تفسير احلام الجمعه 18/11/2011مع ماما نجيه باذن الله

اولا كدا نسمى الله
بسم الله الرحمن الرحيم
نبدا بقى النهارده وياريت نلتزم بالترقيم ولكل عضو حلم واحد

الحلم الاول للعضوه ننوسه 1986

حماتى حلمت ان اختها (وهى متوفيه) جايه وقاعده عندها على السرير وبعدين حماتى دخلا عليها وهى مبسوطه وبتقولها شفتى يامنى اللبس بتاعى الجديد وراحت مطلعا من الشفنيره بتاعتها قطعه قماش جديده لونها اخضر وفى وسطها ورده حلوه وقالتلها شفتى فراحت واخداها اختها وحطيتها على رجليها ومبسوطه بيها وبعدين حماتى طلعت بره شافت اختها التانيه طلعا كانها مستحميه (دى عايشه)وبدين اختها المتوفاه دخلت الحمام فراحت حماتى قايلالها اتشطفى كويس عشان ممكن يكون نزل منك نقطه دم عشان الطهاره يامنى اغتسلى كويس فلاقت امها واقفه جمبها وبتضحك

الحلم الثانى للعضوه anosy
انا حلمت ان انا كنت في مكان تقريبا بيتنا القديم
شوفت اني في اوضتي وبنت عمي هي متجوزه الوقتي دخلت الاوضه و قلعت الحذاء بتاعها و بعدين كان كتب كتابي وماما جت الاوضه وقالتلي ان بابا كتب كتابي في المسجد خلاص
فانا اتدايقت لاني انا في نظري الفرح هوه كتب الكتاب
وقعدت اقولها لا مش هتجوز و لو المأذون سألني هقوله مش موافقه و قعدت اقولها مش موافقه و قعدت اعيط عشان كنت عاوزه احضر كتب الكتاب
و بعدين شوفت نفسي لابسه فستان فرح بس بتزف لحد مش حاباه هوه كان يعني اكبر مني بكتير بس مش اوي
وانا ماكنتش حابه الموضوع دا وبعدين شويه شويه ابتديت اقتنع و بعدين حصلت حاجه خلتني انفر جدا من الموضوع
انا اصلا مش مخطوبه
وعني 24 سنه

عضوة عدد المساهمات : 44 تاريخ التسجيل : 06/10/2011

الحلم الثالث

والدتى حلمت انها شافت الرسول عليه الصلاة والسلام

بس كان على هيئة طفل صغير

وكانت فرحانة اوى بيه

الحلم ده كان من فترة قريبة في العشر ايام الاولى من شهر ذى الحجة

الحلم الرابع للعضوة مدام ريري 2012

حلمت خير اللهم خير يارب
ان انا وجوزي عندنا عربيه جميله اوي لونها نبيتي و كنا انا و هو راكبين فيها

بس زي ما يكون كده اني انا اللي اشتريتها

ممكن تفسير

انا عندي ولد

عضوة عدد المساهمات : 111 تاريخ التسجيل : 06/10/2011

الحلم الخااااامس

ربنا يكرمك بجد ويباركلك ياااااااااااااااااارب
عندى حلم اتمنى من حضرتك تفسريهولى بالله عليكى

حلمت ان ابن عمتى جه عندنا وشكله مكسوف وندمان ولما شاف اختى الصغيرة قالها ايه ده انتى اتخطبتى؟؟؟؟
قالتله لا....
فأنا قلت جوايا هو عشان ماشافهاش بقاله كتير واختى دلوقتى بقت انسة يعنى ودخلت الكلية وبقت تهتم بنفسها ..
وكان جايب معاه دقيق وكيسة تانية فيها يازيتون او ليمون مقطع وعايز يدخلهم لماما المطبخ.....
وانا جوايا ان انا رحتله قبل كده هو ومراته ملقتهمش وعرفت انهم فر فرح فى كفر الشيخ

مع العلم ان ابن عمتى ومراته دول اتكلموا عليا كتيييييييير فى سمعتى وشرفى واحنا حاليا مش بنكلمهم اصلا..

طمنينى ربنا يطمن قلبك

عضوة عدد المساهمات : 63 تاريخ التسجيل : 29/09/2011

[size=29][/sizeالحلم السادس
السلام عليكم ورحمة الله وبركاته
اولا اعذرونى انا كل مااجى اكبر الخط يجيلى انجليزى ومش بينفع يكبر معلشى انا مطره اكتب وياريت مش تكسفينى ياماما نجيه
انا شفت يومين ورا بعض فى المنام انى باصلى اول يوم كنت باصلى واتخيل وان باصلى بثعبان وبعد كده وانا سجده قطه سمره بتحاول نعضنا من ايدى وهى على ظهرى وانا باحاول ابعدها بسى بحذر على شان ماخرجش من الصلاه
تانى يوم حلمت ان خلتى قالت تعالى صلى بينا العشاء علشان تدعى واحنا نامن وراكى ففعلنا نويت وقراءت الفاتحه فبدؤاللى بيصلو معايا يفعلو افعال مخالفه للصلاه ويرجعو يكملو عادى وانا مستغربه وانا باصلى وبعد كده خلصت صله ودعيت بس وانا واقفه عكس القبله وبنت خالتى واقفه صح ودعيت وقلت اللهم صلى على سيدنا محمد فى الاولين والاخرين وكملت الادعيه وبعدين بنت خلتى قالتلى انتى ليه مش قالتى الدعاء فانا قلتلها قاصدك اللهم اهدنا فيمن هديت قالتله لو كنت صبرتى كنت سمعتيه مع العلم ان خالتى خرجت من الصلاه معلشى ياريت ياماما تعرفينى ازاى اكبر الخط معلش تعباكى

عضوة عدد المساهمات : 81 تاريخ التسجيل : 07/09/2011

الحلم السابع

حلمت خير اللهم اجعله خير بعد مصليت الفجر كده

ان جارتنا (منال) حاطه دهب بتبيعه علي السلم دهب صيني وماما (امال) راحت تشوف ممسكت غويشه وقاستها كانت كبيره بس مخدتهاش قستها بس ودخلت تقولي قولتلها انا عايزه اشتري اتنين منها علي الدهب بتاعتي وابقي البسهم في الخروج بس

بس في الحلم لا اشتريت ولا قست ولا اي حاجه وانا في الحقيقه عندي واحده دهب

انسه22سنه

ملتزمه الحمدلله

كنت بستغفر وبصلي علي النبي قبل ما انام

جزاكي الله كل خير ياماما ويتمم لساره علي الف خير[/size]

الحلم الثامن

السلام عليكم ورحمة الله وبركاته

انا حلمت بأنى اجلس ف غرفة الضيوف ف البيت وكنت انيقه ومسرحه شعرى وكان جميل وطويل ويوجد ف الغرفه شباك يطل ع الشارع الذى نسكن فيه فوجدت 5 رجال او اكثر من لبنان ف الخارج فنظرت عليهم من الشباك فشافونى انا وانظر اليهم وبعد كده لقيتهم معايا ف الغرفه معرفش ازاى دخلو وواحد منهم فضل يقولى شو هالشعر الجميل انتى جميله حقا والاخر يقول له عجبتك وانا كنت مكسوفه وبعد كده خرجتهم عشان محدش يشوفهم من اخواتى او ماما وخلص الحلم

~~~~~~~

شكرا جزيلا

عضوة عدد المساهمات : 916 تاريخ التسجيل : 17/07/2011

الحلم التاسع
ماما انا قومت من النوم على حلم قصير شوية حلمت ان قال ايه احنا فى اسكندرية وكنا مسافرين منها وسايبنها وكنت لابسة فى رجلى جزمة بنى قديمة عندى اصلا وتكاد تكون مقطعة وفيها عيوب فلقيت فى الدولاب جزمة سوده بكعب شبه الللى فى رجلى بالظبط بس لونها اسود وجديدة وقال ايه الجزمة دى عندى من زماااااااااان وكنت اشتريتها مع الجزمة البنى دى بس مكنتش لبستها خالص واحتفظت بيها فى دولابى وبعدين فعلا لبستها ولبست عليها شراب اسود فيه دانتيل و ورود وكان قصير كده يدوب على قد الرجل بس كان جميل وشيك كده شبه بتاع السهرات والسواريهات بس كنت خايفة البسه فى الاول عشان كان عندى من فترة وجديد وملبستوش خالص فكنت خايفة يعور رجلى وكنت همشى بالبنى بس قلت لاء هلبس السوده بس مكنتش متأكده اذا كانت هتليق على كل اللبس اللى واخداه معايا فى الشنطة فقولت هوه اينعم البنى بيليقعلى كل حاجة بس السودة هتليق برده لان الاسود بيمشى مع كله بس هيبقى ظاهر قوى فى رجلى وواضح
على فكرة احمد اللى محصلش معاه نصيب كان من اسكندرية وموضوعه خلاص خلص وباظ على الاخر وهوه اللى بوظه بعمايله دى اما بقا موضوع بسيونى فبدعى ربنا ان يقدم فيه الخير لانه قرب اووووى ييجى واشوفه ربنا يسهل ياااااااااارب وعلى فكرة هوه واحمد تقريبا بيشتغلوا نفس الشغل والتخصص وبرده بسيونى مش من نفس بلدى ...بس عايزة اعرف تفسير انى اخاف البسها وهى جديدة عشان مش اتعور ؟؟ مع ان فيه ناس تشوف انها بتلبس جزم على طول من غير تفكر فى الكلام ده اثناء الحلم ...ربنا يسهل

عضوة عدد المساهمات : 108 تاريخ التسجيل : 23/09/2011

الحلم العاشر

حلمت ان انا زى فى سوق وفى راجل لابس ملابس قديمة كده ولونها رمادى ووقاعد قدامى وده هو السيطان فى الحلم رحت قيلاله قدام الناس اللى قاعدين انا مش خايفة منك تانا قوتى بالله وساعتها حسيت انى قوية جدا وراح بصصلى الراجل ده وعنيه اتغيرت بقى لونها اصفر قالى اننا حنحارب بعض لمدة 6 شهور وبعدين اخدت ماما نينا عشان اهربهم وميعرفش مكانهم عشان احاربه من غير مايضغط عليا وبقى يبعت ورايا ناس عشان يلاقوا المكان اللى انا مخبايهم فيه وانا بتوهم ومنهم راتجل كده شكله وسيم وانا توهته بردوا ولقيت الشيطان بيقتل ناس كان جايبهم عان يدوروا عليا منهم بنات ورجالة وبعدين رحت الشقة اللى فيها ماما ونينا فيها فلقيت كمان معاهم خالتى وكانت الدنيا نهار وكان فى نور داخل الاوضة اللى قاعدين فيها وان اعوان الشيطان جاين يموتونا فرحت جايبة 3 سكاكين من المطبخ خدت واحدة وعطيت خالاتى الاتنين التانين ففتح الباب ولقيت اعوان الشيطان واحد معرفهوش بس هو فى الحلم ابن خالتى ومعاه عمر ابن خالتى فاانا قولتله كده ياعمر تبعناا وتقول للشيطامن على مكنا وواحنا بنهرب منهم لقينا نفسنا فى سوق وابن خالتى اللى معرفهوش لقا قميص وجرفته مربوطة بطريقة معينة مامته هى اللى بتربطها كده فتاب وبعد عن الشيطان

انا 25 عزباء متوسطة التدين

ماما ارملة 57 متوسطة التدين

نينا متوفية

عمر ابن خالتى هو فى ثانوية عامة و متوسط التدين

انا وانا ناية كنت بحس بنفضة غريبة فلما قمت صليت الفجر ونمت شغلت جنبى سورة البقرة ورحت حالمة بالحلم ده

الحلم الحادى عشر
الحلم ده من فترة طويلة بسى محتاجة اعرف تفسيره

حلمت انى بتجوز هانى ابن عمتى وكان يوم الدخلة وهانى كان بيشدنى من ايدى عشان ندخل الشقة فانا دعيت ربنا انى يقف معايا فى اليوم ده
هانى ماكانشى متجوز بسى دلوقتى متجوز
انا انسة وعلى قدلر من التدين

الحلم رقم 12

ماما نجيه ازيك وحشانى

انا شيماء ام جنى بس نسيت الباسورد بتاعى فدخلت من عند اختى

اخت جوزى شافت رؤيا وكانت عايزه تعرف تنفسيرها

شافت ان انا وجوزى كنا رايحين محل دهب فقالتلى هاتيلى معاكى سلسه دهب (بدل اللى هى لابساها) وانا رحت المحل وجبتلها مصحف دهب هو ورق وكل حاجه بس اطرافه دهب وقلتلها انا جبتهولك ب 100الف جنيه فاتخانقت معايا وقالتلى انا قلتلك انا عايزه سلسه مش مصحف انا كنت فى السعوديه واشتريت مصحفين واحد بالف جنيه والتانى ب .. قلتلها لا انتى قلتى مصحف قالتلى لا انا قلت سلسله وشهدت اخوها عليا وبعدين قالتلى اومال فين الختم فانا ورتها ان فى ختم وانه دهب فعلا

فانا اتضايقت وسيبتها ومشيت فقالت هى لجوزوى مش انا قلتلها انا عايزه سلسله ؟هعمل ايه انا بالمصحف دلوقتى وانا عندى مصاحف ولو وديته الجامع هيتسرق ولو بعته مش هيجيب تمنه
وراحت فاتحاه ليوسف وورتله ان الورق بتاعه زى مايكون كان مبلول ونشف..

وشافت حلم تانى صغير انها راكبه خيل لونه اسود قاتح تقريبا واخوها بيقولها شدى اللجام عليه شويه عشان يمشى فقالتله لا ده طيب وخالها قالها ده ب 11 الف جنيه(مش فاكره بالضبط كان يقصد لو اتباع يجيب 11 الف ولا ده تمنه)

طبعا هى ملتزمه الحمد لله ومطلقه

الحلم 13

السلام عليكم ياماما نجيه انا عندى 3 احلام صغيره لاختى مش ليا

اولا اختى شافت انهم هدو المقابر بتاعتهم هما بتاعت اهل جوزها يعنى بتتهد هيا ومقابر وراها وبيتبنى مكانها حاجه تانيه بس مش فاكره ايه هيا

الحلم الثانى شافت انها كانت واقفه فى محل حلويات كتير وجميله وعماله تشاور على الحلويات وتقريبا اكلت منها وبتقول شكلها جميل جدا

الحلم الثالث لعمت اختى اخت جوزها يعنى هيا انسه بس داخله على مشورع خطوبه الايام دى تقريبا يعنى اتخطبت شافت فى الحلم عنب وتين كتير اوى

اختى متزوجه وعندها ولد والحاله الدينيه بتقول انها بقت متوسطه من يوم مولدت لان ابنها صغير واديما بيعيط مبتعرفش تصلىبتانى وخشوع كدا بس بتصلى

اخت جوزها بقى انسه وداخله على مرحله خطوبه بس بصراحه بنت كويسه والحاله الدينيه كويسه

الحلم 14 للعضوه احلام جميله

السلام عليكم ورحمة الله وبركاته ارجو منك ماما نجية تفسير الحلم سريعا الله يخليكى فى البداية هو كان فيه كذا حد يعنى اتنين كانوا عايزين يخطبونى وكان ده قبل
ما اشوف احمد بشهر وحاجة بس انا يعنى مابين اه ولا بس مش حاسة بحاجة من
ناحية اى حد فيهم خالص المهم امى فى الوقت ده حلمت ان فيه قصادها قفصين بس
حد جيه وركن القفصين دول وقالها لا خدى ده فامى بصت فى القفص لقت مكتوب
جواه محمود او احمد مش فاكرة بس انا لما دورت فى التفسير لقيت ان كلمة
محمود معناها شخص هتتزوجيه وسيرته محمودة بين الناس وطبعا ده فى القفص
التالت وبعدها بشهر وشوية شوفت احمد واتعلقت بيه من غير اى حاجة ولقيت نفسى
بدعى ربنا يكتبه ليه من قبل حتى ما احس بحب جواية رغم انى مكنتش اعرفه قوى
وانا بدعى لحد دلوقتى ربنا يكتب احمد لية
تفتكروا ايه التفسير فى ده

عضوة عدد المساهمات : 114 تاريخ التسجيل : 25/09/2011

الحلم 15 عشر
رايت يا ماما نجية اليوم صباحا حلما كالتالي رايت كانني في مطار به عدة غرف وكنت مع اناس يفترض انني اعرفهم وكانت رفقتهم جد مسلية وانتبهت انني لدي اثار من قرصة ناموسة 5 قرصات و كان التفاعل كبير جدا اد كنت ممرة في مناطق الفقرصة على فخداي الاثنان وكنت اكسب بهم تعاطف شخص لم لم اكن احس بالام وكنت اتجول اد رايت جهة خاصة بالعملاقين رجال طوال جدا وكان مغترب يقيم في فرنسا وكنت اتحدث معه بالفرنسية وقال لي سوف ابعث لكي واحمل لكي اغنية رناتي على جهازك المحمول مجانا فقبلت ووصلتني رسالة على جهازي يقول لي فيه بمناسبة هدية عيد ميلادك فتعجبت وقلت ليس بعد المهم بدا يبعث لي واخترت اغنية الشاب انور كان في بالي وكان في رصيدي مبلغ 50 دينار فخفت ان يتحايل علي او ان يكلف التحويل مالا من رصيدي فالغيت الامر وبقيت اتجول فيه فدخلت غرفة خاصة بالنساء وجلست بجانب احداهن امراة جميلة جدا ايضا تعيش في فرنسا كانت ترضع ابنتها صغيرة اجمل منها وتعجبت من جمالها بقيت احدق في لون عيونها اخضر غامق به بريق لم ار لحدالان لون مثل تلك العيون مثل امها شعرها اصفر فقلت ماشاء الله وانتبهت ان ابنتها اسنانها كاملة النضوج كي الفك العلوي والفك السفلي فتعجبت وانتهى الحلم استيقظت انا فتاة عزباء ادرس في لجامعة

عضوة عدد المساهمات : 174 تاريخ التسجيل : 29/09/2011

الحلم السادس عشر
السلام عليكم حلمت انى ولدى المتوفى انا عندة فى البيت وبيقولى كلام زي الى عايز يحاسبنى على حاجة وانا رديت وقالتلة بلاش نفتح فالى فات انكان عندك كلام عايز تقولة قولة وخلاص وان كنت مضايقة منة وبعدين الموقف اتنقل انى فى المطبخ واقفة على الحوض وفية جنب الحوض شباك وانا ماسكة فية بيدى لقيت حتة من الحيطة الى ماسك فيها الشباك بتقع وانا وقعت على الارض وجسمى كلة اتخشب فى بعدة ووالدتى المتوفية جت تحضنى وانا عمالة ققول اعوذ بالله من الشيطان الرجيم ووالدى جايب زجاجة ماء وعمال يرش علينا ماء وكان بيتكلم بس انا مش فاكرة الى قالو وانا بردو عمالة ققول اعوذ باللة من الشيطان الرجيم وصحيت وانا جسمى بيوجعنى

وكنت عايزة استفسر عن حاجة هو انا كنت حلمت حلم طويل شوية بس كنت عايزة اعرف هو لما واحدة قابلتنى وسلمت علية وباستنى وبعدين كل شوية تيجى تبسنى كتير لدرجة انى ببقى مضيقة من كتر البوس هل دة معناة الفراق فى اى حلم ولا مشرط
وجزاكى اللة كل خير

عضوة عدد المساهمات : 63 تاريخ التسجيل : 07/09/2011

الحلم العاشر
السلام عليكم ورحمة الله وبركاته

أنا فى الحقيقة بربى حمام وبيكون لكل زوج صفيحة أو كرتونة وكل زوج لما بيبيض بيبيض بيضتين وفى الحلم حلمت إنه أنا ببص فى كل صفيحة وفى كل كرتونة وألاقى 4 بيضات أو 3 مع إنى المفروض فى الواقع إن الزوج بيبيض بيضتين لكن انا لقيت فى معظم الصايح أو كلها مش فاكرة كل صفيحة فيها بيضتبت للحمام وبيضة كبيرة شبه بتاع الفراخ أو بيضتين شبه بتوع الفراخ أو 3 بيضات للحمام وبيضة للفراخ أو 3 بيضات بس للفراخ مش فاكرة بالضبط لكن كان فى معظم الصفايح او كلها بيض من الحمام عل بيض فراخ

حالتى الدينية الحمد لله كويسة والإجتماعية أعزب والنفسية الحمد لله

الحمد لله كتب:: الحلم الثانى للعضوه anosy
انا حلمت ان انا كنت في مكان تقريبا بيتنا القديم
شوفت اني في اوضتي وبنت عمي هي متجوزه الوقتي دخلت الاوضه و قلعت الحذاء بتاعها و بعدين كان كتب كتابي وماما جت الاوضه وقالتلي ان بابا كتب كتابي في المسجد خلاص
فانا اتدايقت لاني انا في نظري الفرح هوه كتب الكتاب
وقعدت اقولها لا مش هتجوز و لو المأذون سألني هقوله مش موافقه و قعدت اقولها مش موافقه و قعدت اعيط عشان كنت عاوزه احضر كتب الكتاب
و بعدين شوفت نفسي لابسه فستان فرح بس بتزف لحد مش حاباه هوه كان يعني اكبر مني بكتير بس مش اوي
وانا ماكنتش حابه الموضوع دا وبعدين شويه شويه ابتديت اقتنع و بعدين حصلت حاجه خلتني انفر جدا من الموضوع
انا اصلا مش مخطوبه
وعني 24 سنه

حبيبتى اولا بنت عمتك مختلفة مع زوجها وربنا يصلح حالها اما انت سوف تخطبى لعريس انت تعرفيه كويس وهيكون باذن الله صغير فى السن وهتقتنعى به وربنا يستر ومتغيريش رايك والله يسعدك

الحمد لله كتب:: الحلم الاول للعضوه ننوسه 1986
حماتى حلمت ان اختها (وهى متوفيه) جايه وقاعده عندها على السرير وبعدين حماتى دخلا عليها وهى مبسوطه وبتقولها شفتى يامنى اللبس بتاعى الجديد وراحت مطلعا من الشفنيره بتاعتها قطعه قماش جديده لونها اخضر وفى وسطها ورده حلوه وقالتلها شفتى فراحت واخداها اختها وحطيتها على رجليها ومبسوطه بيها وبعدين حماتى طلعت بره شافت اختها التانيه طلعا كانها مستحميه (دى عايشه)وبدين اختها المتوفاه دخلت الحمام فراحت حماتى قايلالها اتشطفى كويس عشان ممكن يكون نزل منك نقطه دم عشان الطهاره يامنى اغتسلى كويس فلاقت امها واقفه جمبها وبتضحك

حبيبتى حماتك مستورة باذن الله وفيه امنية لها سوف تتحقق باذن الله واختها المتوافاة فى درجة حلوة باذن الله اما اختها الثانية الحمد الله طاهرة وقريبة من الله والله يرحم المتوفاه

17
اولا هقول الاشخاص اللي في الحلم اخوي طالب ثانوي_جارتنا قد اخوي_اخوها _خالها شاب_دول اللي في الحلم في الحقيقة جارتنا دي مش بتتكلم مع حد واخوي كان ناوي يرزل عليها في الحقيقة بس كان بيهزر
الحلم بقي
حملت ان اخوي ضايق جارتنا رزل عليها يعني وراحت اشتكت لخالها وبعدين خالها زعئ لاخوي فكنا في مدرسة فأنا قولت لاخوها اخوي بيكلمها عادي كأصدقاء مش اكتر يعني مفيش حاجة فلما عرفت ان خالها زعئ لمحمد اخوي اتضايقت منه جدا فقررت ان ارحله علشان اعرف ازاي يقدر يزعئ لاخوي وكنت كأني طالعة اخر دور في المدرسة علشان هوه قاعد في الدور ده قولت لابن خالي تعالي معايا بعدين قولتله بلاش انا هروح لوحدي وكنت خايفة
وانتهي الحلم علي ذلك

18
انا اسفة بس حلم صغير
حلمت اني انا وماما واختي الصغيرة راكبين ميكروباص هوه المفروض يوديني المعهد فنزلني في مكان للبس(المكان ده في الحقيقة بيشتروا منه لبس العرايس وجهازهم)فقولت لماما ايه رأيك ننزل هنا النهاردة نشتري لبس ليا وبعدسن شفنا طقم لاختي الصغيرة ونه احمر وقررنا ان احنا ناخده
وانتهي علي ذلك

cindrella كتب:: الحلم الثالث

والدتى حلمت انها شافت الرسول عليه الصلاة والسلام

بس كان على هيئة طفل صغير

وكانت فرحانة اوى بيه

الحلم ده كان من فترة قريبة في العشر ايام الاولى من شهر ذى الحجة

حبيبتى من راى الر سول عليه الصلاة والسلام فى الرؤيا فقد راه حقا فلا يتمثل به شيطان ومن راه لم يمس جسمه النار ومن راه بارك الله له عليه اطيب الصلاة والسلام

أملي فـ الله كتب:: الحلم الرابع للعضوة مدام ريري 2012

حلمت خير اللهم خير يارب
ان انا وجوزي عندنا عربيه جميله اوي لونها نبيتي و كنا انا و هو راكبين فيها

بس زي ما يكون كده اني انا اللي اشتريتها

ممكن تفسير

انا عندي ولد

حبيبتى ان شاء الله انت وزجك فى مركب واحد والحياة تسير بكم على ما يرام ومتنعاونين ومتفاهمين والله يسعدكم ويسترها معكم

الوردة الصامتة كتب:: الحلم الخااااامس

ربنا يكرمك بجد ويباركلك ياااااااااااااااااارب
عندى حلم اتمنى من حضرتك تفسريهولى بالله عليكى

حلمت ان ابن عمتى جه عندنا وشكله مكسوف وندمان ولما شاف اختى الصغيرة قالها ايه ده انتى اتخطبتى؟؟؟؟
قالتله لا....
فأنا قلت جوايا هو عشان ماشافهاش بقاله كتير واختى دلوقتى بقت انسة يعنى ودخلت الكلية وبقت تهتم بنفسها ..
وكان جايب معاه دقيق وكيسة تانية فيها يازيتون او ليمون مقطع وعايز يدخلهم لماما المطبخ.....
وانا جوايا ان انا رحتله قبل كده هو ومراته ملقتهمش وعرفت انهم فر فرح فى كفر الشيخ

مع العلم ان ابن عمتى ومراته دول اتكلموا عليا كتيييييييير فى سمعتى وشرفى واحنا حاليا مش بنكلمهم اصلا..

طمنينى ربنا يطمن قلبك

حبيبتى ابن عمتك فى ديقة يعنى فى ازمة وبيلوم نفسه على ما حدث منه اما انتم ان شاء الله ربنا هيفتحها عليكم باذن وهيسهل طريقكم وهيعوضك خيرا ان شاء الله

شهد عز كتب:: [size=29][/sizeالحلم السادس
السلام عليكم ورحمة الله وبركاته
اولا اعذرونى انا كل مااجى اكبر الخط يجيلى انجليزى ومش بينفع يكبر معلشى انا مطره اكتب وياريت مش تكسفينى ياماما نجيه
انا شفت يومين ورا بعض فى المنام انى باصلى اول يوم كنت باصلى واتخيل وان باصلى بثعبان وبعد كده وانا سجده قطه سمره بتحاول نعضنا من ايدى وهى على ظهرى وانا باحاول ابعدها بسى بحذر على شان ماخرجش من الصلاه
تانى يوم حلمت ان خلتى قالت تعالى صلى بينا العشاء علشان تدعى واحنا نامن وراكى ففعلنا نويت وقراءت الفاتحه فبدؤاللى بيصلو معايا يفعلو افعال مخالفه للصلاه ويرجعو يكملو عادى وانا مستغربه وانا باصلى وبعد كده خلصت صله ودعيت بس وانا واقفه عكس القبله وبنت خالتى واقفه صح ودعيت وقلت اللهم صلى على سيدنا محمد فى الاولين والاخرين وكملت الادعيه وبعدين بنت خلتى قالتلى انتى ليه مش قالتى الدعاء فانا قلتلها قاصدك اللهم اهدنا فيمن هديت قالتله لو كنت صبرتى كنت سمعتيه مع العلم ان خالتى خرجت من الصلاه معلشى ياريت ياماما تعرفينى ازاى اكبر الخط معلش تعباكى

حبيبتى بالنسبة لتكبير الخط ممكن تسالى احد من المشرفين اما تفسير رؤيتك حبيبتى فيه شئ انت فهماه خطا وان شاء الله هتصححه اما عليك بتشغيل سورة البقرة يوميا فى حجرتك وقبل نومك توضئ واقرئى الفاتحة ثم ايه الكرسى ثم الاخلاص ثم المعوزتين وعند الصباح اقرئ نفس ذلك وان شاء الله هتكونى بخير

بحب مامه اووي كتب:: الحلم السابع

حلمت خير اللهم اجعله خير بعد مصليت الفجر كده

ان جارتنا (منال) حاطه دهب بتبيعه علي السلم دهب صيني وماما (امال) راحت تشوف ممسكت غويشه وقاستها كانت كبيره بس مخدتهاش قستها بس ودخلت تقولي قولتلها انا عايزه اشتري اتنين منها علي الدهب بتاعتي وابقي البسهم في الخروج بس

بس في الحلم لا اشتريت ولا قست ولا اي حاجه وانا في الحقيقه عندي واحده دهب

انسه22سنه

ملتزمه الحمدلله

كنت بستغفر وبصلي علي النبي قبل ما انام

جزاكي الله كل خير ياماما ويتمم لساره علي الف خير[/size]

حبيبتى ان شاء الله فيه امل لك سوف تنوليه باذن الله والله يسعدك

♥براءة عشق♥ كتب:: الحلم الثامن

السلام عليكم ورحمة الله وبركاته

انا حلمت بأنى اجلس ف غرفة الضيوف ف البيت وكنت انيقه ومسرحه شعرى وكان جميل وطويل ويوجد ف الغرفه شباك يطل ع الشارع الذى نسكن فيه فوجدت 5 رجال او اكثر من لبنان ف الخارج فنظرت عليهم من الشباك فشافونى انا وانظر اليهم وبعد كده لقيتهم معايا ف الغرفه معرفش ازاى دخلو وواحد منهم فضل يقولى شو هالشعر الجميل انتى جميله حقا والاخر يقول له عجبتك وانا كنت مكسوفه وبعد كده خرجتهم عشان محدش يشوفهم من اخواتى او ماما وخلص الحلم

~~~~~~~

شكرا جزيلا

حبيبتى ان شاء الله فيه بشرى لك بعريس ويحبك كثيرا ويعجب بك ولكت هيكون من منطقة بعيدة شوية والله يسعدك

ايناس انوسه كتب:: الحلم التاسع
ماما انا قومت من النوم على حلم قصير شوية حلمت ان قال ايه احنا فى اسكندرية وكنا مسافرين منها وسايبنها وكنت لابسة فى رجلى جزمة بنى قديمة عندى اصلا وتكاد تكون مقطعة وفيها عيوب فلقيت فى الدولاب جزمة سوده بكعب شبه الللى فى رجلى بالظبط بس لونها اسود وجديدة وقال ايه الجزمة دى عندى من زماااااااااان وكنت اشتريتها مع الجزمة البنى دى بس مكنتش لبستها خالص واحتفظت بيها فى دولابى وبعدين فعلا لبستها ولبست عليها شراب اسود فيه دانتيل و ورود وكان قصير كده يدوب على قد الرجل بس كان جميل وشيك كده شبه بتاع السهرات والسواريهات بس كنت خايفة البسه فى الاول عشان كان عندى من فترة وجديد وملبستوش خالص فكنت خايفة يعور رجلى وكنت همشى بالبنى بس قلت لاء هلبس السوده بس مكنتش متأكده اذا كانت هتليق على كل اللبس اللى واخداه معايا فى الشنطة فقولت هوه اينعم البنى بيليقعلى كل حاجة بس السودة هتليق برده لان الاسود بيمشى مع كله بس هيبقى ظاهر قوى فى رجلى وواضح
على فكرة احمد اللى محصلش معاه نصيب كان من اسكندرية وموضوعه خلاص خلص وباظ على الاخر وهوه اللى بوظه بعمايله دى اما بقا موضوع بسيونى فبدعى ربنا ان يقدم فيه الخير لانه قرب اووووى ييجى واشوفه ربنا يسهل ياااااااااارب وعلى فكرة هوه واحمد تقريبا بيشتغلوا نفس الشغل والتخصص وبرده بسيونى مش من نفس بلدى ...بس عايزة اعرف تفسير انى اخاف البسها وهى جديدة عشان مش اتعور ؟؟ مع ان فيه ناس تشوف انها بتلبس جزم على طول من غير تفكر فى الكلام ده اثناء الحلم ...ربنا يسهل

حبيبتى طبعا موضوع احمد باظ وهو الجزمة البنى اما الجزمة السوداء فترمز لبسيونى وان شاء الله ربنا يسهل وتلبسيها على طويل علشان الموضوع يتم باذن الله اما انت خايفة لتعور رجلك معناه انك خايفة من الموضوع ولكن ان شاء الله ربنا هيسهل ويمشى باذن الله

ماما نجية انا عايزاكي ضروري

معلش هابعتلك رسالة على الخاص ممكن تشوفيها ؟

19

أختى ياماما نجية حلمت بأمى الله يرحمها
بإنها كانت خارجة مع أخويا وبعدين وقعت ورجليها إتكسرت
وكمان أمى إتعورت جامد وراحت المستشفى
وإحنا روحنا ليها كلنا وكان فى حالة حزن شديدة جدا
والناس كانت بتزورها
وإحنا زعلانين عليها أوى
ربنا يكرمك يارب

» تفسير احلام الثلاثاء 22/11/2011مع ماما نجيه باذن الله
» تفسير احلام السبت 19/11/2011مع ماما نجيه ان شاء الله
» تفسير احلام الجمعه 22/3/2013 باذن الله
» تفسير احلام الجمعه 13\12\2013 باذن الله
» تفسير احلام الجمعه 28\3\2014 باذن الله