حبيبتى امبارح شوفت منام خير يارب بس هوه فيه بعض حاجات قلقانى حبتين ...شوفت خير يارب ان بسيونى موجود عندنا فى البيت وكان جاى زى ما يكون يزورنا ومعاه اتنين من زمايله فى الشغل واحد اسمه طارق وواحدة زميلته اسمها بسمة (هى متزوجة على فكرة) وكان ماسك موبايلى وكان قاعد بيتكلم فيه وبعدين راح قعد على الكنبة اللى عندنا فى الانتريه يعنى على طرفها كده وانا قعدت على الطرف التانى وكان ورانا كنبة تانية زى ما يكون قديمة كان عليها موبايلى روحت واخداه من عليها وروحت نقلاه على الكنبة اللى قاعدين عليها وحطاه بينى وبين بسيونى وروحت حاطة بينى وبينه اسدال الصلاة بتاعى وكمان ايشارب ابيض صغير عندى اصلا اللى هوه امهاتنا بيلبسوه على راسهم فى البيت زى منديل كده ..المهم حطيت الحاجات دى بينا وكان هوه بيحاول يمسك ايدى بس انا اتكسفت جداااااااااااا ومخليتهوش يمسكها يعنى كان بيحاول يقرب منى كده وكان على ترابيزة الانتريه قدامنا صينية عليها شوية خس وكانت ماما زى ما يكون هتقعد توضبه وتنضفه وبعدين قعدنا نتكلم انا وهوه ولقيته بيقولى انا بحب بعض اوقات اروح السينما فقولت كويس يعنى مش شخصية خنيقة وقال بحب الممثل احمد حلمى باين (ولو انى حاسة ان الحتة تخاريف) وبعدين جت ماما وراحت مديالى طبق فيه قرع عسلى اللى هوه بيعتبر من الحلوى ده وكان فى الطبق 3 تمرات تقريبا فانا روحا مدياله الطبق ده وكان زى ما يكون ما صدق اديهوله وخده منى وقعد ياكل القرع و التمر اللى فيه وكانت بسمة زميلته دى بتبص عليه وهوه بياكل ومبسوطة وانا كمان كنت مبسوطة انى اديته الطبق وبعدين انا سالته وبقوله عندك اكاونت على الفيس باين قاللى اه قلتله طب اضيفك قاللى لا (مع العلم ان عندى فعلا حساب على الفيس بس مفيهوش ولاد خاااااااااااااالص يعنى كله بنات ومش بضيف ولاد اصلاااااااا )فانا اتكبست كده وسكت وبعدين بعد ما اكل خرج بقا هوه والناس اللى معاه عشان وراه ميعاد او كده وبعدين جه اخويا يقولى وهوه زعلان انتى ليه خبيتى عليا ان ليكى صاحبتك حسناء انسة وانا بخطب اليومين دول فقولتله ما انت شوفتها قبل كده وطنشت قاللى لا انا بقا عايزها دلوقتى هاتيهالى انا هخطبها قلتله خلاص ماااااااااشى هجيبهالك بس كده مفيش اسهل من كده وانا كنت قاعدة ساعتها دماغى فى حتة تانية خالص انى خايفة لان بسيونى خرج هوه واللى معاه ومش عارفة اذا كان هيبقى فيه قبول ولا لا وكنت قاعدة بعيييييييييييييييط جامد عشان كده ولقيت اخويا بيقولى تلاقيه خرج عشان خبيتى عليا ان ليكى صاحبة اسمها حسناء وانا اعييييييييييييييييييييط جامد وخلص الحلم على كده وانا زى ما يكون قمت من النوم بس لسا جوه الحلم وجيت احكى لاختى على الحتة بتاعة انى اضيفه على الفيس دى وانه رفض فسرتهالى جوه الحلم وقالتلى لا يا بنتى انا كنت مرة سمعت الشيخ سيد حمدى ان الرفض معناه الموافقة وبعدها فعلا صحيت من النوم على كده
معلومات تفيد فى التفسير
دلوقتى طبعا انا كان ليا موضوع مع احمد اللى مش حصل نصيب ومش حصل اتفاق فيه ....ثانيا للعلم ماما قايلة لبابا على موضوع بسيونى عشان لما ييجى يقولنا بس مش قايلة لاخويا حاجة عشان ساعات اخويا بيبقى صعب شوية فى المواضيع دى لانه زميله فى الشغل فمستنيين تحصل اى حاجة ايجابية عشان نقوله وبالفعل احنا عملنا تلميح له من بعيد كده بس هوه محطش فى دماغه ومش خد باله اصلا من حاجة او طنش
- الجزئية بقا اللى قلقانى وعايزة اعرف تفسيرها مووووووووووت هوه لما قاموا من عندنا بعد ما اكل الطبق اللى اديتهوله عشان كان عندهم شغل باين او ميعاد من غير ما يقولوا اه او لا بخصوص الموضوع وانا قعدت اعييييييط بعدها ومش فاكرة اصلا اذا كان اه او لا لان ساعات يتهيالى انه قال لا بس الحتة دى مش واضحة خااااااااااااالص انا اللى فاكراه انى قعدت اعيط بعدها عشان قام من غير ما سقول فيه قبول سواء اه ولا لا ...يعنى اكل وخرج عشان كده كنت بعيط بس بتهيالى ان كان قال لا مكنش هيقبى ترتيب الحلم انى اعيط عشان خرج من غير ما يحدد ...(هوه فالح ياكل ويجرى)
- اما بقا موضوع الفيس ده فاللى اعرفه انه حد محترم ومتحفظ جداااااااااااا ومش عارفة اذا كان حتى اللى اختى قالت عليه فى المنام ده يوخذ بيه فى التفسير ولا لا ....مع العلم انى مش عايزة اضيفة ولا حاجة لانى مش بتاعة الكلام ده لا انا ولا هوه غير لما يكون فيه حاجة رسمى اصلا ...ده حتى بيتهيالى ان بقا فيه حاجة رسمى مش هيضيفنى اصلا لانه شخصية فى المواضيع دى متحفظ اووووووووووووووووووووووووووووووووووووووووى
