حلمت ان انا بركب لمبه وجيت جربت لمبه منورتش جيت فضلت ادور على واحده تانيه لاقيت بابا بيقولي اانا خلاص ركبت واحده وشاورلي عليها لاقيت شكلها حلو وعليها صندوق اسود وعليه رسمه ورده فبيقولي انتي مش شايفه نورها رحت ضحكت وقلتله انا مكنتش واخده بالي ان فيه نور منور كنت فاكره الدنيا ضلمه وبعديها لاقيت اختي داخله بطفل هو في الحلم ابنها وكان فيه زي دخان تقريبا فاانا بقلها داري وشه حرام للدخان يتعبه فهي مرديتش وقالتلي لا بس بعد كده هي حضنته وضمته لصدرها وخبت وشه
اختي متزوجه من اسبوع وانا انسه مش مخطوبه
حلم تاني
حلمت ان انا وصحابي في سوق تقريبا وكان فيه جاموس كتير وكنا عماليين نزغرط وكان فيه جاموسه ليها قرن دهب راحت البنت اللي بتسوقها شالته من راس الجاموسه ورمته ع الأرض وبعدين دخلنا فرح واحده جارتنا هي متجوزه في الحقيقه بس كانت بتتجوز واحد غير جوزها في الحلم اسمه احمد الشخص ده حقيقي اسمه محمد وعنده زي قصور ذهني بس في الحلم كان طبيعي ورحنا بعد الفرح حصلت خناقه وكنت انا واختي بنتفرج عليها من البلكونه وكان فيه ناس قاعدين كتير ففي واحده ست كانت تحت بلكونتنا فضلت بصالي قوي وراحت شورت للست اللي قاعده جنبها عليا وراحت قالتلي زغرطي فاانا استغربت قلتلها دي خناقه هزغرط ليه فقالتلي زغرطي فرحت ضحكت انا واختي ومش عارفه حصل ايه وسئلتني عن حاجه بس مش فاكراها فرحت قلتلها دي اختي متجوزه ومدام قالتلي وانتي قلتلها انا انسه والست دي كانت لابسه دبله فضي في ايديها
