تفسير احلام الاحد20/5/2012

ماما نجيه حلمت انى كنت فوق سطح وان السطح ده علية كذا شقة او كذا غرفة مش فاكرة اوى
وبعدين كنت فتحة لاب توب وبكلم واحده على نت وبعدين استاذنت منها دقائق ونزلت مع واحد كان فى الحلم فكراه بابايا وبعدين دخلت شقة تيتة لقيت عفش جديد وسفرة وعرفت انة العفش ده ليا علشان احطة فى غرفتى الى على السطح او شقتى الصغيرة الى فوق السطح وبعدين لقيت احمد اخويا وتيتة كانت موجوده فقلت ل بابا انى هطلع علشان علشان احمد مش يضايق وبعدين لقيتنى فى مكان وباب الغرفة ببص لقيت ضباط مستخبين فيها هاربنين من حاجه معرفش لية وبعدين كان معايا بنات المهم واحد منهم راح الحمام بعد كدا لقيتنى فى شارع وفى عربيات شرطة وجة فى بالى انهم بيدور على الضباط دول كان معايا يجى 3 بنات حسيت ان الحمام والغرفة بينهم شارع كبير معرفش قلت للبنت ترجع تقول للضابط يفضل شويه علشان بيدور علية راحو بنتين وفضلت معايا بنت اسمها هبة وبعدين وانا ماشية فى الشارع عربية الشرطه كانت بتلف فجت وقف ادامى وكان فى كذا ضابط فى العربية وسالنى ضابط كان الكبير بتاعهم انت لية لبسة ابيض فبصيت فى لبسى كنت لبسة بالطو ابيض حلو الى فكراه انه قال انى لبسة ابيض وهو نفس لون البدل بتاعتهم بتاعت الشغل زى مايكون مش عايزنى البس اللون الابيض مش فاكرة رديت علية باية وبعدين مشيو وبعدين لقيته نزل من العربية لما لقانى غيرت طريقى والى فهمتة انو هيوصلنى البيت انا وهبة

ماما نجية احمد اخويا ملتزم ومتجوز وعنده بنتين
وتيتة ست كبيرة وبتصلى
الجزء الى شفت فيه بابا فى الجزء الاولانى لما كنت فوق سطح
ونازلة اشوف العفش مكنش بابا انما تحت كان بابا
انا مش مرتبطة ومش بشتغل