ادخلي اكتبي حلمك ... تفسير احلام يوم الجمعة الموافق 3/2/2012

مدام ريري 2012 كتب:: الحلم التاسع

حلمت ان اخت زوجي تدخن السجاير من دون علم حد
و بدخن ف الشبالك و قولتلها كده حرام بلاش كده انتي بتصلي

lor=red]]حبيبتى اخت زوجك هتتكلم كلام او تتصرف تصرف يغضب الله وانت هتنصحيها والله المستعان[/size]

heba24 كتب:: الحلم العاشر

سلام عليكم اذيك يا ماما نجية . انا عندى حلمين الاول خير اللهم اجعله خير: حلمت انى كنت فر رحلة مع صحابى واحنا راجعين من الرحلة فى الاتوبيس سواق الاتوبيس وزع علينا احذية جديدة وكل واحد من اللى فى الاتوبيس اخد واحد وانا روحت فاخدت منه جزمة سودا ( كوتشى) ورجعت على الكرسى بتاعى علشان البسها فقولت لا انا لازم الاول البس شراب وبعدين البسها مينفعش البس الجزمة حافية ولبستها وخلص الحلم على كده.

اما الحلم التانى : ماما حلمته من يومين بعد الفجر. انها فى بلد عربى وكان معاها ناس من البلد دى كتير وعمالين يدوها هدايا عبارة عن ( لوف استحمام) . وخلص الحلم على كده
انا انسة وعندى 24 سنه ومتدينة والحمد الله. وماما متدينة جداا

جزاكى الله خيرا

lor=red]]ان شاء الله فيه عريس لك وربنا يتم على خير اما التانى ان شاء الله فيه فرحة كبيرة لماما وان شاء الله ربنا يرزقها زيارة البيت الحرام[/size]

tootaa toty كتب:: الحلم رقم 11

السلام عليكم ورحمة الله وبركاته

اوي يا ماما نجية يارب تكوني بالف خير نفسي تبشريني ياااااارب

انا حلمت خير اللهم ما اجعله خير ان بنت خالت ماما اتصلت بيها وقالتلها انها هتيجي

وخدتنا علي مكااااااااان كبير اوي كافيه كده وقالتلنا علي العريس وانه يجي يشوفني وفضلنا

منتظرينه كتير اووووووووي فقومت انا شوية وخرجت من الكافيه وفضلت ماشيه كأني في مول

كبير اوي اوي اوي ومعرفتش اوصل للكافيه وكل ما اسال حد يوصفلي وبردوا موصلش للكافيه

وبعدين لقيت نفسي في البيت ومستنين العريس انه يجي وجيه عمو وفضل قاعد وفجأة سمعنا صوت

في الشارع ان حد بينادي بالميكريفون علي ناس معينة الناس ديه اصلا كلهم بتوع مشاكل ومخدرات

ربنا يهديهم المهم الراجل ده بردوا جارنا فضل ينادي علي واحد واحد وجاب سطور كبير وبدأ

يموتهم ويوزع لحمهم وفضلنا نقول الحمد لله احنا ناس محترمين علشان كده محدش جاب سيرتنا

انا انسة 19 سنة طالبة جامعية ملتزمة وقبل ما انام كنت بدعي ربنا يرزقني بالزوج الصالح

lor=red]]حبيبتى فيه شخص هيتقدم لك ان شاء الله بس هيكون سلوكه وحش وربنا هيبعده عنك ان شاء الله وربنا يرزقك بالزوج الصالح[/size]

رونا كتب:: الحلم رقم 12
السلام عليكم ورحمه الله وبركاته
انسه ومش مخطوبه والعمر 20 سنه
واحده صحبتى حلمتلى والكلام دا على لسانها ويارب يكون خير
هى حلمت انها ادتنى كوبايه مايه وقالت انها فنجان صغير وعصرت فى الفنجان ليمونه
وقالت فى الحلم فى سرها ليا اصبرى

lor=red]]حبيبتى فيه عريس لك عن طريق زميلتك ولكن مش كويس وان شاء الله لك بشرى حلوة بعريس احسن والله يوفقك[/size]

الحمد لله كتب:: الحلم رقم

12السلام عليكم ياماما نجيه ازيك والله وحشانى

عندى حلمين الاول لمرات عمى

هيا شافت ابن خالها المتوفى وخالها المتوفى شافت ابن خالها كانه نايم على الارض على حصيره ومليانه زباله وخالها ابوه نايم قصاد منه ف الاوضه على سرير فهيا لما لقت الحصيره الى نايم عليها والصاله بتاعتها كلها زباله قالت هانضفلهم المكان عشان لو حد راحلهم ميكونش المكان وسخ

وشافت ابوها هيا كانه فاتح محل قماش رغم ان ابوها الله يرحمه كان جزار شافته فاتح محل قماش وكله قماش ابيض وفيه عنده تلت حتت قماش الوان فهيا بتقوله ايه القماش الابيض ده قالها دى قماش كفن ميتين

ابن خالها الله يرحمه انسان الله يرحمه مكنش كويس

علىعكس والدها الله يرحمه انسان كويس

الحلم الثانى لصحبتى كانتمخطوبه وفركشت شافت عمها المتوفى كانه جاى ليها ف الحلم وقاعد مع باباها فبيقوله ف ايه قاله خطيب بنتى عايز يرجعلها بس وطى صوتك عشان متسمعش عشان هيا مش عايزه راح قاله ليه اكلمها ولا اجبلها عمها التانى يكلمها قاله لا متكلمهاش هيا مش راضيه راح عمها المتوفى قال لباباها ان خايف عليك وعليها

lor=red]]اين انت ياقمر وحشانى ابن خالها الله يرحمه ويتجاوز عن سيئاته بيتحصر على عمله وهو فى قلق كبير وحسابه صعب وهى عليها بالدعاء له حتى يغفر الله له اما والدها الله يرحمه ففى ستر ودرجة حلوة والله يوسع قبرهم جميعا اما الثانى خطيب صاحبتك ممكن يرجع وعليها بالموافقة لانه كويس حتى ترضى والدها والله يسترها معها[/size]

الأميرة نونو كتب:: حلم رقم 13

لو سمحتي التزمي بالترقييييييييييم وكبري حجم الخط

الادارة

السلام عليكم ورحمة الله وبركاته
حلمت اليوم حلم غريب خير اللهم اجعله خير
حلمت كأني في جامع ومعي والدتي وكنت احضر مع والدتي كتب كتاب ابن عمي على خطيبته مروة وبالفعل تم كتب الكتاب وباركت لهما ووجدتهما سعداء ووجدت ابن عمي ومروة يتحدثان معي بود وحب ووجدت ايضا زوجة عمي زينب تتكلم وتحكي مواقف حدثت وكانت سعيده،
وفي مشهد اخر من الحلم وجدت كأني اذهب لشراء فستان زفاف وذهبت الي مكان يبيع فساتين الزفاف ووجدت رجل كبير كانه صاحب محل فساتين الزفاف واخترت فستان رائع الجمال ووجدته عمل لي تخفيض كبير جدا على الفستان وقمت بقياس الفستان ووجدته رائع علي ولكن الملابس الداخلية التي كنت لابسها تحت فستان الزفاف كان لونها ظاهر من الفستان فقررت ان اغير ملابسي الداخلية اولا بملابس داخلية اخرى تتناسب لونها مع فستان الزفاف ،
وفي مشهد اخر من الحلم وجدت هاجر ابنه عمتي تزورني في بيتي لتهنئني على ارتباطي بحسين (والله العظيم يا استاذة غادة انا اخذت بنصيحتك ولم اعد افكر في موضوع حسين مطلقا بل شغلت بنفسي بامور اخرى ) وكانت تريد ان تعرف قصتي مع حسين فقلت لها كانت هناك مشاكل سابقة من جانبي واخذت احكي لها وقلت لها اني تداركت هذه المشكلات بعد ذلك ورجعت اليه فهنئتني ،
ووجدت في مشهد اخير من الحلم ان مائدة الطعام عندنا في المنزل مليئة باصناف من الحلوى وكنت ارى اخي احمد وكنا نستعد لضيوف سياتوا لنا في المنزل ورايت كاني اخذ حلوى من المائدة واكلتها وكانت لذيذة وشهية جدا وكانت حلوى بلح الشام بالكريمة وكنت حاسة بمذاقها جدا وراتني امي وانا اكل الحلوى وعاتبتني لانها كانت تعد المائدة للضيوف وتريد ان تكون المائدة كاملة وانتهى الحلم
ممكن التفسير وتوضيح رموز الحلم

lor=red]]حبيبتى ان شاء الله سوف يتم الجمع بين ابن عمك وخطيبته على خير اما انت ربنا سوف يسترها معك وان شاء الله ترزقى بعريس جميل قريبا اما الجزء الثالث حسين مش من نصيبك فيه شخص اخر سوف يتقدم ان شاء الله وربنا هيتم له وفيه جمع خير لك فى خطوبتك قريبا ان شاء الله والله يسعدك[/size]

ツ Something Borrowed ツ كتب:

العضوة فرفوشة روشة

تم حذف مشاركتك لانك لم تلتزمي بالترقيم

وكان صعب اعدل عليها عشان الأحلام الي بعدك كتير واترقمت

انا هاعيد كتاتبه كـ مشاركة جديدة وارجوكي التزمي بالترقيم

..

حلم رقم 14

السلام عليكم

ماما ناجيه تفسيراتك مضبوطة انا صحيح زوجة ابي غير مخلصة لنا وابي

لايساعدنا ارتحت لتفسيرك كثير الله يوفقك دنيا واخرى .......
انا حلمت اني مسافرة لروسيا لأحد المستشفيات القديمة فكان هذا المستشفى للعظام فدخلت غرفة فوجدت الممرضة فكان السرير لايوجد به فراش ومتمزق والمكان غير جميل وآمن فالممرضة تريد ان تعمل لي جراحة فرفضت قلت لها باليوم التالي اعملي لي لاني كنت خائفة ومشيت بارجاء المستشفى ورايته خاليا وانا بالحقيقة اعاني من مشاكل بعظامي واريد علاج وكان المكان لونه ابيض موحش

lor=red]]حبيبتى انت هيطلب لك عملية ولكنك هتخافى من اجائها العلاج لك افضل والله يشفيك وانا تحت امرك[/size]

القطة المشمشية كتب:: العضوة القطة المشمشىة

تم حذف مشارتكتك

معلش بس كدا 4 احلام في اليوم ودا كتير جدا

المسموح بيه حلمين فقط

وحضرتك كاتبة 3 احلام

وكدا في ظلم لباقي البنات وضغط على ماما نجية

ارجوكي اكتبي بقية احلامك بكرة

وشكرا ليكي

الادارة

روز ليدى كتب:: رقم 16- ازى حضرتك يا ماما كل سنة وانتى طيبة يا حببتى ربنا يديك الصحة ويفرح قلبك باولادك ويسعدك ويرزقك الجنة وصحبة النبى عليه افضل الصلاة والسلام - بتعبك كل يوم معى يا حببتى استحملينى بقا - انا حلمت انى ماشية مع جوزى فى الشارع بس جوزى كان ماسك ايدى ومخلينى اجرى معه وكنا بنجرى فى الشارع وعدينا على مكان فى زرع وبعدين عدينا الشارع وكان فيه عربيات كتير وبعدين ركبنا عربية وانا قعدت وراء وجوزى قعد ادام وهو اللى كان بيسوق وكان بيسوق بسرعة اوى وانا كنت خايفة اوى وفجاة لاقيت واحد ظهر لنا فى الشارع عايز يرمى نفسه على العربية روحت قلت لجوزى اوع حاسب راح جوزى بعد شوية وبعدين لاقيته طلع على الرصيف روحت قلتله ايه ده حاسب خلى بالك بقى راح نزل بسرعة وبعدين قالى هو مين اللى كان عايز يرمى نفسه على العربية قلتله ده بلطجى من بتوع الشارع اللى بيوقفوا العربيات ابقى خلى بالك بقا وبعدين وصلنا وكنا رايحين عند ماما راح وقف ولاقيت ظابط فتح العربية من عند الماتور وكان بيكشف عليها روحت قلت لجوزى ايه فى ايه راح قالى ده بيطمن على العربية انها سليمة عشان سلامتنا وبعدين الظابط قال لجوزى تمام اتفضل اطلع وانا قلت لجوزى انا هنزل بقا هنا عشان هشترى حجات قبل ما اطلع لماما راح قالى ماشى - ونزلت ومشيت فى الشارع اشتريت من الفرن بوريك بعجوة وقلت واحدة لماما على شكل قلب وواحدة لبابا برده على شكل قلب - وخلص الحلم على كدا - بابا ( متوفى ) وفى نفس اليوم حلمت - انى فى مدرسة وبتفرج على الطلبة وبعدين نزلت حوش المدرسة وكان معى كتب ركنتها على الارض وقابلت وواحدة مش اعرفها راحت قالتلى خدى البسى الحلق ده كان دهب روحت لبسته لاقيته تقيل اوى وشكله وحش قلتلها لاء خدى ده تقيل وشكله مش حلو سبينى عشان انا بدور على الكتب بتاعتى وفضلت ادور لحد ما لاقتهم واخدتهم ومشيت - وخلص الحلم على كدا - البنت اللى فى الحلم مش اعرفها -

princess by islam كتب:: الحلم رقم 18

ازيك يا ماما نجيه عامله ايه دعواتك ان البلد تعدي على خير الايام دي و جزاكي الله خيراااا

انا حلمت حلم غريب حبتين

حلمت ان لي اخت اصغر مني بس رائعه الجمال و كانت لابسه فستان احمر و هي بيضا اوووووووي
و زي ما يكون جايلها عريس و انا عماله امسح و اوضب الشقه عشانها و طبعا كان شكلي مبهدل
فأبو العريس قالي لولا الظروف كنت اخدتك انتي لابني هي شكلها دلوعه اوي يعني انما انتي بتستحملي
و راحت قايمه من على السرير بغرور شويه او فرحانه بنفسها بقى و بجمالها و مكانتش محجبه بشعرها عادي
حتى انا غالبا مكنتش لابسه طرحه على راسي يمكن عشان كنت عمالع انضف البيت مش فاكره بالظبط
انا انسه و ملتزمه الحمد لله و مل
يش اخوات بنات

lor=red]]حبيبتى ربنا معنا جميعا ويعديها على خير حبيبتى ان شاء الله ربنا سوف يرزقك بدنيا جميلة وجديدة من حيث لاتحتسبى وعريس جميل بس عليك بالاهتمام بنفسك اكثر والله يسعدك[/size]

ايناس انوسه كتب:: الحلم رقم 19
ماما منام عجيب وغريب جدااااا يارب يكون مدلوله خير شفت اللهم اجعله خير انى قاعدة فى فصل مدرسة وجنبى بنات كتييييير وبعدين فجاة لقيت احمد اللى مش حصل نصيب جه وكنت عارفة انه خاطب ومش عارفة ايه اللى جابه المهم لقيته جاى وقافل كفوفه الاتنين على مجموعة من الدبابير وفيهم صرصار حجمه متوسط كده وبعدين لقيت دخل فى وسطنا واحنا قاعدين لان المدرسة و الفصل كان كله بنات اصلا وبعدين لقيته جه ناحيتى وكنت انا ساعتها قاعدة جنب الحيطة كده فلقيته جه جنبى من دون كل البنات وراح فاتح كفوفة وراح مسيب الدبابير دى بس مش عملتلى حاجة بس اللى نط على ايدى الصرصار وانا صرخت واتفزعت جامد وطلعت اجرى وهوه رغم اللى حصل ده مبتسم وولا كانه عمل حاجة وانا اتحسرت ساعتها وبعدها لقيته اختفى خالص ومعنتش شفته ولقيت قدامى طلع بسيونى مكانه وكان زى ما يكون جاى يدرس لفصل البنات ده عربى وانا كنت مرعوبة ساعتها فاستئذنت منه اخرج من الفصل اروح الحمام لقيته وافق ولقيت مامته واقفة بره الفصل وزى ما يكون هى اللى هتودينى الحمام وكنت خايفة اوى من اللى حصل ده وتقريبا كذا مرة استأذن منه اخرج لحد ما فى الاخر خرجت ومشيت مع مامته وكانت ست طيبة اوى ومكانتش كبيرة فى السن اوى يعنى كانت اربعينات كده وشكلها حلو وحنينة عليا اوى وبعدين بقولها اقوله انى رايحة الحمام معاكى عشان مزنوقة وكنت ندهتله عشان اقوله كده قالتلى لا متقوليلوش كده انا هوديكى فلما جه قلتله انت ليه اسمك متغير بدل احمد حامد بسيونى بقا محمد بسيونى راح جاى ناحيتى وهوه مبتسم وراح حاطط ايده على كتفى وكنت صغننة جنبه كده وراح محوط عليا وقايلى عشان انا كان ليا عمتى بنت ملك ايران وكانت مرفهة اوى عشان كده انا اتسميت بالاسم ده تاثرا بيها وبعدين لقيت ناس بتقوله ميصحش تحط ايدك عليها كده قدام الناس ادخل الفصل شوف شغلك ومامتك هتاخدها وكان فيه بنات كتير بتبصلى من جوه الفصل ومستغربة ليه انا من دون البنات كلهم اللى خرجت من الفصل مع مامته كده وكانوا قاعدين ينادوا عليا ومبتسمين ..المهم قلت لمامته انا مش مزنوقة اوى ومع ذلك يلا نمشى مع بعض وفعلا مشيت مع مامته وكان اهم حاجة عندى انى معاها ومكنتش عايزة اوى ادخل الحمام اينعم كان فيه زى ما يكون بول بس مكنتش مزنوقة اوى وكانت الخضة اللى انا فيها راحت والخوف راح وقتها وبعد كده الحلم قلب بتخاريف واحداث متشابكة بس دى كانت اخر جزئية فى الحلم ...

lor=red]]حبيبتى طريق احمد مشاكل وهو فيه فى قلبه عداوة لك لكن مش هيقدر يعمل حاجة باذن الله وربنا هبدلك خير ببسيونى وربنا يصدق رؤيتك وتكون من نصيبك وان صدقت الرؤيا هتلتقى بوالدته ان شاء الله وفيه بنات هتغير منك كتير وربنا يكفيك شرهم ادعى الله ان تصدق الرؤيا[/size]

feps2010 كتب:: الحلم 20
ابن عمى محمد حلمى انى انا مت ودخلت اوضتى واقعد يعيط وانى انا فى كلية هندسة وكنت لفه الادوات الهندسية بتاعتى ليه لانه كان هيدخل كلية هندسة و وكان بيلاقى فى كل كتبى فلوس وانى كنت معلمة الصفحة من بره بنقطة من القلم الاسود فكان يفتح يلاقى فلوس
انا انسة على قدر من التدين لا اعمل وخريجة اقتصاد وعلوم سياسية
محمد اصغر منى وبيشتغل والحمد لله ومتدين مخلص معهد فنى صحى

lor=red]]حبيبتى انت عمرك طويل ورزقك كبير وان شاء الله سوف تخطبى لمهندس باذن الله[/size]

كرآميلا كتب:: 21

اختي حلمت يامااما انو شافتني في الحلم وكانت بتشوف بس عيون تطالعني وشافت وجهه زوجة اخويا وعيونها بتطالع عليا

lor=red]]حبيبتى اقرئ سورة البقرة او شغليها يوميا واكثرى من قراءة اية الكرسى واكثيرى من الاستغفار وان شاء الله ربنا هيحميك من كل مكروه والله معك[/size]

ماما نجيه حاضرتك مفسرتيش حلم رقم 17 هو وحش
انا اسفه

عضوة عدد المساهمات : 272 تاريخ التسجيل : 18/07/2011

ماما يا حببتى حضرتك نسيتنى انا حلمى رقم 16 الله يكون فى عونك ياماما ويديكى الصحة ويجعله فى ميزان حساناتك يارب

رؤيا رقم 22
كيف حالك ماما ناجية إن شاء الله تكونى بخير
رأيت صديقة لى تصلى بالنساء صلاة الجمعة وتأمهن -- وبعد أن صلت بهم صلاة الجمعة تذكرت إنها لم تقول خطبة الجمعة -- الرؤيا والصلاة كلها نساء فقط لم يكن هناك رجال -- صديقتى فى الحقيقة أحسبها على خير إن شاء الله ملتزمة ما شاء الله وخاتمة للقران

ماما نجية هاتدخل بكرة ان شاءالله

الأحلام الي متفسرتش ارجو كتابتها في الموضوع الجديد

» ادخلي اكتبي حلمك .. تفسير احلام يوم الجمعة 24/2/2012
» ادخلي اكتبي حلمك هنا .. تفسير احلام يوم الجمعة 6/1/2012
» ادخلي اكتبي حلمك ... تفسير احلام يوم السبت الموافق 28/1/2012
» ادخلي اكتبي حلمك ... تفسير احلام يوم الأحد الموافق 29/1/2012
» ادخلي اكتبي حلمك ... تفسير احلام يوم الأتنين الموافق 30/1/2012