السلام عليكم ورحمة الله وبركاتة
اسأل الله العلى القدير ان يسعدك فى الدنيا ويجعلك من رفقاء الرسول صلى الله علية وسلم فى الجنة
دى رؤيا شفتها بعد الفجر
شفت نفسى ماشية فى شارع ولاحظت بيت على شمالى مفتوح مشفتش لية باب وكان فى اول البيت شجر تفاح مثل العشب وعلية تفاح اصفر وحد اعطانى تفاحة لونها طبيعى احمر على خفيف اكلتها انا وحد تقريبا بنتى الكبيرة (عندها 14 سنة)وكان طعم التفاحة حلو مسكر اكتر من التفاح اللى نعرفة وقلت لها اية رأيك طعمها حلو وكانت هى كمان عاجبها الطعم وبصيت فى اول البيت لقيت التفاح الاصفر على شجرتة اللى مثل العشب قلت لنفسى لأ انا عايزة تفاح مثل اللى اكلتة لأنى دقتوة و طعمة حلو وكنت عايزة ادخل البيت اشترى تفاح ولقيت عند باب البيت من الخارج فى الشارع يعنى ناس كتير جايين ياخدو برضة وكأنهم مش طايقين بعض وشفت واحدة معهم قاعدة ومربعة على الارض بتتشاجر مع بنتها الصغيرة اللى على حجرها بسبب انها مضايقة من عدم الانتظام وانتظرت لغاية الامور ما تهدى وياخدو ويمشو وانا بنتظر شفت سكينة فى ايد واحد قاعد على كرسى كأنها بتعتى وانا انشغلت عنها وسبتها معاهم وجيت اخدها منة اعطانى
معهاسكينة اخرى تشبهها فبصيت فيهم كويس عشان اخد سكينتى واترك الاخرى وعرفت السكينة اللى مش بتعتى بأن عليها معدن ذهبى فتركتها واخدت سكينتى وبصيت عند باب البيت وكانت الناس مش موجودة خلاص ودخلت البيت وكان جميل لبساطتة وارضيتة كانت رمل متماسك ورجلى مش بتغوص فية وكان واحد واقف على يمينى وبيصلى ووقفت عن المشى لانى لو مشيت ح مش امامة وهو بيصلى وانتظرت وجانى واحد تانى من اودة على يمينى وسألنى عن طلبى قلت لة اتنين كيلو تفاح واعطيت لة تمنهم وكان بيتأكد منى عن الكمية اللى عايزاها وقلت لنفسى اية هو اللى طلبتة قليل لكن مغيرتش اتفاقى معاة لكن التفاح كان بالحجز يعنى خد الفلوس وح يبقى يجيب التفاح بعد كدة...وكان لبس الرجالة الاتنين اللى جوا البيت زى لبس العثمانيين زمان يعنى جلباب وفوقة مثل البالطو الطويل وعلى رأسهم مثل العقدة(شماغ ابيض)لكن ملفوف على الرأس والبيت كان فية شجر عالى اوى لدرجة انى مبصتش فية اعرف هو شجر اية
انا وبنتى الحمدلله وبفضلة ملتزمات والحالة النفسية بدأت ارتاح الحمدلله
