ازاى حضرتك يا ماما ربنا يديك الصحة والعافية ويفرح قلبك باولادك ويرزقهم الذرة الصالحة والسليمة - انا حلمت انى رايحة عند الجزار انا واختى والجزار كان ماسك سكينة كبيرة اوى اوى وكان بيقطقع اللحمة على الارض يرفع السكينة جامد وينزل بها على اللحمة وانا واختى كنا واقفين عايزين نجيب منه لحمة بفتيك وبعد ماالجزار جهز البفتيك لاقنا بيتبله وبيحمره كمان فانا قلتله لاء احنا كنا عايزينه نيه عشان هنشيله فى الفريزر قالى لاء خالاص انا عملته ولازم تاخده راحت اختى قالتلى خلاص جيجى ناخده وجبنا علبتين بلاستك وقعدنا نقسم البفتيك المتحمر بالنصف عشان اختى وانا - وخلص الحلم على كدة - وبعدين فى نفس الحلم حلمت انى رايحة انا وجوز اختى مكان حلو اوى اوى على بحر زى شط البحر كدة بس بدل ما يكون الشط عليه رملة كان عليه ملح وكان فيه ترابيزة فى حته فوق اوى زى الجبل كدة طلعنا وقعدنا عليها وكنا بنبص على البحر وانا بقوله ايه ده كان الترابيزات دى محطوط على التلج قالى ماهما بدل ما يفرشوا الشط تلج ويسيح عملوا ملح عشان يكون شكله زى التلج كدة وبعدين جه واحد بيسالنا تاكلوا ايه قلتله عايزة سمك بورى مشوى راح جوز اختى قالوا هات اربع سمكات بورى وكان موجود ادامنا على الترابيزة رز ابيض وعليه صلصة خفيفة وانا كنت باكل منه وكمان فرختين مشويين واحدة ادامى وواحدة ادامه وهو كان بياكل من الفرخة بتاعته وانا كنت لسه مش كلت وخلص الحلم على كدة - اختى اللى فى الحلم الاول متجوزة ولسه ربنا مش رزقها بالحمل وجوزها هو اللى معى فى الحلم التانى -
