ا- ازى حضرتك يا ماما ياغالية ربنا يديكى الصحة ويبارك فيكى ويفرح قلبك باولادك يارب - انا حلمت انى انا وجوزى ولادى فوق سطح جميل اوى وببص من السطح لاقيت ادامى بحر وشجر ورور فقلت لجوزى ياسلام لو كان بيتنا هنا ونقوم كل يوم الصبح على المنظر الجميل ده وبعدين وانا واقف بتفرج لاقيت - براز- خرج منى على الارض روحت استغربت ازاى اعمل كدة وانا واقفة وبعدين شفتى نفسى بدور على بنتى كات رايحة الحمام وشفت حمامات كتير جنب بعد وبعدين شفت نفسى بسلم على واحد اسمه - يحيى- جار ماما وكان بيتكلم معى وبيضحك وبيقولى رايحة فين قلتله انا واخدة هدومى وداخلة استحمى راحت مرات خالى قالتللى خدى البليلة دى اكل ابنى منها اكلت الولد معلقة وبعدين قلتلها خدى مش راضى وبعدين شفت امى وكاننا مسافرين مع بعض وبقولها عارفة احنا دلوقتى فى العجمى بالاسكندرية وبقولها فاكرة احنا جينا هنا زمان مصيف شوفى بقا دلوقتى مش جاين مصيف مين يصدق ده وبعدين امى كانت بتروقلى الشقة وقالتلى لو حاجة ناقصة عند حماكى ابقى قولى عشان نجيبلوا وراحت شافت طبق فى ملح وجنبه كيس ملح مفتوح راحت قالتلى حماتك كانت مخبية الملح وقالت مفيش ملح والملح اهو ما تجيبش انتى ملح قلتلها حاضر - وشفت نفسى باكل لحمة فى عيش ابيض اوى وبعدين شفتى نفسى لابسة جاكت جلد اسود وبنطلون اسود مقلم وبادى اسود وفيه رصاصى وشنطة سودة كبيرة وروحت قعدت جمب واحدة اسمها - وفاء- وكنا قاعدين فى كازينو او نادى وكان فيه على التربيزة ستات تانى قاعدين وبعدين الست دى بتقولى شكلك مهتمة بشعرك اوى - كان شعرى طويل ومفرود بس خفيف - روحت ضحكت وقلتلها ده كان زمان انا الكيماوى بهدلتنى راحت قالتلى ولبسك شيك اوى وشنطتك جميلة انتى جايبة الجاكت منين وبكام روحت قلتلها من المحل ده وشاورت على محل بيبيع جواكت جلد وقلتلها مش فاكرة بكام بس كان غالى راحت قالتلى اه من عارفة المحل ده غالى ومسكت الشنطة قالتلى بكام قلتلها ب 30ج - وخلص الحلم على كدا - معلشى يا ماما استفسار من حضرتك هو لما بتقولى شوية وش او شوية قلق يعنى معناه نكد او زعل او خناقة مثلا - ولا معناه حاجة خاصة بصحتى - اصلى انا بصراحة اى حاجة بعد موضوع مرضى بقيت بشوفها بسيطة اوى -
