ماما حبيبتى انهارده الصبح قمت من النوم على منام خايفة منه حبتين ويااااااااااااااااااارب تطمنينى احسن بجد انا اعصابى باااظت وخايفة من معناه ...شفت خير ياااارب انى زى ما يكون طالعة رحلة وكان موظفين الشركة اللى بابا بيشتغل فيها طالعين معاه وبعدين كنت انا وماما لسه واصلين من السفر ودخلنا اوضة الفندق فماما قالتلى انا مش هقدر انزل البوفيه تحت عشان افطر انا هفطر هنا قولتلها لا انا هنزل انا عشان جعانة جدا المهم دخلت الحمام عشان اغسل وشى فلقيت الصابونة اللى على الحوض شكلها مش نافع يتغسل بيها حاجة فرميتها وطلعت واحدة احسن منها بس كانت هى هياها بس الاولانية كانت بايظة والمهم غسلت بالتانية وشى ولبست بلوزة زرقا كده عندى ونزلت فى الاسانسير للوبى اللى فى الفندق وبعدين لقيت بابا واقف فبقوله هاه يابابا انت واقف كده ليه قالى معلش بس سيبينى انا مستنى حد فمشيت شوية قدام كده لقيت احمد اللى مش حصل معاه نصيب ماشى مع زمايله فى الشغل وكان شايفنى وبصصلى بس بيتعمد يعمل نفسه مش واخد باله منى فسيبته ورجعت لبابا تانى فبقوله عملت ايه الراجل اللى مستنيه جه قاللى انتى متعرفيش انا كنت مستنى مين اصلا ؟! قلتله مين؟ قاللى انا كنت مستنى بسيونى (على فكرة انا زى ما قولت لحضرتك قبل كده ان بابا قال ان لما بسيونى ييجى دمياط هيبقى يقولنا انا قلت اقولك يمكن يكون ليها علاقة بالمنام) المهم قلتله بجد غريبة يعنى مكنتش شايفاه ماشى مع احمد ولا زمايله فى الشغل قاللى لالا هوه ملوش دعوة بيهم ده انا اللى طلبته ييجى كنت رسمتله طريق يمشى عليه ولقى نفسه كده قدام موقف القاهرة ووصل لعندى من غير ما يحس ان طريقه هيوصله لعندى فقولتله وعملت ايه قاللى قلتله هنبقى نروح النادى الاجتماعى بتاع الشركة مع بعض ده حتى النادى فيه بنت بتشتغل هناك اسمها سمر وبنت كمان اسمها ايات وبيشتغل فيه 100 واحد وهنروح مع تيمور (ده اسم واحد بيشتغل فى الشركة وملناش علاقة بيه اوى يعنى مفيش كلام معاه تقريبا) وهنقعد كلنا مع بعض قعدة هناك عشان نتعرف على بعض وبعدين لقيت بابا بيقولى وهو مبتسم جدااااااااااااا تصورى وانا بسلم عليه بايدى اليمين جرحنى فى ايدى من فوق مش من الكف يعنى من سطح الايد كده ومش باى الة حادة وهوه بيسلم عليه متفهميش جرحه بايده من غير حاجة كده ازاى والغريب انى لقيت بابا مبتسم جدا وهوه بيقول كده وشفت الجرح كان من غير دم ولا حاجة كان جرح سطحى كده عادى وبعدين انا رديت عليه رد اغرب وقلتله اه ما هو لما سلم على اخويا ايهاب جرحه برده فى ايده اليمين نفس الجرح وهوه عموما متعود لما ييجى يسلم على حد يجرحه كده وبعدين بابا قاللى انا كمان سالته على معاشه قاللى انا بشتغل سفير عشان انا اترقيت وبقيت سفير العلاقات السياسية والاجتماعية باين فى الشركة (مع انه بيشتغل هناك فى مجال الكمبيوتر بس فى الفرع اللى فى القاهرة)وكان بابا مبسوط وهوه بيحكيلى وكان بيقوله بالذمة ده عريس حد يسيبه لان مش هييجى احسن منه فانا قلتله يااارب يسهل الحال معاه وييجى ......
معلومات تهمك يا جميل
دلوقتى على حد علمى ان بسيونى كان خاطب قبل كده بس بتهيالى مرة واحدة بس وكمان بابا زى ما قلتلك هيستناه لما ييجى ويقولنا انه موجود هنا ...الجزء اللى مرعووووووووووبة منه فى المنام الجرح اللى وهوه بيسلم على بابا واخويا عمله فى ايدهم مع انه جرح سطحى من غير دم والاغرب ردى لما قولتله انه بيجرح اللى بيسلم عليهم قبل كده والغريب ان بابا كان مبسوط جدا ومش متضايق من الجرح ده ...على فكرة النادى الاجتماعى ده مش بيشتغل فيه حد اسمه سمر وايات بس جم ليا فى المنام كده ومش بيشتغل فيه 100 واحد ولا حاجة ده هما عاملين تلاتة او اربعة بالكتير وتيمور ده علاقتنا بيه رسمية جداااااااااااااا يعنى ملوش تدخل فى اى حاجة هوه بس بيشتغل محاسب فى نفس الشركة اللى بيشتغل فيها بابا وبسيونى وتحديدا المسئول عن قسم الحسابات وشغل التامينات والكلام ده ولما بابا سال بسيونى على المعاش كان يقصد المعاش اللى بيتاخد فى اخر مده العمل مش حتى المرتب.....يارب يكون خير انا خايفة اوى من المنام ده
