حلمت ان انا ومعايا اسرتي في مكان شبه ساحه المطار مش عارفه بس هو مكان جميل وشكله شيك قوي وكان فيه ايات قرأنيه متعلقه على الحيطان وببص على تربيزه جنبي لاقيت برواز عليه الحمد لله وقدامه كيكه عليها كريمه فاانا رحت صورته بالموبايل
حلم تاني
حلمت ان انا واختي وماما في مكان برضو زي المطار وكان فيه ناس قاعدين وقدامهم عيش زي مايكون كانو صايمين واتجمعو علشان يفطرو وبعدين بصيت في تلاجه كانت جنبي لاقيت فيها كفته بس زي مايكون كنا بنوصل امي لمطار ومشينا بعديها انا واختي ولما خرجنا خرجنا من حاجه عامله زي البلكونه وكانت على مكان مرتفع عن الأرض شويه ونطينا انا واختي بس اختي نزلت قبلي ولما نزلنا لاقيت نفسنا عند الشارع اللي احنا ساكنين فيه وبصينا لاقينا ماما واقفه في البلكونه اللي خرجنا منها وبتسلم علينا
