رأيت فى منامى انى وأمى وأختى الكبيره واسمها اسماء وصديقتى ايمان فى المسجد وكان فى المسجد اناس كثيره وكان الشيخ ساجدا يبكى ويدعو لكن لم اعرف مازا يقول ولكن امى نظرت الى انا وايمان وقالت لنا سامعه يافلانه ونادتنى باسمى وسامعه ياايمان الشيخ بيقول انكوا تعتبروا بتجاهدوا فى سبيل الله ونظرت لصديقتى وامى ووضعت يدى على وجهى وبكيت وبعد زلك فى نفس الرؤيا وجدت نفسى مع نفس الاشخاص السابقين نقف على سطح منزلنا وكان يقف تحت منزلنا شخص ظل ينظر لى كأنه يراقبنى وايمان تقول لى شايفاه بيبصلك ازاى والله دا حنين والله حنين وافقى عليه بقى صدقينى وانا نظرت له وجدته كأنه خايف عليا وجلست على حافة السطح((السور)) وظل رافع يده حتى ان لقدر الله وقعت هو يلتقطنى كى لا اقع على الارض وايمان تقول لى شايفه اد ايه حنين مش فلتلك
قلتلها بس دا طالع من بيت واحد جارنا اسمه مصطفى هو زيه ولا ايه قالتلى لا دا اسمه زيه بس لكن مش زيه خالص
((وجارنا دا انسان بصباص كل شويه يتجوز على زوجته هو الان تزوج3 مرات)) على فكره اكتر من مره احلم بالاسم دا مش عارفه ليه مع ان معرفش حد بالاسم دا
المهم قلت لايمان لا استنى شويه لما ادوخه زى ما هو جرحنى ودوخنى معاه لازم ادوخه شويه علشان اوافق عليه وهى تقولى حرام بجد دا حنين المهم انا ابتسمت كأنى وافقت عليه وبعد كده لقيت نفسى فى بيت انا وهو كأننا اتجوزنا وصديقاتى جم بيتنا علشان يباركولى زواجنا وواحده من صديقاتى اسمها رحاب قالتلى مش معقول انتى اتجوزتى مصطفى دا من نفس دفعتنا مش معقول دا مش نفس عمرنا وبعدين فى الحلم لقيت نفسى مش عايزاه بعد ماكنت موافقه بيه وحباه لقيت نفسى متضايقه منه مش عارفه ليه وهو لقيته بيقول فى نفسه انا لازم أوديها لشيخ او شيخ يجى عندنا يقرألنا قرأن علشان شكلنا اتحسدنا
وصحيت من نومى على كده
عارفه ان الحلم دا طويل بس اتمنى الاقى تفسير ليه وجزاكم الله كل الخير
