السلام عليكم ورحمة الله وبركاته
معلش هتعبك معايا يا ماما دووول 3 احلام صغيرين لوالدتى ل3 ايام متتاليه معلش
انا بس حسيت انهم زي ما يكونوا مكملين بعض او مرتبطين بمعنى واحد ده احساسى
الحلم الاول
ماما حلمت ان فيه بنت كبيره تعبانه موجوده فى مكان او بيت متعرفوش فماما
راحت المكان ده وقلعت الجزمه ودخلت راحت لقت راجل بيجرى وراها قامت ماما
نطت من الشباك وخرجت من المكان ولقت ست واقفه بتقولها ده بيجرى وراكى عشان
متشوفيش البنت دى عشان متتعديش منها فماما لما نطت وجرت جرت حافيه عشان
كانت قالعه الجزمه قبل ما تدخل وبعدين لقت واحده ست معرفه اسمها زينب حسين
الست دى اخدت الجزمه وراحت مودياها عند الراجل اللى ماما جرت منه راحت ماما
قالتلها يا قليلة الاصل عشان عملت كده وماما بعدها بتبص لقت نفسها جوه
عند البنت التعبانه دى ولقت زي زرع كده طالع جمبهم قالتلها خدى كليه عشان
تروقى هيروقك وماما صحت والبنت بتاكل من الزرع
الحلم التانى
حلمت انها فى ارض فاضيه كده وفيها عشتين زي بتوع الفراخ بس مش فيهم فراخ
وقالت بدل ما نزرع الارض كرنب نزرع حاجه حلوه كده ونجيب فراخ وبط نربيهم فى
العشش دى وكان فيه عشه مخرمه شويه فقالت لجوز عمتى المتوفى صلحهم عشان
مفيش عرسه ولا حاجه تدخل وقعد يصلحهم ويدقدق فيهم بمسامير وبعدين شافت
بنت صغيره كأنها تقربلها فى الحلم وكان شعر البنت جميل وطويل ولابسه عقد
لولى ابيض وحطاها على شعرها وصدرها كده
الحلم الثالث
ماما حلمت انها سمعت فى المسجد بينادوا على حد اتوفى بس هى عرفاه فى
الحقيقه وهو اسمه غير الاسم اللى كانوا بينادوا عليه هما كانوا بيقولوا
اسمه جلال وبعدين دخلت بيتهم القديم بيت جدى يعنى ولقت امها واخواتها قعدين
ياكلوا ولقت الراجل اللى اتوفى اللى كانوا بيندهوا عليه موجود على كنبه
عندهم ومتوفى وبعدين ماما هى وواحده معاها فى الحلم هى مش فاكره مين شالوا
الاكل وقامت ماما واخده بيضه مسلوقه والست دى بيضه وماما كانت بتاكل فيها
وبعدين لقت بنت صغيره اخدت حته من البيضه اللى فى ايد ماما وكلتها وبعدين
ماما بتبص كده لقت الميت ده بيفتح عينه وصحى وبعدين بتقوله ايه ده انت
صحيت وقعدت تنادى وتقول ده صحى ده صحى
وبس كده يا ست الكل ياااارب يكون فيه بشرى بصلاح الامور
