اكتبى حلمك ليوم .....10/2/2012

لقيت نفسي في شقة ابوهم انا عمري ما شوفتها بس هي نفس شقتي معاه في السعودية لما كنت متجوزاه وكنا مسافرين المهم دخلت للعيال اوضتهم وقعدت اتكلم معاهم بس الشقة كئيييييييبة ومكركبة كتييييييير وقديم العفش فيها مش حلوة خااااااااااااالص مش منورة كده كويس ومراته قاعدة في الصالة على كنبه في نصها كده ومبهدله في نفسها ومش مرتبه نفسها كاننا مش في عيد خالص فقعدت جنبها على الكنبه وبقولها ايه يا بنتي الي انتي عاملاه في نفسك ده مينفعش لازم تكوني حلوة في عين جوزك مينفعش يا حبيبتي وقعدت انصحها ودخلتله الاوضه بتاعته كان قاعد على السرير لقيت في الاوضه هو حاطط كراااكيب انا مش عارفة اتحرك في الاوضه منها قعدت حنبه بس بكل حب بكلمه مش مشاعر الحب بين الرحل والانثى لا مشاعر حب ليه بس كانه انسان عادي وبحبه فقلتله ايه يا محمد ده ايه الكركبه دي ؟؟ معقول كده يعني مراتك يجيلها نفس ازاي ترتب كل ده ولا تتحرك دي حاجة تسد النفس طبعا قالي امال اوديها فين يعني قلتلها اتصرف بيعها ارميها لكن كده مينفعش فجأة لقيتي ماشيه معاه في الشارع جنب بعض وبقوله على فكرة انا قعدت معاها وكلمتها برضه قلتلها مينفش فين الضحك والهزاء والدلع وكده وبعدين لازم تتعلمي من تجاربك اتجوزتي مرة واتين ودي التالتة (مراته فعلا كانت متجوزه قبله 2 ) مينفعشش قلتلها كده قالي ايوه قلتله وانت كمان غير من نفسك معاها برضه وراعيها حرام وفجأة لقيتني طالعة على رصيف عالي شوية بس من غير سور وهو ماشي ورايا فلسه حمشي عليه لقيتي دايخه وحقع حاسة اني حقع قلتله الحقني يا محمد حقع لالا مش حقدر امشي مش قادرة فقالي طيب تعالى انزلي رجعت نزلت من على الرصيف ده ومشينا عادي وبكمل كلامي معاه بقوله انا قلتها النكد ده مينفعش انا كنت بجنن الدنيا ومولعاها بالهزار والضحك والتهريج فقام قالي اااااااااااااااااااه يا هالة كنتي مخليه البيت جنة وضحك وهزار في البيت ياااااااااااااااااااه قلتله ايوه برغم خناقتنا كل شوية كل شوية بس بعدها بنحب بعض عادي لكن المنظر ده مينفعش

فلقيته حط ايده على كتفي كده فقلتله لا مينفعش نزل ايدك وبعدين في نفسي خايفه احسن زوجي لما مر في الشارع وشافني حيزعل جدا طبعا فقلتله انا لازم اروح جوزي حيقولي احنا في عيد وسايباني وبعدين زمانه خلاص صلى الضهر وروح فقالي هو بيصلي في الجامع قلتله اه ماشاءالله مش بيخلي فرض الا في الجامع فقال ماشاءالله وسلمت عليه ودعيت ليه قلتله ياله انا حمشي بقى اروح وربنا يهديلك الحال ويسعدك يارب وهو قالي وانتي ربنا يكرمك يا هالة ربنا معاكي بس صحيت من النوم ومش فاكره اني سبته ومشيت يعني وقفت على الدعاء بس لبعض

بس قايمه يا ماما عندي حنين قوي لجو البيت والعيال الي كان زمان برغم ما كان من مشاكل وده مخليني صاحية مضايقه اني حاسة الاحساس ده اصلا