش حد لسه جه تقريبا فجت زميلتي اميره(هي متجوزه جديد وحامل وعلي طول اليومين دول بتاكل كتير عشان حامل ) فكانت جايه وبرضو بتاكل وقالتلي انا كنت بفطر فمحل سندويتشات الطعميه اللي جنب الجامعه وفي حد معجب بيكي وبيحبك عارف انك مش بتفطري قبل ماتنزلي فبعتلك معايا 5 سندويتشات وادتني الكيس وكانو سخنين جدا وكانو عيش كايزر ومحطوطين بنظام فالكيس علي شكل دايره وشكلهم يفتح النفس بس انا استغربت ازاي حد يعمل كده وازاي متخيل اني هقبل حاجه من حد غريب
انا مش فاكره اذا كانت قالتلي مين ولا لا
فبعد كده السيكشن بدا وانا شايله هم الكيس عايزه اخلص منه عشان لو الحد ده شايفني يعرف اني اكيد مش هقبل حاجه من حد مليش بيه قرابه او ارتباط عشان انا لا يمكن اعمل كده وعشان لو شايفني يتأكد من ده
وكنت عايز اتصر ف فالكيس ع الرغم اني فرحت ان فيحد بيفكر فيا بس ماخفتش انه يزعل لما يلاقيني بتصرف فالكيس ويفتكر اني رافضه كان اللي هاممني اعمل الصح اللي متربيه عليه
فبعد السكشن ماخلص واحنا لسه هنطلع من المعمل فقولت لازم اتصرف دلوقتي فالكيس فكان حسن (زميل مليش كلام معاه لا هو ولا غيره) سايب مكانه وبيسأل المعيد احمد علي حاجه فروحت حطيت الكيس جنب حاجته فلما السيكشن خلص اخد حاجته واخد الكيس بس كان بقي بارد عن الأول
وانا بحط الكيس المعيد احمد شافني (ده انا من فتره كنت معجبه بيه وهو مهتم بيا وساعتها عملت استخاره وحضرتك فسربيها تفسير حلو انو حد كويس واحتما ل يكون في نصيب بس ع الرغم من كده بعدها حصل موقف عادي بس من بعد الاستخاره حساه فرحان بنفسه ومش ناوي ع حاجه جد فمن ساعتها مش طايقاه)
فالمعيد أحمد لما شافني بعمل كده كان مستعرب جداجدا مش عارفه عشان
هو اللي باعتهم واستغرب اني ماخدتهمش.
ولا عشان اني مش قبلت حاجه من حد مجهول _حد تاني غيره_ معجب بيا وانه كان متوقع اني اطير من الفرحه واخدها.
وبعد كده يا ماما شوفت نفسي فاوضتي علي السرير واميره(اللي فأول الحلم _متجوزه جديد وحامل_) جاتلي وقاعده علي مكتبي وانا ع السرير وبنتكلم مش عارفه فايه وكأنها لما جت شقتنا دخلت اوضه مني اختي كانت فاكراها اوضتي بتدور عليا بس فعرفت من اوضتي وجاتلي وبعد كده جت مني قالت اميره كانت بتدور عليكي وبس وسابتنا انا واميره ومشيت واميره برضو كانت بتاكل
كانت بتاكل فلفل اخضر رومي (مش حراق)و كان اخضر غامق اوي اوي وكانت مقطعاه وعامله بيه شكل فانوس ومسبته الشكل بخله السنان وخلص الحلم اني بتفرج علي الفانوس اللي معمول من الفلفل .
يارب خير انا الحمد لله مواظبه ع الصلاه
واميره عمرها ماجاتلي البيت لاننا مجرد زمايل وهي لسه ماعرفتش نوع الجنين
يارب خير

lor=red]]حبيبتى رؤيتك فيها رمز جميل وهو انك باذن الله سوف تنالى امنية جميلة وان شاء الله سوف تتزوجى قريبا مثل اميرة اما اميرة فسوف تنجب ولد باذن الله اما رؤيتك ففيه عريس لك عن طريق زميلة هتبلغك به ولكنك هترفضيه بس مش عارفة هو مين اما محمد فممكن يكون صاحب نصيب والله يسعدك[/size]

om yaseen كتب:

الحلم رقم (3)
الحالة الاجتماعية : متزوجة ومعى ولد
الحالة النفسية : الحمد لله
الحالة الدينية : الحمد لله ونحتسبه من الله تدين

حلمت خير اللهم اجعله خير ان انا في بيت غريب وكنت نايمة فى اوضة وكان معايا على نفس السرير 3 اشخاص كمان مش فاكره بالظبط منهم غير واحده صاحبتى كانت منهم نايمة جنبي اسمها هاله ... المهم (شادى) اخويا طلع من الحمام وكان متوضي وميه الوضوء علي وشه وبيلبس زى جاكيت كده وبيفتح باب الشقة عشان ينزل قالى انا نازل اصلى الفجر فى الجامع وانتى ادخلى شوفي ماما عايزة منك ايه بتنادى عليكى ... دخلت على ماما الله يرحمها قالتلى هاتيلي ملايه واكويها وهاتيها عشان اغطى رجلى عشان تدفيها ... روحت جبتلها ملايه قولتلها ماما مش لازم اكويها اجبهالك كده من غير كوى قالتلى لا اكويها لانها بتدفي الرجل كويس ... قولتلها ماشي وروحت كويت الملايه وجيت اديهالها قالتلى لا خلاص مبقتش عايزاها انا حخرج .
وبس

lor=red]]حبيبتى ان شاء الله سوف يكون فيه مشاركة بينك وبين صاحبتك هالة اما اخوك ففيه امر خير سوف يتم له والحمد الله ان والدتك الله يرحمها مش اخذت الملاية ربنا نجاك من شر والله يحفظك[/size]

نودى2 كتب:

الحلم 4

ازيك ماما نجية وحشانى

ماما نجية حلمت انى قاعده فى مكان ومعايا عمتو نادية وجنبى كان فى قطه هادية كنت حاطة عليها زى علية بس مفتوحة وبعدين شلتها وكنت بمشى ايدى عليها وبعدين كنت بفتح لاب توب ولقيت رسالة من انسان كل الى فكراه منها وحشتنى ويوم الجمعة انه يعنى هيكلمنى يوم الجمعة وكنت بسمع الموبيل بتاعى بيرن وافتكر انه هو بس كنت بلاقية صوت موبيل فى التليفزيون

معلومات اعرف شخص حصل بينا موقف بطل يتصل ويرن ومش بيفتح نت انا ساعات بحس انى
تعبت والله ياماما نجية ملتزمه فى الاستغفار وقراءه القران بس للاسف كنت تعبانه كتير مش ادرت
اقرأ سوره البقره امبارح ماما نجية قوليلى اعمل ايه نفسى اقرب لربنا اكتر ونفسى ربنا يرزقنى بانسان كويس بجد والله انا ساعات بحس انى تعبت كتير

lor=red]]حبيبتى انت عندك حبة نكد ولكن ربنا هيجمع امورك المتفرقة وهيبارك لك ان شاء الله وفيه خبر حلو هتسمعيه باذن الله وعليك بصلاة قضاء الحاجة 12 ركعة بعد منتصف الليل كل ركعتين منفصلتين وادعى فيهم كا تشائ واقرئ سورة طه يوميا وان شاء الله ربنا هيفرح قلبك والله يوفقك[/size]

ميرنا 2012 كتب:

الحلم رقم 5
ازيك يا ماما نجيه يارب يفرج عنك ويجزيك كل خير على جهودك
صليت استخارة على شخص متقدم لي فرأيت التالي
حلمت انه أمي ماسكة عقد ذهب و أتى لعندها جاءت طفلة صغيرة ليس اكثر من 5 سنوات
فقالت لها أمي خذي هذا اي عطتها أمي عقد الذهب الذي كانت تمسكه فأخدته الطفلة وركضت وكانت والدتي سعيدة لانها أعطت العقد للطفلة
وانتهى
انا انسة ملتزمة رأيت ده المنام بعد استخارة على شخص اتقدم لخطبتي
امي ملتزمة الحمدلله
والطفلة مابعرفها

lor=red]]حبيبتى الاستخارة خير وان شاء الله سوف يتم زواجك على هذا الشخص توكلى على الله والله يوفقك[/size]

روز ليدى كتب:

6- ازى حضرتك يا مااما ربنا يديكى الصحة ويفرح قلبك باولادك يارب

انا حلمت انى رايحة انشر غسيل ابيض بس لاقيت البلكونة فيها غسيل روحت قلت اشيل الغسيل الاول وكنت ماسكة فنلة داخلية بتاعة جوزى لونها ابيض اوى اوى وبقول الحمدلله غسيلى طلع كله ابيض

وبعدين شفت امى بتقولى دمستى الفول وانا كنت حاطة فول فى الدماسة وكله شوية اشوفه استوى ولا لاء وبعدين قلتلها اه استوه راحت قالتلى خدى بقا زبدة اهى عشان تاكلى بها قتلها لاء انا هشترى قالب زبدة وانا ماشية قالتلى لاء انا خلاص عملتلك 10 اكياس زبدة خديهم وبعدين قالتلى ابقى ساعدى اخواتك ماديا بس من غير مايحسوا روحت قلتلها حاضر روحت شفت اختى فحبيت اساعدها قلتلها ما تجيبى شوية اكسسوارات وتبيعها هنا وكلنا نشترى منك راحت بصيت بستهزاء ومش عجبها كلامى روحت لاختى التنية وحاولت اديها حجات من عندى رفضت روحت سبتهم ومشيت

وامى بتقولى اوضة نومك حلوة اوى مش انتى كنتى هتغيرها قلتلها اه انا ناوية اغير لونها بس لكن لما اخد شقة جديدة وكنت بفرجها على الوان اوضة وقولتلها انا هعملها بنى غامق

وخلص الحلم على كدة

وفى نفس الحلم شفت بيت حماى مزروع ادام الباب زرع اخضر برسيم وانا بقوله ايه ده انتى زرعت ادام باب البت فى المدخل قالى اه الحته دى كانت فاضية روحت زرعت وشفت طفل ملود ولد كان قاعد فى الزرع ده

lor=red]]حبيبتى فيه اخبار حلوة جدا سوف تنشريها عن زوجك وربنا هيوسع عليك ان شاء الله ووالدتك هتطلب منك الوقوف جنب اخواتك ولكنهم هيرفضوا النصيحة وان شاء الله فيه رزق حلو هياتيكم من وراء حماك ولكن معه نكد والله معك[/size]

ميرنا 2012 كتب:

ميرنا 2012 كتب:

الحلم رقم 5

[center]ماما نجيه اتذكرت تتمة للمنام ارجوكي اسفة بس لازم اكتبها
ازيك يا ماما نجيه يارب يفرج عنك ويجزيك كل خير على جهودك
صليت استخارة على شخص متقدم لي فرأيت التالي
حلمت انه أمي ماسكة عقد ذهب و أتى لعندها جاءت طفلة صغيرة ليس اكثر من 5 سنوات
فقالت لها أمي خذي هذا اي عطتها أمي عقد الذهب الذي كانت تمسكه فأخدته الطفلة وركضت وكانت والدتي سعيدة لانها أعطت العقد للطفلة
وانتهى
انا انسة ملتزمة رأيت ده المنام بعد استخارة على شخص اتقدم لخطبتي
امي ملتزمة الحمدلله
والطفلة مابعرفها

وعايزة أضيف حاجة اتذكرتها من فضلك انه اذكر اني شفت نفسي ماسكة بالمصباح اللي نشغله وقت تنقطع الكهرباء وضوءه ابيض فكنت انا ماسكة مصباح وشغلته وشافني بابا فقلي من وين ده فهو انا ده المصباح موجود عندنا لكن غيرت القاعدة تبعه وخليته على قاعدة طويلة وعالية فعشان كده ابي استغرب انه ده المصباح من اين مع انه عندنا اياه بالبيت من قبل فانا مش فاكرة شو جاوبته انه جدييد ولا قديم
وبس كده ده شفته باخر المنام
وهو والدي معارض على ده الشخص بعكس والدتي[/center]

lor=red]]حبيبتى انت هتغيرى من سلوك هذا الشخص لدرجة ان والدك هيتعجب وان شاء الله ربنا هيهدى طريقك وهتوفقى باذن الله[/size]

ابرار كتب:

الحلم رقم 7

رؤيتي الليله الماضيه
شفت اننا كنا في محل فشفت اختي الكبيره كانت بتشتري مانتو (جلباب )زي اللي بيلبسوه السوريين (هذا بالحقيقه ستايل لبسي انا واختي فلقيت المانتو اللي يتقيسه اختي قلت لها هو حلو بس انا مش يعجبني هذا الطول (لانه كان طويل عادي مفيش حاجه فيه بس هو ستايله كان زي شكل المانتوات اللي يكون فيها قصر شويه وتحتها لابسه بنطلون بس هو المانتو كان طوييل يعني تحت الركبه بكثير بس البنطرون ظاهر منه شبر كامل من تحت فانا اصلا بالحقيقه ما احب هيك ستايل احب المانتو يكون طويل جدا ويكون يادوب كم سنتمر فوق الارض فكنت بقول لاختي انا بشوفه قصير وماكثيرعجبني بس هي كان عاجبها

في نفس الحلم واعتقد في نفس المحل اللي كنا فيه
لقيت رجل جاء لي وجايب لي فردتين حذاء بيضاء اللون فرده كعب عالي جدا والثانيه كانت فلات مع الارض جدا يعني مافيها ولا شويه ارتفاع بس الفردتين كانت نفس الشكل المظهري الاثنين بيضاء اللون ومرتبه مافيش اي اختلاف في شكلهم مجرد انه واحد فيه كعب والثاني فلات

فهو الرجل مسك الحذاء الللي بدون كعب ومطاه وطواه وقال ليه شوفي هذا مطاطي ومريح جدا لما تلبسيه وتمشي فيه
ومسك الفرده تبع الكعب العالي وقال لي لاتشوفي هذا كعب عالي وتقولي انه يؤذي لما تمشي فيه هذا الحذاء نفس تركيبه الحذاء الفلات وكمان مرن ومطاطي ومريح زي الفلات وكمان هيك طواه لحتى يرويني مرونته ومدى راحته

وبس هذا اللي شفته في الحلم

انا انسه
لا اعمل
بتعالج بسوره البقره



اختي انسه

تعمل

lor=red]]حبيبتى اختك ان شاء الله سوف تخطب لشخص هيجبها كثيرا ولكن انت هتختلفى معها فى الراى وان شاء الله سوف يتقدم لك عريسين منهم واحد عالى المقام ولكن صفاتهم تشبه بعض يعنى الاثنين حلوين وعليك الاختيار والله يوفقك[/size]

ايناس انوسه كتب:

الحلم رقم 8
امبارح شوفت رؤية قصيرة خير اللهم اجعله خير انى زى ما يكون قاعدة فى فصل مدرسة وان المدرس اللى بيدرسلى الممثل احمد عز فانا زى ما يكون كنت عايزة الفت نظره ليا وكنت عايزاه ياخد باله منى لانى كنت زى ما يكون حباه اوى وبعدين لما جه ناحيتى حاولت الفت انتباهه بس اللى حصل انى زى ما يكون وقعت ومعرفتش اقف فلقيته راح جاى ومعاه كوب مياه وراح سقينى منه وراح لا مواخذة حاول انه يقبل فمى او يلامس الشفاه بس لا مواخذة بشهوة لدرجة انى اتحرجت منه جدااااا عشان كان حوالينا ناس ولقيته بيقولى على فكرة فيه شبه كبير جدا بينا فى منطقة الدقن كده يعنى خلقة دقنك ووشك من تحت يشبه وشى خااالص وكان مبتسملى جداااا وكنت فى الحلم مبسوطة اوى انه خد باله منى وكان زى ما يكون تآلف معايا وارتحلى وقمت من النوم مرتاحة يعنى مش مقبوضة ...خير يااارب مع العلم انى فى الحقيقة عادى مش معجبة باحمد عز ده خالص ولا ليا فى جو انى اعجب بممثل دى خالص ولا بييجى فى دماغى بس جالى فى الحلم كده !! ..انا اسفة يا ماما ان المنام فيه تفاصيل محرجة بس انا بجد نايمة على قراءة قران وذكر الله ...

lor=red]]حبيبتى عليك بقراءة الفاتحة واية الكرسى اكثر من مرة قبل نومك ونامى على وضوء حتى تبعد عنك الشياطين وترى احلام صادقة والله يوفقك[/size]

مـــلاك روحـــي كتب:

الحلم رقم 9

السلام عليكم حبيبتي وحشاني كتير يا امي

امبارح صليت قيام الليل وبعدين قضاء حاجه واستخاره واستغفار

والدعاء ليا برجوع محمد ولامي بالذريه الصالحه وبعدين قريت الفتح والنجم ويس

والنصر وخواتيم البقره ونمت حلمت الحلم ده ::

بسم الله والصلاة والسلام علي رسول الله

حلمت بفضل الله الواحد الاحد اني كنت قافله تليفوني

وبعدين فتحته لقيت بابا اتصل بيا مرتين ومحمد اتصل بيا 5 مرات

وبعدين لقيت نفسي مع مرات خالي وبنات كتير وناس وكاننا بنجهز

علشان رايحين فرح او مناسبه وكنا كلنا واقفين قدام المرايه وكان

فيه واحده واقفه جمبي اسمها حسنيه وانا اخدت روج لونه بمبي

من واحده اسمها اميره حطيته وكان لونه جميل وبعدين قعدت اضبط في لبسي

وجيت اضبط الطرحه لقيتها لونها ابيض وشكلها جميل اوووووووي

وبعد ماضبطتها لقيتها بقت خمار ولقيتها سترت نصف جسمي من فوق

وكان شكلها حلو اوووي عليا خرجت علشان اروح الحق البنات لقيتهم مشيوا

قلت انا اتاخرت في اللبس انا عارفه المكان هروح الحقهم لقيت جدي احمد الله يرحمه

بيبتسملي ولقيت عمتي اسمها امل قاعده بتاكل وبتبصلي وقابلت مرات عمي

علي السلم واسمها بسمه وكانت معاها بنتها الصغيره اسمها اسماء ومشيت علشان اروحلهم

وانتهي الحلم علي كدهlor=red]]حبيبتى رؤيتك جميلة بسم الله ماشاء الله ربنا يحققها لك ففيها امل كبير وبسمة وستر كبير وبشرى حلوة ودنيا جديدة وجميلة وفرح قريب لك باذن الله وان شاء الله سوف تنالى املك والله يوفقك[/size]

ومامتي صحيت من النوم حكيتي حلم شافته ::

بتقول انها شافت ديوك كتير في بلكونه واحده جارتنا

واخدت منهم ديك وسالت اتنين كانوا واقفين واحده اسمها سعاد والتانيه امينه

قالولها لا مش بتاعنا قالت يبقي ده بتاعي وطار من عندي من زمان

واخدته ومشيت روحت البيت لقيت بابا بيقولها ان عمي سعيد كان تعبان

وهو اخد ديك وعطاه لنينه علشان تدبحهوله ماما اعدت تتخانق معاه

وتقوله ازاي تطلع ديك من بتوعي من غير ماتقولي

وشافت بعد كده انها راحت ارض والارض دي كانت محروته يعني

مفيش فيها زرع نهائي وفجاة لقت فيها 3 شجرات طارحين لوبيا خضره

قعدت تجمع فيهم في طبق ولقت الجيران واقفين يبصوا عليها

ويقولولها محدش فينا شاف اللوبيا اشمعنا انتي اللي شفتيها

وكلهم كانوا عايزين يجمعوا معاها او ياخدوا شويه وهي رفضت

تعطي لحد حاجه واخدتهم ورجعت البيت وكانت فرحانه بيهم

وانتهي الحلم بفضل الله علي كده تعبتك بالحلمين

بس انا دعيت لامي معايا قلت يمكن فيه خير

جزاك الله كل خير حبيبتي وربنا يخليكي لينا يارب

lor=red]]انا هقول لك بسم الله ماشاء الله رؤية ماما فيها حبة قلق ولكن فيها تحقيق امنية باذن الله وسعادة كبيرة من عند الله وان شاء الله ماما اما حامل هذا الشهر او الشهر التالى باذن الله وهترزق من حيث لاتحتسب بما تريد ربنا يجعل رؤياكم من نصيبكم [/size]

lor=red]]حبيبتى
انت عندك حبة نكد ولكن ربنا هيجمع امورك المتفرقة وهيبارك لك ان شاء الله
وفيه خبر حلو هتسمعيه باذن الله وعليك بصلاة قضاء الحاجة 12 ركعة بعد
منتصف الليل كل ركعتين منفصلتين وادعى فيهم كا تشائ واقرئ سورة طه يوميا
وان شاء الله ربنا هيفرح قلبك والله يوفقك[/size]

ماما نجيه معلشى ممكن تفهمينى امور ايه مش فهمت اوى الجزء ده