السلام عليكم ورحمه الله وبركاته
حلمت
"انى فى البيت وكنت واقفه عند البوتجاز ولقيت صراصير صغير كتير طلعه من داخل البوتجاز وكان شكلها غريب
فجيبت دواء الرش بسرعه ورشيت عليهم وماتوا
وبعدين ولعت البوتجاز عشان اعمل عليه حاجه
فلقيت الصراصير ولعت وطلعت دخن
فقولت ايه ده حرام كده انا حرقتهم
بس قولت لا هما ماتو الاول بالمبيد وبعدين النار جات فبهم منغير ما اقصد
وبعدين روحت الجامعه وكنت قاعده بأحضر سيكشن فشوفت والدى معدى فى الطرقه بره ،، فقمت وجريت بسرعه وانا فرحانه
ان بابا جالى
وقولت للمعيد بابا بره وخرجت بسرعه
وسلمت على بابا وقعدت ابوسه واحضنه وكان فى معديين وقفين جمبنا فكنوا بيبصولن وبيضحكوا
وبابا بيضحك ومكسوف انى بأبوسه قدام الناس وكنت فرحانه جدا ومفتخره بوالدى قدامهم
وكان والدى لابس قميص ابيض وجرافته رصاصى وكان لبسه شيك وهو على الحقيقه مبيلبسش جرفاته وكده بيلبس قميصض عادى
وبعدين قولتله انت هتروح على البيت ولا هتروح الشغل قالى هروح اكشف عند الدكتور وبعدين اروح
وكان فى زميله ليا من بورسعيد معديه اسمها رانيا خليت بابا يسلم عليها وهى تسلم عليه
وبعدين كنت عايزه اروح معاه اوصله
لكن عامل موجود قالى مينفعش تمشى لازم تدخلى تحضرى سكشنك
فسلمت على بابا ودخلت
وكنت فرحانه جد وقولت للمعيد ده بابايا ""
(نسه - طالبه جامعيه- التدين الحمد لله )
