ازيك يا ماما نجية عاملة ايه حبيبتى؟؟
اتمنى تكونى فى احسن حال
ربنا يكرمك من وسع ويرزقك كل ماتتمنى عاجلا غير اجلا يارب
ويباركلك فى كل اللى بتحبيهم اللهم اميييييييين
انا حلمت الحلم ده من يومين بالله عليكى طمنينى معناه ايه:
حلمت
انى فى يوم فرحى على خطيبى السابق ومكنتش مستعدة خالص بس لبست الفستان
الابيض وهو كان لابس بدلة سوداء وقميص ابيض تحتها بس مكونتش حطا ميكب كويس
ودخلنا القاعة وانا كأنى شايفة نفسى من ورا (يعنى كأن فيه نسخة تانية منى
بنفس الفستان والشكل وكل حاجة بس كنت حطه ميكب حلو اوىىىىىىىى فناديت على
خطيبى السابق فساب (انا التانية)وجالى و(انا التانية) مشت ودخلنا القاعة
وقعدنا .. وجه وقت كتب الكتاب وكان اللى بيكتب الكتاب الشيخ محمد حسان
ووكيل خطيبى مش عارفة مين ووكيلى انا كان عمى مصطفى وبعدين راح عمى مسك
بطاقته كده وقال ( مش هينفع اشهد عشان بطاقتى مهلهلة ) فانا روحت لعمى
الكبير محمد قالى: انا بطاقتى ضايعة..
فانا بصيت له بعتاب وقلت جوايا : انتم ليه بتعملوا معايا كده..
فلقيت
واحدة جارتنا اسمها طنط زينب وصاحبة ماما قالت : أنا هاشهد فروحت قلتلها :
طب مش المفروض يبقى معاكى ست تانية يعنى رجل وامرأتانى؟؟
فالشيخ محمد
حسان قال : لأ سنفع تشهد وان ده كان رأى الامام ابن مالك (او المالكى) وانا
بقول (اللى هو الشيخ محمد حسان) : ان طالما ابن مالك قال حاجة ولو الموجود
او المتعارف ضدها فالكذب لله (استغفر الله العظيم)
وجوايا قلت استغفر الله العظيم
بس وقمت من النوم
مع
العلم انى قبل مانام كنت بفكر فى الاتى: ان فيه فرح كمان شهرين تقريبا
هيبقى فيه خطيبى السابق واهله وكان نفسى ابقى مخطوبة بصراحة عشان اغيظهم..
ومن
فترة كبيرة جدااااااااااا من حوالى سنة وشوية واحدة صاحبتى قالتلى انها
حلمت ان الرسول عليه الصلاة والسلام كتب كتابها هى وخطيبها وهى اتجوزت من 4
شهور تقريبا فانا ساعتها اتمنين انى كنت احلم بالرسول عليه الصلاة والسلام
بيكتب كتابى انا وهو عشان اطمن.. بس مكنتش بفكر كده طبعا قبل مانام..
مكنتش بفكر فى الشيخ محمد حسان وبقالى شهور ماسمعتهوش (انا مش متعودة اسمعله باستمرار)
مكنتش اكيد بفكر فى ابن مالك او المالكى
مكنتش بفكر فى عمامى ولا طنط زينب نهائى
لما
صحيت وافتكرت الجملة اللى قالها الشيخ محمد حسان فى الاخر عن المالكى او
ابن مالك انه مبيغلطش فى احكامه وفتاواه : افتكرت حاجة ك ان فيه مقولة مش
عارفة مين بيقولها ان : لايفتى وابن مالك فى المدينة
من كتر علمه يعنى
على
فكرة عمامى دايما بحس انهم مش بيقفوا معايا أبدا وبيختاروا الشيف سايد زى
مابيقولوا يعنى مبدأهم ماليش دعوة عشان مايدخلوش فى مشاكل مع ماما
وطنط زينب دايما واقفة معايا فى كل مشاكلى ووقت الشدة بلاقيها جمبى علطول هى وبنتها
الله يباركلك يارب العالمين
