12- القميص فى المنام

عضوة عدد المساهمات : 916 تاريخ التسجيل : 17/07/2011

حبيبتى انا حلمت خير يااااااااااااااارب ان اختى وجوزها زى ما يكون عندهم فرح وبعدين لقيت اختى بتقول اوبااااا ده محمد جوزى نسى يبعت كارت فرح لبسيونى فراحت اختى قالت بس خلاص انا بعتله قميص هدية ...وفعلا روحت كده ابص على بسيونى لقيت فى ايده القميص واكتشفت ان بابا هوه اللى بعته لبسيونى هدية وبعدين لقيت بسيونى ده ماسك القميص كده وكان قاعد بيتفرج عليه وكان عاجبه اوووووووى وكان تفصيلته حلوة واكمامه واسعة وكان الوانه حلوة وفيه لون تركواز على برتقانى كده جميل وكان بسيونى بيقول هوه القميص جميل ومش معنى انه ب 100 جنيه بس يبقى مش حلو او رخيص والقميص عاجبنى وهاخده ..وفجاة لقيته اتحول وبقا اخويا ايهاب وبيقولى انا هجيب على القميص ده بنطلون عشان الطقم يبقا كامل فانا اقترحت عليه يجيب عليه كمان جاكيت بس هوه قاللى لا كفاية البنطلون وكان البنطلون اللى اختاره ايهاب كاروهات ازرق او اسود مش فاكرة اوى بس كان شيك ولايق على القميص وكان شكله حلو وكده واستايل بصراحة كان عاجبنى انا شخصيا
....حبيبتى انا مش عارفة معنى ان بسيونى اتحول لايهاب ده ايه بس اللى لفت نظرى فى الحلم ان وهوه ماسك القميص وبيتفرج عليه وبيقول خلاص هاخده وبيقلب فيه كده كان يشبه ايهاب اخويا فى الجزئية دى ...يعنى اقصد ان فيه صفة مشتركة بينهم وهى ان الاتنين عندهم نزاهة فى الاختيار ,,,وعلى فكرة عن تجربة انا كذا مرة لما احلم بشخص اتحول لشخص تانى اعرفه بيتضح انهم شبه بعض فى بعض الصفات يمكن يكون كده؟؟؟ ...ويا ترى لما هوه يختار بعدها بنطلون على القميص بحيث يليق عليه ده له معنى معين ...خصوصا انى مش فاكرة لون البنطلون كان ايه بالظبططططط؟؟؟!!!! بس مش متاكده ان كان ازرق يبقى ايه لانى ساعات اسمع ان الازرق اوقات بيبقى مش تمام اوى فى المنام[ندعوك للتسجيل في المنتدى أو التعريف بنفسك لمعاينة هذا الرابط]ي عنى كنت شفت كذا حلم كده فيهم لون ازرق ومش تمام اوىبس بالرغم من كده كان البنطلون لايق على القميص جداااااااااااااااااااااااا....ربنا يستر

ومعلش منام كمان اختى هيا اللى حلمتهولى
يارب يكون خير انهارده جيالى اختى اللى مش فى دماغها الموضوع اوى وعادى بالنسبة ليها تقولى انا شفتلك منام وهى قلييييييييييييل لما تشوف منام لحد معين ...بتقولى خير يارب شافت ان هى قاعدة مع والده بسيونى وان زى ما يكون له اخين توأم شبهه بالظبططططططط بس هوه مكانش قاعد يعنى اخواته ومامته هما اللى كانوا قاعدين معاها بس وكانوا الاخين دول قاعدين وزى ما يكون باين عليهم انهم سلفيين او حاجة زى كده ولابسين زى الشيوخ يعنى بدقون سوده وجلاليب بيضة وطواقى بيضه كده زى لبس رجال الدين يعنى وبعدين اختى استغربت وقالت سبحان الله مع ان بسيونى باين عليه من لبسه انه انسان عادى يعنى مش زى الشيوخ دول ومع ذلك دول اخواته غريبة ويشبهوه بالظبط كانهم توأمه !!!!! فقالت خلاص بما ان احنا كلنا فى قعدة واحدة بعض يبقى كل اتنين يقعدوا مع بعض يعنى اخواته الاتنين دول يقعدوا مع بعض وانا هقعد مع والده بسيونى واهو فرصة انى لقيت له سكه مباشرة واتعرفت على مامته وقاعدة جنبها بحيث الموضوع بقا متسهل والاتصال بيهم مباشر وكانت بتقول ان مامته فى المنام كان شكلها امور كده وكانت قاعدة مع اختى عادى جدا ... وقامت من النوم وهى فرحانة ان لقيت لبسيونى اتصال مباشر مع مامته ...على فكرة انا معرفش تحديدا هوه عنده اخوات ايه او كام بس مش عارفة دلالة ده ايه ...يارب يكون خير ياااااااااااااااارب وتكون رؤيا صالحة وهوه عموما كان منام قصير جدا بس حاسه انه غريب شوية مش قادرة اتخيل له معنى معين ...افتينى يا قمر الله يكرمك

حبيبتى فيه حبة قلق ولكن بابا هيصل الى بسيونى ان شاء الله وهيحدث كلام بينهم وتبادل هدايا وطبعا هو يشبه اخوك فى صفاته وواضح ان بسيونى هيبدا يفكر فى عروسة فعلا وطلما انت مش متاكدة ان البنطلون ازرق يبقى ربنا هيستر ويكون خير اما الثانى اختك مشغولة بك طبعا وهتعرف اخبار عن عيلة بسيونى وهتعرف ان اخواته يعرفوا ربنا كويس وان شاء الله هتصل الى سكة توصلها لبسيونى وربنا يهدى حالك

عضوة عدد المساهمات : 916 تاريخ التسجيل : 17/07/2011

استفسار يا ماما حضرتك بتقولى ان بسيونى هيفكر جديا انه يشوف عروسه حضرتك تقصدى عشان راح جاب بنطلون للقميص اللى بابا بعتهوله هدية ...طب هوه ده لع علاقة بيا ؟؟؟؟

يا حبيبتى القميص معناه جواز وان شاء الله هيقبل هدية والدك الى هى انت

» 17 _ القميص في الحلم
» القميص في الحلم
» تفسير احلام السبت 3/11/2012باذن الله
» سمك فى المنام
» فضة في المنام