تفسير احلام الاثنين 28/5 باذن الله

مـــلاك روحـــي كتب:

بسم الله الرحمن الرحيم

رؤيا رقم 1

السلام عليكم امي الفاضله

حلمت بفضل الله الواحد الاحد اني كنت واقفه ع الحوض

بغسل اطباق ولقيت في وسط الاطباق * اصرية بتاع طفل *

قمت غسلتها وقلبتها علي الرخامه علشان تصفي المياه وتنشف

لقيت ماما بتقولي انتي كده عملتي اللي عليكي روحي انتي وانا هكملهم

ومشيت لقيت محمد بيتصل بيا رديت عيه لقيته بيقولي انا عندي ليكي خبر حلو

قلتله خير قالي فيه واحد كلم الحاج * والده يعني * واقنعه اني اجي اخطبك

وهو وافق وقاله بس لازم تروح معاه قاله وماله هروح معاه وبقيت هطير من الفرحه

لما سمعت الخبر وبعدين حطيت الموبيل في جيبي وقعدت مع بابا وماما في البلكونه

وفجاه لقيت راجل داخل ومعاه عريس دكتور وعمال يوري ورق وشهادات لبابا

يثبتله بيها انه كويس وانا قلت في بالي يعني اليوم اللي محمد يقولي انه هييجي خلاص

يتقدملي واحد فيه ده انا ملحقتش افرح بس لقيت حاجه بتقولي ده اختبار من ربنا

انا قلت خلاص انا هقعد معاه علشان اريح اهلي وبعدين هرفضه

المهم لقيت العريس ده بيتكلم وعمال يتهته في الكلام زي مايكون مش بيعرف يتكلم

قلت خلاص لقيت سبب للرفض المهم دخلت علشان البس واقعد معاه وببص في المرايه

لقيت شكلي مش حلو خالص قلت طيب انا هقابله كده ازاي وشكلي مش حلو

قلت هلبس الطقم البمبي علشان بيبقي حلو عليا ويمكن يحلي شكلي شويه

فتحت الدولاب وقعدت ادور ملقتش اي لبس يتلبس نهائي

وكأن الدولاب فاضي من الهدوم ولقيت فيه مكان في الدولاب

مليان لبس لونه موف ومتكيس في اكياسه وانا قلت في بالي

لسه اوان اللبس ده مجاش لان اللبس ده هلبسه لمحمد باذن الله

ولقيت نفسي بره البيت ومعايا بنت اسمها ايمان وبنت اسمها سعاد

لكن لا قعدت مع العريس ولا لبست ولا خرجت

وانتهي الحلم بفضل الله الواحد الاحد يا امي

يارب يكون خير حبيبتي

lor=red]]ايه العسل ده انا همالة اقول لسارة بنتى وزجها شفى العسل دى كاتبة رؤيتها ازاى انت شربات وبنت رقيقة وان شاء الله ربنا يرزقك بالانسان الى يقدرك ويسعدك حبيبتى رؤيتك جميلة بسم الله ماشاء الله حققها الله لكم فيها بشرى بمولود جديد لكم ان شاء الله وطبعا انت هتكونوا معه فترة بسيطة والباقى على ماما وربنا يفرح قلبها اما الباقى فمكالمة التليفون بتحدث كما هى ففيه مكالمة من محمد لك ان شاء الله وفى نفس الوقت سوف يتقدم لك عريس عالى القدر ولكن ممكن يكون مفيش نصيب وربنا هيرزقك من حيث لاتحتسبى بما تريدى وربنا هيسعدك بسعادة كبيرة ان شاء الله والله يوفقك[/size]

slasel كتب:

على فكرة هما كتير بيعملوها ويحطوا احلام يومين فى توبيك واحد لحد ميكمل 25 مينفعش تعملى توبيك جديد بيتهيالى هما بيبقوا عارفين

لا ياحبيبتى هيا الظروف الى بتحكم معايا بس مبعرفش ادخل فانتو بتكملو على التوبيك القديم على العموم انا اتمنى لو اتاخرت اى حد يعمل موضوع مكانى وشكرا ليكى اختىملاك روحى عى تعاونك معايا

اختك نسمه (الحمد لله)

lor=red]]الف شكر لكم جميعا ونحن يد واحدة واخوات وهنمل سويا على انجاح منتدانا والله ولى التوفيق[/size]

الحمد لله كتب:

الحلم التانى



للعضوه slasel

السلام عليكم امى اخبارك ايه وحشانى كتير بجد
انا كنت حلمت خير اللهم اجعله خيراا بشاب وفتاة كانوا معايا فى شغلى القديم وكنا تقريبا فى مكان بنشتغل مع بعض وبعد كده لقيت الشاب ده زرنا فى بيتنا الساعة 1 بالليل فبابا قالى مينفعش حد يزورنا فى الوقت ده واتضايق شوية فانا كان المفروض انى اطلع اقابله بس هوة جه على غفلة فانا يدوب كنت هطلع اقبله بالترنج ولسه بلف حاجة على شعرى فى المرايا فلقيت حواجبى رفيعة جدااااااااااااااااااا على غير العادة (زى البنات لما تيجى تتخطب فتقوم الكوافيرة مرفعة حواجبها من غير مالبنت تحس) فانا استغربت نفسى ولقيت شعر كتير منبت فوق وتحت الحواجب وطالع نصه فانا استغربت نفسى وقلت مش مشكلة هطلعله كده وخلاص
مع العلم ان الشاب ده كان معجب بيه ابام الشغل القديم وكان حصلى مشكلة كبيرة فى شغلى القديم وهوة اتخلى عنى او مسالش عليه ووقف جنبى ومن ساعتها متكلمناش وهوة مش على بالى اصلاااااا وبالنسبة للبنت زميلتى اللى كانت معايا علاقتى بيها مش وطيدة اوى بس هيه لسه مكلمانى من شهرين تسال عليه وكده
انا مش فهمه ده ايه ؟؟؟
26 سنة - انسة - غير مخطوبة - اعمل - بحضر دراسات

lor=red]]حبيبتى اطغاث احلام[/size]

الحمد لله كتب:

الحلم الثالث



للعضوه نودى 2

ماما نجية كل الى فكراة من الحلم ان شيماء بنت عمتو رايحة مكان تشترى حاجات وانى قولت ليها هروح معاكى علشان اشترى حاجات ليا وبعدين لقيتنى فى محل ولبسة تايير وكنت بسال الجذمة الى لبساة القديمة تنفع مع اللبس وجة فى مخى صندر قديم مقفول من ادام ومفتوح من ورا وبعدين قلت خلاص هلبس صندر ابيض جديد هيمشى مع الطقم وبعدين لقيتنى مع شخص فى غرفة وكنت عمالة الم حاجات تخصنى اخدها معايا وانا خارجة مع شيماء وهو كان عايزنى اقعد وانا كنت مصممه اخرج فراح سبنى وخرج وانا مسكت موبيل بتاعى وببص لقيت فى مكالمات ابل كدا من شيماء ومش متاكدة ان كان فى رسالة اولا وبعدين لقيت شيماء بتتصل بتستعجلنى فقلت ليها انى جاية


ماما نجية شيماء مخطوبة وبتشتغل وفرحها يوم السبت الجاى ربنا يتمم ليها على خير
وانا مش بشتغل ومش مرتبطة

lor=red]]حبيبتى ان شاء الله سوف تخطبى قريبا مثل شيماء ان شاء الله [/size]

ايناس انوسه كتب:

الحلم رقم 4
امابارح يا ماما حلمت خير انى جايبة امى وبفرجها على المزرعة بتاعتى وكانت عبارة عن مجموعة من الفراخ البيضة وفيها جاموس كتير وكان فيه صف عصافيرزينة واقف اول عصفور جيت انكشه بالعصاية بتاعتى كان لونه ابيض وقف على العصايا كده شوية وروجع مكانه ومش فضل معايا اما العصفور التانى كان عصفور زينة برده ولونه موف وحلو كده اول ما نكشته بالعصاية راح واقف على العصاية ولااازق عليها ومش رضى يطير من عليها ابدا رغم انى حاولت اجرب اهشه و ارجعه مكانه تانى جنب العصافير زى زمايلة مرضاش يرجع وفضل لازق على العصايا فخليته لازق على العصايا بتاعتى بس كان عسول اوى وبعدين كان فيه كمان صندوق خشب فيه سنجاب متكور على بعضه كده ونايم كنت كل شوية افتح الصندوق اتفرج على السنجاب وهوه نايم واقفل الصندوق تانى وكنت فرحانة بيه وكانت كل المزرعة دى تبعى وجايبة ماما تتفرج عليها ...

lor=red]]حبيبتى ايه الى جننك يا نوسة العصافير جنان عموما فيه زواج قريب لك من عريس جميل حبيبتى انت عندك قلق وعقلك هيطير منك ولكن فيه رزق كبير لك وزواج قريب ان شاء الله والله يوفقك[/size]

جزيرة كتب:

السلام
عليكم انا حلمت بعد دعاء الاستخارة اني واقفة و واقفة و رائي بنت عمي كل
ما اكل اكل و احطه تيجي هي و تحب تاخده مني لكن ما تاخدوش لكن في الاخر مش
عارفة اخدت و لا لا . انسة - التزامي الحمد لله- استخارة في موضوع الزواج -
بنت عمي هي التي اذاتني بالسحر عافانا الله و اياكم - بارك الله فيكم

lor=red]]حبيبتى استخارتك حلوة طالما ان بنت عمك لم تاخذ منك شئ ولكن عيديها مرة اخرى للتاكيد وحتى توضح اكثر والله يسعدك[/size]

الحلم رقم 6
انا حلمت ان انا شوفت خفاش فى الحلم بس مش فاكرة اى حاجة غير ان انا كنت بضربه وهو كان بيحاول يعضنى وروحت انا حطيت فى بقه حاجة بيتهيالى كان الموبايل ممكن علشان مايعضنيش وكان بيحاول يعضنى من كتفى بعد كدة بعد عنى هو كان حجمه صغير بس مش فاكرة المكان اللى كنت فيه كان فين


انا الحمدلله ملتزمة فى الصلاة وفى صلاة قيام الليل و علاقتى الحمدلله برينا كويسة وانا آنسة ومش مرتبطة ولا مخطوبة وعندى 25 سنة