بتخاف من الضلمة؟؟!!
يعني لما تبقى في البيت كده و النور يقطع في الشارع كله
و ماتبقاش شايف حتى ايدك
بتبقى خايف؟؟
اكيد طبعا في ناس بتخاف وفي ناس مابتخافش
طيب فكر كده ظلمة البيت ايه الفرق بينها وبين ظلمة القبر
هقولك انا
ظلمة البيت بتبقى مع اهلك
لكن ظلمة القبر هتبقى لوحدك
ظلمة البيت بتبقى مطمن انك في بيتك و مرتاح فيه نفسيا حتى لو كان مش معاك حد ساعتها في البيت
لكن ظلمة القبر بتبقى مرعبة
ظلمة البيت بتبقى عارف ان النورقطع بس شوية وهييجي او هتولع بشمعة ولا موبايل ولا اي حاجة
لكن ظلمة القبر خلاص بقى تولع ايه (اللهم نورلنا في قبورنا)
طيب.. غير ده كله
انت لما النور بيقطع في البيت مش بتعمل حاجة..
لكن في القبر بتُسأل و المطلوب منك انك تجاوب
منكر ونكير شكلهم عامل ازاي؟؟
ياترى هتعرف تجاوب ولا لا؟؟
محدش هيبقى معاك
محدش هيونسك
محدش هيبقى شايل همك
سبحان الله لونتأمل..في القبر مفيش واسطة
خلاااااااااااااااص
مفيش حد يقدر يعملك حاجة هنا
شيل هم نفسك بقى
مش هيساعدك الا 3 حاجات
1. ولد صالح يدعو لك
ودي ماتضمنهاش..ولا تضمن ولد صالح ولا تضمن يدعو لك
2. صدقة جارية
ودي بردو ماتضمنش ان حد هيعملهالك .. فاعمل لنفسك انت دلوقتي صدقة جارية عشان يوم ماالناس تنساك تبقى انت عامل حسابك
3. علم ينتفع به
و ده بقى يا اما التعليم اللي عمال تتعلمه في حياتك كلها في
المدرسةوالجامعة تعلم بيه حد وتشتغل كويس وتتقي الله عشان تنفع الناس بعلمك
ده
يا اماتحفظ القرآن وتحفظه لغيرك فكل واحد هيحفظ حرف
هيبقى في ميزان حسناتك وكل واحد من اللي حفظ على ايدك هيحفظه لحد تاني
هيبقى بردو في ميزان حسناتك حتى لو آية واحدة بس
يا اما علم شرعي يا اما اي حاجة اي كورس او اي حاجة بس تكون ماتغضبش ربناهتتعلمها وتعلمها لغيرك هتنفعك في قبرك
طيب في نقطة مهمة جدااا
انت عارف ان الميت بيبقى دريان بكل حاجة بتحصل حواليه بس مش بيقدر يعمل حاجة
بيحس بالناس بعد ماتسيبه في القبر و تمشي
بيحس بالالم وبالعذاب( ربنا ينجينا من عذاب القبر)
بيحس بالظلمة و بيحس بوحشة القبر
لو انت زي ماانت كده خدوك دفنوك بالظبط زي الميت هتترعب
امال ليه بنحس ان الميت ده زي مايكون واحد نايم
لا ده دريان بكل حاجة و حاسس بالخوف
انت فاكر اننا مش هنخاف في القبر
طب ودي حاجات مانخافش منها؟!
ربنا ينجينا واياكم من عذاب القبر
اعملوا صالحا عشان العمل الصالح ده ينفعك في اخرتك
و في النهاية انصحكم بقراءة سورة الملك المنجية من عذاب القبر فنحن في اشد الحاجة اليها والله
