السلام عليكم ورحمة الله وبركاته
كل سنه وانتى طيبه يا ماما نجيه
انا حلمت ان بنت خالتى فى بيتنا القديم (بنت خالتى دى تبقى مرات اخو احمد قريبى اللى انا وهو مرتبطين من فتره ومش عارف ياخد لحد دلوقتى خطوه رسميه)وبنت خالتى كانت بتعملى شعرى استشوار او مكواه مش فاكره وبعدها لقيت شعرى جميل وطويل جدا واصل تحت اخر ضهرى وكنت مبهوره بيه وهو فى الحقيقه قصير وبعدين انا عملت مكياج ليا وبعدين قال ايه احنا كنا هنروح عند ناس قرايبنا عشان اخطب بنتهم هههههههه مش فاهم ازاى انا هتخطب لبنت المهم بنت خالتى سبقتنى وقالت ليا استنى رامى اخوكى وتعالى معاه فلما اخويا جه قلتله فقالى لاء اتأخرنا الساعه 12 فافتكرت انه اتخض وافتكر ان احنا رايحين نخطبله هو فقلتله لاء ده علشانى مش ليك قالى نروح الصبح احسن
وفيه برده حلم صغير بس احب اوضح لحضرتك حاجه احمد اخر ميعاد اداهونى لانه يتقدم فى العيد ده وانا قلتله لو جه العيد وانت مش عملت حاجه تنسانى خالص واعتبر الموضوع انتهى فانا حلمت انه بيكلمنى اول يوم العيد وانا رديت عليه وكنت زعلانه بس مش عاتبته ولا حاجه على انه متغير بقاله فتره فلقيته بيقولى انا هكلم رامى اخوكى بكره وهاجى اتقدم وكده فانا فرحت اووووى
معلش معلش يا ماما حاجه كمان خاصه باحمد
انا حلمت امبارح بشخص كان معرفه قديمه وانا كنت مياله ليه فلقيته جاي فى الشارع اللى كان فيه بيتنا القديم وكان قاعد معانا اودام بيت عمتى ودار حديث طويل معايا بس انا مش فكراه بس تقريبا كنت حاسه برده بميل نحيته فى الحلم بس كنت حساه مش فى دماغه اوووى فرحت قلت انا عارفه ان نصيبى هو احمد وهيكون الخير ليا معاه هو وطبعا الله اعلم وبس كده يا ماما
وكمان حلمت انى دخلت محل ملابس مع بنت عمتى وبعدين عجبتنى عبايه بيتى قصيره وجميله فأخدتها فإيدى وكنت برده بدور على حاجات تانيه اشتريها فبنت عمتى شافت عبايه تانيه روز فقالتلى حلوه خديها فانا مسكتها كده شويه ورحت مرجعاها تانى مكنتش مقتنعه بيها اوووى ودخلت المحل عشان برده اشوف وانا برده ماسكه فى ايدى العبايه اللى عجبتنى فى الاول
معلش طولت عليكى يا ست الكل بس حاسه ان كلهم مرتبطين بمعنى واحد وحاسه ان فيه مناسبه سعيده ربنا يقرب البعيد ياااااااااارب
