تفسير احلام الاثنين 12/12/2011

الحلم الاول

للعضوه ايمى

حلمت اني اشتريت فستان فرح بس كان عادي يعني مش حلو قوي وخدته في البيت وعملتله اعادة خياطة يعني غيرت شكله خالص فبقي لونه طوبي وكب وفيه خرز وورد وبقي شكله جميل جدا ولبسته ووقفت قدام المرايا وكان شعري مفرود وماما شافته وعجبها جدا وبعد كدة بابا شافه وقال لي جميل وماما قالت لي ابقي البسيه في الافراح وابقي البسيه لما يحصل نصيب قولتلها مانا بقول كدة وفي الحلم اتخيلت نفسي لابياه في خطوبتي وبعد كدة ببص لاقيته واسع شوية فقلت ايه ده دنا علي كدة هضطر اضيقه فببص لاقيت السوستة مفتوحة شوية فبقول لماما مش تقوليلي قالت لي مانا سبتها مفتوحة شويةعلشان تعرفي تقلعيه
وانتهي الحلم علي ذلك
مع العلم اني مطلقة
بس انا افتكرت اني قفلت السوستة والفستان اتظبط

الحلم الثانى

للعضوه نانا _نونا

السلام عليكم ازيك يا ماما نجيه اخبارك ايه وحشانى جدا معلش هكتبلك حلمين لزوجى وحلم لأختى

الحلم الاول لزوجى: حلم انه راح الشغل لقوهم نقلو لفرع تانى مع انه شغال فى الرئيسى وهناك راح دخل كلهم شغالين مبيعات قالهم انا مش بشتغل فى المبيعات انا فى الخزنه ومفيش قسم للخزنه فى الفرع ده وكان ماشى نده عليه المدير وقاله انت ممكن تشتغل فى الاكسسورات وشاورله على المكان فقاله ازاى بنك يتحط فيه اكسسورات كده المدير قاله اصل ده توكيل واحنا خدنا المهم نزل الارفف كلها ورصها بطريقه جميله جدا على اشكال شكل منهم اهرامات ولم خلص مصدقش ان هو الا عمل المنظر الجميل ده والكل عجبه جدا الا هو عملو والمدير قالو هتفضل معانا وهو ماشى فى المكان نده عليه زميل ليه كان بياكل قالو دخل الصنيه دى المطبخ فجوزى رد عليه وقالو انا مش الخدام الا جبهولك قوم وديها لنفسك سمع المدير وقاله ليه كده يا محمد كلنا هنا بنتعاون مع بعض وهو ميقصدش وخد المدير الصنيه وداها هو وزميله اعتذرله وقاله مقصدش وزميله خده معاه وفجاه لقى نفسه راكب عربيه زميله بس مشفش شكلها من بره المهم انها مريحه واهم حاجه لفتت نظر جوزى ان ماتورها ملوش صوت زى عربيتنا فقالو دى نوعها ايه وازاى مفيش صوت للماتور كده مردش عليه صاحبه المهم وداه عند محل سباكه عشان يجيب حاجات لشقته وفى قربه راكنه عربيتنا وهو نازل جوزى من العربيه اتجأ انها موديل قديم جدا حتى ااقدم من الا لادا وقالو ازاى كده باردو مقلوش وشاف عربيتنا قالو الشكمان مسدود وخلص الحلم بتاع زوجى على كده

زوجى الحمدلله انسان محترم جدا بس مبيحبش حد يأمره او يكلمه بطرييقه مش كويسه بيرد عليه فى ساعتها ولما يلاقى الانسان الا امامه محترم لبيعتذر لبينسحب فى هدوء عشان يلجم باقى غضبه بس مش بيصلى ولو صلى بيقطع ويرجع ميصليش لكن كويس معانا جدا ومع بناته والحمدلله يا ماما نجيه لو انتى فكرانى انا جوزى بطل تدخين الحشيش بقالو كده شهر بالظبط وربنا يعينه ومن ساعاتها والاحلام من قريب اتنشطت عنده وبيصحى قريب الحمدلله ادعيله ربنا يكمله على خير وانه ربنا يهديه ويصلى انا لسه كتبالك حلم فوق ايام مكان بيشرب الحشيش بس مكنتش عارفه انتى فين قبل المنتدى فكان من فتره ويعتبر اتحقق حاليا الحمدلله

الحلم التانى لزوجى ده انهارده صحى منه ساعه اذان الفجر لانى كنت ظابطه المنبه على الاذان حلم ان انا وهو زى منكون فى حرب وانا معاه فى الكتيبه بتاعته وبنتسلق جبل عشان نوصل كتيبتنا واحنا طالعين ربع الجبل كده انا قولتله تعالى فى كتيبه تحت نسلم نفسنا فيها قالى لأ نكمل لكتيبتنا دى مش بتاعتنا واحنا بتسلق الجبل اتنين سبقونا مع بعض وجوزى بيقولى انى انا بتسلق الجبل زى ما الكتاب بيقول يعنى اخود نفس واحرك ايدى فى الوضع الصحيح وبعدين الجبل مش رملى كله من حجاره هو سألنى قالى تعبتى ورينى ايدك عرقت ورتهاله مش عرقانه وانا قولتله لأ باردو ووصلنا الحمدلله لاقينا قائد الكتيبه بيزعء ويقول الا مش من الكتيبه ميجيش هنا يروح يسلم نفسه فى كتيبته ورحب بينا وادى جوزى كارت فيه اسمه ورقم تليفونه عشان لو احتاج حاجه بعد كده وجوزى شاف الاتنين الا سبقونا واحد منهم دماغه مذنوئه بين سخرتين اكنه مشنوق وزميله بيحاول يخلصه بس مش عارف000

الحلم الثالث لأختى الكبيره المتجوزه حلمت ان اخت جوزها الكبيره بتديها علبه وفيها صابونه بريحه وحماتها بتديها مفتاح واخت جوزها الا كانت متوسطه فى الجوازه بتدافع عنها اختى الحمدلله بتصلى بس من ساعه متجوزت من 8 سنين فى مشاكل بسبب اهل جوزها وهو بيسمع كلام ماماته وكلهم بيبهدلوها لو حصلت مشكله بينها وبين جوزها وبيغلطو فيها جامد حتى اخر مره حماتها راحتلهم السعوديه عملتلها مشكله وصلت جوزها يرمى عليها يمين طلاق فى الغربه بسبب امه وهى معاها 3 صبيان ربنا يصلح حالها وجوزها مش بيصلى بس هى اتخنقت جدا وهما فى مشاكل على طول ومامته تملى تكره فى اختى بس لمرى رمى يمين الطلاق زعئتله وهو اتفجىء وقال هى السبب ورجعو لبعض فى يوميها بس حماتها من وهى فى مصر باردو مش سايبها فى حالها يا رب اصلح حالها

[size=24] الحلم الخامس





حلمت اشوف عندنا امتحان واشوف جالسين بالقاعه ووزعو ورق الامتحان واشوف انا كأنه احد عطاني ورقه ثانيه وفيها الحل من داخل قبل ادخل القاعه بس مو عارفه من اللي موصيلي عليها المهم الا شافت المراقبه الورقتين عندي وهي تاخذها مني وتقعد تعيط علي من وين لك ومن وين جبتي الغش واحنا لسا فاتحين المغلف الاوراق المهم اخذتها واشوف بدينا نحل الا الاسئله صعبه وماعرفتها واشوف قاعده احكي انو كمان ذي السنه راح ارسب لاني ماحليت الا اطالع لزميلاتي واخذ منهم حل سؤال وانا اروح احكي للمراقبه انه حرام ساعدونا والله ملينا بس نرسب واحنا خريجين مابقا لنا الا هالماده واقولها رجعي لي الورقه واشوفها متنحه مش عاوزه الا شوي ويجي رجل يراقب علينا بدالها الا رجل كانه قصير وله شوارب الا اول مادخل سأل عن اسمي قال وين فلانه الفلان انا خفت قلت اكيد شاف الغش والحين يطلعوني من الامتحان الا يقول فيه واحد بس يسأل عنك من قبل الفجر وهو عندنا بالوزاره او بالشؤن الطلاب مو متذكره حتي قال اسمه بس نسيته كان اسمه على مااعتقد مقبل وانا مو متذكره وانا اقوله ليش وش يبي فيني وليش يسأل عني واشوف انا بداخلي طرا على بالي شخص قلت اكيد هو احكي بقلبي واقول اكيد فلان يبي يساعدني عشان انجح وانا اقصد شخص اكلمه الحين وعارف مشاكلي وناوي يخطبني

المهم الا اقول للرجال عطني الاوراق ابي احل الاجابات لاني مااعرف الا عطاني واشوف انا قاعده اقلب بالاوراق وادور على الاجوبه اللي فيها اكواد وانا اخذ بعض الاوراق الا على دخلت المراقبه وانا احط بعض الاوراق بصدري واخلي شوي بايدي الا تاخذ اللي بأيدي واشوفها كأنها مزقت اللي انا حاله قبل بالدفتر وتبيني احل من جديد وانا اعصب واقعد اقولها ليش مافيه وقت الحين ينتهي وقت الامتحان عطيني اللي مزقتي لاني نسيت اللي انا كاتبه واشوف قاعده اقولها والله حرام عليكم راح ادعي عليكم ولا راح نسامحكم واشوف فيه بعض البنات كمان يدعون عليها ويقولون الله لايوفقك وجعلك تشوفينه بولدك واشوفها كأنها صارت تصرخ وتقول لا المهم الا انا كأني بستفرغ من القهر واشوف اقعد اقرب داخل زباله القاعه وانا استفرغ واشوف طلعت عشان اغسل الا تقولي وين ممنوع الا طلعت وانا ااشر على فمي انو بغسل وطلعت وغسلت ورجعت واشوف كأنها هجدت وانا كأني بديت احل من اللي معاي

بس هذا اللي انا اتذكره



<P style="MARGIN: 0cm 0cm 0pt" dir=rtl class=MsoNormal>مطلقه وعندي اطفال
[/size]

الحلم التاسع

انا حلمت ان انا معايا ولاد بنت خالتى بنت عندها 3 سنين وولد عنده سنه فى مكان عالى اوى وانا عايزه انزلهم علشان ميقعوش فمسكتهم بايدى وبنزلهم بالراحه خالص لحد مانزلت الولد للارض خالص والبنت نزلتها بس كان فى فرق بين الارض وايدى فوقعت كده قامت طالعالى تانى وقعدت تزعقلى هى صغيره يعنى وقعدت تقولى انتى وقعتينى وانا وهى فى مكان عالى من غير سور وانا خايفه تقع وهى عماله تتحرك وبعدين فى نفس المكان ده كنت شايله ابن خالتى عنده سنتين وبنزل بيه بس من غير سلالم اكنى بنط من حتت عاليه اوى بس فى الاخر نزلته على سرير وقعدت العب معاه وبعدين اكن عيد ميلاد واحده صاحبتى وكلنا متجمعين وبنات كتير اوى وفى اغنيه شغاله ومش فاكره بقية الحلم بس فى الاخر قبل ما اصحى خالص حلمت انى بسرح شعرى وبطلع منه قمل واقتله وكل مره يطلع واحده او اتنين اموتها وصحيت على كده انا خايفه اوى من الحلم ده ياماما ربنا يستر واعوذ بالله

الحلم رقم 17
السلام عليكم حبيبة قلبى ماما نجية
انا حلمت اول امبارح خير يا رب انى فى شغلى فى المدرسة وبعدين لقيت المدير بتاعنا اللى لسة ماشى موجود وفيه شخص صاحب احمد زميلنا اللى بحبه ومقلتلوش
وبعدين لقيت فيه قلبة ودوشة فى المدرسة ولقيت العيال والناس جايبنلى ساعات يد كتير لعيال بس شكلها كان جميل قوى وشيك جدا ورقيقة وبيندهولى عشان اخلص لهم مشكلة
انا حلمى ملخبط شوية بس يعنى هو ده اللى فاكراه حتى فى اخر الحلم وانا خارجة من المكتب بتاعى لقيت احمد اللى بحبه اللى قلتلك عليه واقف كدة قدام المعمل بتاعى ولابس نظارة الشمس بتاعته يعنى هى نظر بس ازازها غامق للشمس وكان واقف بيبصلى وبابتسامته دى بس فيها غرور شوية
ياترى ايه تفسير ده حبيبتى ماما نجية
انا انسة 23 سنة حالتى الدينية اتلحمد لله رب العالمين

الحلم رقم 20

رايت ان زوج خالتي خاطب اختي الي اصغر مني وكان يجينا البيت ع اساس يزورها و يجلسو مع بعض بغرفة لوحدهم

وكاني لمحت زوج خالتي كان لابس شورت ابيض واختي لابسه بيجامه مزركشه بالاحمر ع شكل ورود صغيرة جدا

انتهى

اختي طالبه بالتنوية العامة 17 سنة
زوج خالتي عنده 3 اولاد وطفل توفى من سنة تقريبا وهو رضيع
انا طالبه جامعية عزباء كنت مخطوبة بس فركشت وكنت ع اساس اكتب كتابي قريب ولكن للمرة التانيه لم تتم من نفس العريس

الحلم رقم 22

انا انسه

الجزء الاول

حلمت خير يا رب ان رايحه فرح مع بنت خالى اسمها (هبه) وكانت لابسه لينسز فى عينيها وكنت لسه فى البيت وكنت هاروح بجزمه لونها بنى حبيت امسحها بعد ما مسحتها لقيت فرده من الجزمه بقت لونها برتقالى وواحده بنى زى ما هى استغربت جدا وقولت امسح الفرده البنى علشان تبقى شبه الفرده البرتقالى ومسحتهم اتحولوا الاثنين للون الابيض
وفجاءه ببص فى رجلى لقيتهم اتحولوا لشبشب اسود بصباع

والجزء الثانى من الحلم

شوفت نفسى لابسه فستان اسود ستان ضيق وقصير عند الركبه وصدره مفتوح وكنت مكسوفه وحاطه ايدى على صدرى ميبانش (هو مش مكشوف اوى بس انا كنت مكسوفه امشى بيه فى الشارع كده ) بس كان عاجبنى جدا وكنت حاسه نفسى حلوه فيه

ودخلت عند كوافير انا متعوده اروحه فى الحقيقه قالتلى اعملى صدر الفستان كده وهايبقى احلى وكان عاجبها الفستان