ازيك يا ماما نجيه
انا يا ماما حلمت امبارح حلم فظيع وكنت قايمه مش قادره احرك جسمي
بس يا ماما قبل ما اقول الحلم هحكيلك على حاجه
انا كنت قيلالك يا ماما قبل كده ان الدكاتره بتوعي بيحاربوني
بس انا الحمد لله بطلع الاولى
ولما بدا الترم ده بشوف الذل الوان منهم يا ماما والله مع ان بابا زملهم وقبل مما يسافر كان بيعاملهم احسن معامله
انا فتره ما حلمت بالحلم ده كنت مدمره نفسيا
كان في دكتور قعد يهزقني فالمحاضره بشكل بشع
ومن سا عتها اعصابي مهزوزه اوي
بصي يا ماما
انا حلمت ان حراميه كتير بيدخلوا بيتنا وانا طول الحلم بدافع عن البيت وبحاول اقتلهم ومخلهمش يدخلوا وكنت بعاني اوي فالحلم
وشفت فنفس الحلم وانا ماشيع عالطريق لقيت كلاب واسود ونمور
وكانت معايا صاحبتي وهي كانت مرعوبه
وانا كنت خايفه بس مبينتش
وقعدت اقرى قران واقول ادعيه
وعلى معديت الطريق لقيت اسد جه عمال يلف حواليا وعاوز يازيني
فانا قعدت اقول الدعاء ده
(اللهم اني عبدك ابن امتك ماض في حكمك عدل في قضائك .....لاخر الدعاء)
فالاسد كان بيلف حواليا بس مقدرش ياذيني
ماما بالله عليكي ادعيلي ربنا يخفف كربي
وينصرني عليهم
