حبيبتى انا شفت خير ياااارب انى زى ما يكون دخلت مدرستى القديمة والزمن رجع بيا لوره وكنا زى ما يكون فى سنة 2005 وكان معايا اتنين من زمايلى واحدة اختفت معرفش راحت فين والتانية فضلت معايا تلف فى المدرسة وبعدين كنا قاعدين نتفرج على الفصول وعلى الاماكن اللى جوه المدرسة ونسترجع الذكريات وفجاة جه ناس شكلهم مؤذيين وكانوا عايزين يموتونا فانا نطيت من البلكونة كده وهربت اما زميلتى اللى كانت معايا عرفوا يمسكوها وكانت المدرسة دى على مكان كده زى جزيرة وقدامها بحيرة ومن الناحية التانية موجوده جزيرة تانية وراسى عليها زى ما يكون سفينة وكان على سطح السفينة من فوق طيارة على وشك الاقلاع والسفر فانا طلعت اجرى بره المدرسة وكانوا بيحاولوا يمسكونى انا كمان بس محدش عرف يحصلنى ولقيتنى بحاول انط فى قارب كده بيعبر البحيرة دى عشان يوصل للجزيرة المقابلة والحمد لله مش وقعت فى المية زى ما كنت متصورة ونطيت بسلام فى القارب وفوجئت ان معايا فى القارب ده زى دبور بس انثى الدبور (اللى هى الملكة اللى بتضع البيض وكده) وكنت خايفة منها لانى كنت زى ما يكون حاسة انها من ضمن الناس اللى كانوا بيجروا ورايا فى المدرسة وفجأة لقيتها بتكلمنى وبتقولى انا اللى هخليكى تعرفى تركبى السفينة ومعايا تذكرتك اللى هتركبى بيها الطيارة وفعلا لقيت الدبورة دى ماشية معايا وكنت خايفة تتطير بعيد عنى عشان هى اللى هتدخلنى وكنت رايحة بقا فى اتجاه السفينة وكان الراجل اللى واقف على المرسى بيشد الممر اللى بين المرسى والسفينة وانا بجرى بقوله استنى يا عم انا جاية معاكوا استنااااااااا مترفعش الممر لانى كنت ماشية ببطء عشان احافظ على الدبورة انها مش تطير منى لانها هتدخلنى المهم على اخر لحظة الراجل استنانى ودخلت السفينة ولقيت الست اللى بتشوف تصريح الدخول والتذاكر بتقولى فين تذكرتك فنانا اتكتمت كده لان الدبورة دى هى اللى هتتصرف وبالفعل لقيت الست بتقولى اه تذكرتك اهى (وكانت الدبورة ساعتها حولت نفسها لحاجة كده فى حجم اللوزة مش عارفة ايه هى بالظبط كانت دى تذكرتى) المهم الست قالتلى انتى مقعدك فى الطيارة رقم 120اتفضلى اطلعى فوق اركبى الطيارة عشان هى على وشك الاقلاع وبعدين روحت ماشية فى ممر جوه السفينة فلقيت قدامى الممثلة منى زكى وكانت لابسة فستان اسود وجزمة سوده وكان واقف معاها بنت كده كانت عايزة تركب جنبها فى الطيارة وبالفعل طلعوا معايا الطيارة وروحت انا اللى مشيت بسرعة وركبت جنب منى زكى لانى كنت عايزاها جنبى بدل البنت اللى كانت عايزة تركب جنبها وكانت هى ناحية الشباك وانا بره وبعدين لقيتنى بطلع فول سودانى اللى هوه الاسوانى ده ومش مملح وبعزم على منى زكى وفعلا خدت منى اينعم فيه منه وقع على الارض بس كلنا احنا الاتنين منه والطيارة فعلا طارت بينا وقلت لو وقفنا ترانزيت فى اى مكان هبقى اجيب فول كمان يسلينا فى السكة وبعدين واحنا طايرين فى الجو سمعنا اذان الظهر اذن فقولت لمنى زكى انا متوضية بس مش عارفة اصلى وانا قاعدة فى الطيارة ولا استنى لما ننزل ترانزيت فى اى محطة وكانت بصالى كده وهى مبتسمة وكانت البنت اللى عايزة هى اللى تقعد جنبها قاعده هتموت وتكلمها ومش عارفة انى فصلت بينهم وقعدت انا جنبها ..وكان اااااخر مشهد فى الحلم انى شفت نفسى بستحمى وبغتسل كويس جداااااااااااااااااااااااااا وكنت مستمتعة جدا بالاستحمام بس جيت عند مرحلة غسل الشعر وكنت ملخبطة اغسله بعد ما انتشف ولا البس هدومى ولا عشان لما ينزل مياه يبقى على كل جسمى وفى الاخر استقريت انى اغسله وانا قالعة هدومى وبعدين انزل مياااه على جسمى كله...انا بقا مش عارفة معنى الدبورة ده ايه لانه محيرنى جداااااااااااااا
