تفسير احلام الخميس 3/5/2012

الحلم رقم (2)
حلمت انى كنت خارجة من المدرسة وانا وماشية لقيت واحدة معرفهاش مشيت معايا وقالت لى تعالى هشترى عيش من المحل ده قلت لها ماشى ورحت معاها وقفت مستنياها وهى كانت بتكلم البياع وطلب منها كيس علشان يحطلها حاجتها فيه فسألتنى معاكى كيس وانا كنت ماسكة كيسين فيهم طعمية فحطيت الطعمية مع بعضها واديتلها كيس فراحت ادته للبياع والبياع مسك الكيس بقرف ورماه فى الشارع انا بقى استغربت من تصرفه واتضايقت وقلت له انت ليه عملت كده مردش عليا فبصيت جنبه لقيت كان عنده اكياس كان ممكن ياخد منهم عادى فقلت له لما انت عندك بتطلب ليه برده معبرنيش فالبنت قالت لى تعالى هنشترى من حد تانى ومشينا دخلنا السوق وقعدنا نلف على المحلات وبرده البنت مكنتش لاقية عيش بعد كده كان فى سلالم طلعت عليها وانا طلعت وراها وفجأة انا بصيت ورايا لقيت راجل شكله يخوف طالع يجرى ورايا ومسكنى وخنقنى انا قعدت اقول أشهد أن لا إله إلا الله وأشهد أن محمدا رسول الله حوالى ثلاث مرات وبعد كده حسيت ان روحى طلعت وصحيت من النوم

أنا آنسة ومتدينة الحمد لله