ازاى حضرتك يا ماما كل سنة وانت طيبة يا حبيبتى والسنة الجاية تكونى على عرفات انتى وكل حبايبك ويارب يفرح قلبك باولادك ويعجلهم كل الخير ويرزقك الجنة وصحبة النبى محمد عليه الصلاة والسلام - انا حلمت يا ماما امبارح بعد ما صليت الفجر ودعيت ربنا كتير اوى - حلمت انى ماشية انا وجوزى فى الشارع وماسكين ايد بعض وبعدين لاقين اخته جاية فى وشنا من بعيد كدا وماشية بتتعوج على الارض وبتقرب منا اوى وبسرعة راح جوزى قالى بصى هى هتيجى تبوسنى عشان تضايقك وراحت قربت اوى ولسه هتبوس جوزى على الهوى كدا راحت جت عربية من جنب جوزى وراحت خبطتها ورحت شفتها وقعت على الارض والارض كان فيها طينة والعربية عديت عليها وبعدين شفت نفسى فى شقتى وهى برده معى بس فى اوضة لوحدها ورجلها مقطوعة رجلها الاتنين بسبب حادثة العربية وكانت بتزعق وبتقول مش عايزة اشوف حد واقف على رجله ابدا وخصوصا انتى ( على يعنى ) روحت انا اخدت جوزى وناس تانية مش عارفة مين ودخلت اوضة النوم بتاعتى وقلتلهم يا جماعة بلاش حد يضايقها حاولوا تكلموها وانتوا قاعدين عشان مش تحس ان رجلها اتقطعت وبعدين خرجت من اوضة النوم دخلت المطبخ لاقيت صرصار كبير على الرخامة مسكت شبشيب عشان اضربه راح نط على الارض واتقلب وبعدها قام ولاقته بيطير على قعدت اصوت وروحت نطيت فوق كرسى وكانى بطير راح جوزى خرج من اوضة النوم وضرب الصرصار بالشيبشب - وخلص الحلم على كدة - اخت جوزى اللى فى الحلم انسة وعلاقتى بها انا وجوزى مش بنتكلم معها - معلشى يا ماما انا هتعب حضرتك انا قبل ما احلم الحلم ده بيومين حلمت انى بكنس السلم عند ماما وكان فيه تراب كتير وورق وكنت بلم كل ده وشفت حماتى على السلم اللى تحتى وكانت عايزة تكنس السلم بتاعها بس مش لاقيت حاجة على السلم تلمها وخلص الحلم على كدا -
