ازيك يا ماما نجيبة يارب تكونى بخير
كل سنة وانتى طيبة
انا حلمت انى كنت ف بيت غريب مع مجموعة من قرايبى ف العيلة
وكان ف معزة بيضة بتهيألى كانت تخص خالى انا مش متذكرة بالظبط النقطة دى
بس المعزة دى كانت ماسكة فيا وانا ابعدها وهى ترجعلى تانى
تمسك برجليها اللى قدام ف درعاتى وتنام ع جنبها وانا ابعدها واقول انا مش عايزاها
وقرايبى يقولولى مالها ماتخافيش دى عايزاكى نيميها جانبك طبطبى عليها
وانا ابعدها وهى تمسك فيا تانى لحد ماروحت مسكت ف ماما وصرخت بصوت عالى انا مش عايزاها
وراحو مشوها بعيد خالص
فما تفسير هذا الحلم ؟؟؟؟
معلش يا ماما نجيبة ف حلم تانى صغير
حلمت انى كنت قاعدة مع ناس غريبة معرفهاش
مكان زى كأنى باخد فيه درس
وقولت انا عايزة اشرب لاقيت صوت ورايا بيقولى اتفضلى
فلاقيته واحد انا عارفاه وهو يعرفنى برده بس انا عمرى ما اتعاملت معاه شخصيا ولا كلمته قبل كده
لكن بصراحة دايما انا بهتم انى اعرف اخباره من بعيد
وكان بيبتسم وهو بيدينى كوباية الميا واخدتها منه
فما تفسير هذا الحلم ياماما نجيبة ؟؟؟
معلومات : انسة
21 سنة
