السلام عليكم ياماما نجيه انا امبارح كنت بدعى ربنا عشان يتم موضوع بااحمد وبعدين قولت بدل مادعى اخلى لسانى مليان بذكر ربناواصلى على النبى واستغفر كتير بنيه ان ربنا يتملى الموضوع وفعلا عملت كدا لحد منمت وانا بصلى على النبى
المهم شفت خير اللهم اجعله خير
انى انا وامى وبابا قاعدين فى بيتنا فى الصاله فببص على البلكونه الى فى اوضتى لقيت الجو بيشتى وشتا جامد وكان فيه فى البلكونه هدوم منشوره ونازل عليها الشتا المهم ان احنا نزلنا روحنا عندنا بيت تانى لينا قديم جمبنا بنربى فيه فراخ رحنا هناك عشان نشوف الشتا انا وبابا وماما فانا كنت بمشى على الارض حافيه وامى بتبصلى لان الارض كانت فيها طينه مكان الشتا بس متعصتش طينه المهم اننا رحنا بيتنا التانى القديم ده عشان نشوف الشتا فواحنا بنتفرج شفت فرخ نايمه على بيضه كبيره بس شكلها فاسده فبقول لماما بيضه اهى قالتلى سبيها على اساس انها حطها عشان الفراخ يبيضو عليها المهم انها قالتلى ومفيش فراخ غير الفرخه دى نايمه فلقينا تلت فرخات طالعين فبقولها تلاته اهم كمان كانو نايمين فمدت ايدها تشوف بيض مكانهم ملقتش فقالت لسه كانو هايبيضو فانا لقيت فى ايدى بضه كبيره غير البيضه الفاسده واحده تانيه يعنى حلوه فبقول البيضه الكبيره دى بتاعت الفرخه دى
المهم بقى انى شفت كمان انى انا وبابا واختى كاننا رايحين زياره لواحده صاحبت اختى من بعيد بس مكنتش عارفه هيا مين فى الحلم وصحبتها دى واهلها كانو طيرين بينا وجابتلنا حلويات وجتوهات كتيره اوى كانت بتقول هيا الى عملاها وانا اقول جميله اوى واشكالها تحفه وكانت فى اطباق جميله وعماله اقول ياترا عملاهم ازاى واكلنا كتير انا واختى من طبق واحد وكان فيه ولد صغير كان فى حلم ابن صحبت اختى دى كان عمال يحط لينا حلويات
وكان فيه نوع حلويات معمول بقمر الدين وكان محطوط فى طبق المونيه وحشه كدا وجيت ادوقها لانى بحبها فلقيت طعمها مش طعم الحلويات الطبيعى كانه طعقم قرفه او حاجه يعنى
وبعدين طلعلنا بابا وهو عمال يقول الجو جايب شتا موت مش هانعرف انروح شكلنا هانبيت
وبعد شويه قال يالا مش هانروح قولتله ايووه نروح واحنا ماشيين فى الشتا عادى
وكان شتا كتير اوى
وبعدين واحنا عند القطر شفت بينتين بيتخانقو ورمو بعض تحت القطر
وكمان شفت نفسى انا وصحبتى كاننا رايحين نقبض مرتبنا وفعلا قبضت بس الى اديتنى الفلوس مرات ابن عمى وهيا اصلا مبتشتغلش واسمها مروه وادتنى فعلا مرتبى 300جنيه وشفت كمان كاننا بنجهز لرحله بس انا مش كنت هاروح معاهم
الحاله النفسيه قلقانه على احمد جدا وقلبى مقبوض معرفش ليه وفعلا انا النهارده رايحه زياره بس لواحده صحبتى انا
وكمان رايحه اقبض مرتبى
دا كان حلمى طول الليل هو حلم واحد بس متقطع
معلش ياماما هاتعبك امى عندها حلم
شافت خير اللهم اجعله خير بعد مصلت الفجر ودخلت تنام كان واحده جارتنا وقريبتنا فى نفس الوقت اشترت ارض فى الصالحيه جمب ناس جيرناتانين فالست دى قالت لامى تعالى شوفى الارض الى اشترتها الست دى اسمها نعمات صادق
وبعدين امى راحت معاها وشافت الارض وبتقول راحت عند جارنا التانين دول رغم اننا ملناش كلام ولا خلطه بيهم يعنى ولا حتى بقينا نشوفهم فلقيتهم بيطبخو فقالت لامى اقعدى حمى الفرن (يعنى حطى فيه قش وكدا عشان يولع والاكل يستوى ) وامى قعدت تعملها الى عيزاه ولقت الست دى جايبه شويه رز صغار جدااااااااااااااااا عشان تتطبخهم فامى استغربت قالت دول هايكفو كل دول
المهم بتقول بقى وهيا مروحه شافت راجل متعرفوش راكب حماره وعمال يديها رجله عشان تبوسها فبتقوله ليه بقى ان شاء الله ومرديتش وكل متمد ايدها عشان تجيب رماد او طوب تحدفه بيه ترجع فى كلامها بس هو كان يعاندها ويقولها ازقلى ومصمم انها تبوسها وبعدين شافت راجلين قاعدين فبتقولهم يرضيكم عمايله كدا فالناس مش راضيين يردو عليها ولا يكلم الراجل ومشيت ولقت راجل بدقن كبيره فبتحكيله ففضل يضحك ويقولها سيبك منه تعالى بس امشى معايا انا ومشيت معاه وخلص الحلم على كدا
امى ست متدينه الحمد لله
