السلام عليكم ورحمة الله وبركاته
ازيك يا ست الكل
انا حلمت اول امبارح انى راكبه مع احمد قريبى تقريبا عربيته(عاوزين نرتبط ببعض بس كل شويه يحصل تأخير من غير سبب) وبعدين تقريبا حط ايده على كتفى وقالى انه بيحبنى وكنا المفروض رايحين احدى فروع محلات البغل اللى هي بتاعة الفول دى فهو كان هيودينى المحل اللى فى شارع بور سعيد فانا قلتله ودينا اللى فى شارع قناة السويس اقرب عشان متأخرش على البيت قالى لاء خلينا احسن فى اللى فى شارع بورسعيد فقلتله طيب ومشهد تانى زي مااكون رحت لدكتور عشان يعملى عملية تدبيس معده واديته خمسين جنيه وبعدين اخويا قالى دى هتتعبك والحاجه اللى حاططها فى معدتك هتتحرك من مكانها قلتله لاء ولو ده حصل هعمل منظار واشيلها وفى نفس الحلم لقتنى باكل موزتين كبار وطعمهم حلو اووووى (مع العلم انا مش تخينه لدرجة انى اعمل تدبيس معده انا زايده كام كيلو بس حاجه بسيطه)
معلش يا ست الكل عندى حلم تانى صغير حلمته انهارده
انا حلمت ان واحده صحبتى اسمها سعديه قعده فى السعوديه فى الحلم (صحبتى متجوزه وعندها بنتين) وانى كنت عاوزه ازورها بس انا صحيت فى اليوم اللى قلت هروحلها فيه صحيت الساعه 12 الضهر فقلت كده مش هلحق فلقيتها اتصلت بيا عشان اروحلها وقالتلى تعالى ومتتأخريش عن الساعه 4 عشان نقعد شويه عشان انا رايحه بالليل المدينه المنوره وبجهز حاجتى دلوقتى اهو فقلتلها طيب ماشى وقفلت معاها بس قعدت احسبها قلت من هنا للقاهره مثلا هاخد ساعه ونصف وهاخد من ساعتين لتلاته فى الطياره وكمان هاخد وقت فى المطار فى تخليص الاجراءات وقلت لنفسى دنا كده هتأخر مش هوصل على 4 وكمان دنا ناسيه دنا معنديش جواز فقلت ايه خلاص انا هخلص ورق الجواز الاول وبعد كده ابقى اروح فى يوم تانى وتقريبا لقيتها بتتصل تانى لقيت الرقم الدولى على الموبايل ومش فاكره بعد كده ايه اللى حصل
مع العلم يا ماما احمد كان عطانى ميعاد انه يجى يتقدم وبعدين اجل الميعاد شويه كام اسبوع كده
