حبيبتى معلش انا عندى منمين الاولانى صغنن خالص
الحلم الاول خير يااارب انى زى ما يكون جاتلى رسالة من واحد اسمه احمد طارق وهوه يبقى قريب احمد اللى مش حصل معاه نصيب وقال ايه بيقولى حلمك اللى انتى حكيتهولى فسرتهولك وكان كله بشاير بشاير فرديت عليه وقلتله انهو حلم قاللى حلمك بالارانب الكتير !!!!فسرتهولك وكان كله بشاير مع انى محلمتش فى الحقيقة حلم زى ده وكنت مستغربة جدااااااااااا او مش حكيتله حلم زى ده اصلا وكنت مستغربة جدا من الرسالة دى ...مع العلم ان احمد طارق ده تقريبا عارف ان كان فيه موضوع مع احمد ومش حصل نصيب فى الاخر
الحلم التانى معلش انا بس كنت قمت ونمت تانى لان نومى كان متقطع وهوه ده المنام اللى بجد خايفة مووووت منه شوفت خير ياااااااااااااااااااارب انى لا مواخذة يعنى قاعدة مع اتنين اصحابى من الكلية وهما هيكملوا معايا دراسات عليا بس نفسياتهم وعن تجربة ما يعلم بيها الا ربنا المهم لا مواخذة كانى بعمل حمام بول وبراز وكنت زى ما يكون بعمله وانا قاعدة فى وسطهم بس محدش شايفنى منهم ولا حاسس بيا بس انا فى نفس الوقت كنت بحاول اتحايل باى طريقة عشان محدش يشوفنى وبالذاااااااااااات بعد ما خلصت حمام لا مواخذة وجيت اغتسل واستنجى يعنى بالمياه وبعدين كنت لا مواخذة كنت بحاول اتشطف جامد بالمياه وبايدى كده مطرح ما قضيت حاجتى وكنت متدارية اووووووووووى ومش عايزة حد من البنات دول يشوفنى خااالص وانا بعمل كده وبعدين لقيت بنت منهم اسمها سارة (البنت دى يا ماما بجد وحياة ربنا ما بظلمها بس ايام موضوع احمد القديم ده فضلت الغيرة واكلاها بشكل فظييييييع وكان باين عليها جدااااااااا وكانت دايما تفتش فى خصوصياتى عشان تعرف اخبارى بطريقة مزعجة جدااااااااا وهى كده حتى لو عرفت ان بنت اتخطبت تحسى انها قاعدة على جمرة نار ويا طنط عن تجارب كتييييييييير مكانش فى مرة تتكلم عن موضوع احمد ده الا ما كنا احنا الاتنين نكره بعض ومش نطيق بعض وكانت تقعد تفتش عنه وتعرف عنه كل حاجة ولو حاول يتصل بيا كانت تسالنى هوه بيقولك ايه وكده يعنى وفضلت وره الموضوع لحد ما باظ واول ما عرفت انه خطب متتخيليش قمة الانشراح اللى كانت فيها ...يلا الله يجازيها حسب نيتها ) المهم البنت دى فى المنام جت تكلمنى وتقولى انا مش عايزاكى تفكرى فى موضوع بسيونى وكانها بتنصحنى فانا قلبى وقع فى رجلى واتقبضت جااااااااااامد وقلت هى عرفت موضوع بسيونى ده منين انا اقسم بالله ما حكيتلها حاجة لانى مقروصة منها وقاعدة تقولى انتى اختارتيه بعد موضوع احمد على طول وكده مينفعش ولو مجاش هتتصدمى وانا اصلا فى عقل بالى اقول انا محكيتلهاش على حاجة ولا تطورات الموضوع اصلا فعشان اشيل الفكرة من دماغها قعدت اقولها لالالالالالالالالالا مفيش حاجة خالص بخصوص الموضوع ده ..ده مجرد فكرة بس ووانا بكلمها كنا زى ما يكون قاعدين فى بلكونه ووانا بتكلم على بسيونى شفت بيت بيتبنى جنب جامع ومكانش حد شايفه غيرى تقريبا حتى سارة مكانتش شايفاه وكان البيت قرب يخلص وبيبنوا فى اخر دور وانا كنت بتفرج ومبسوطة اوى وبعدين ببص تحت البلكونة لقيت بلوزة رشا بنت خالتى (هى كانت اديتهالى من يومين اقيسها لانها كانت عجبتنى وكنت هرجعهالها تانى )المهم لقيت البلوزة دى مرمية فى الشارع فقولت اوبااااااااا دى بلوزة رشا ايه اللى رماها فى الشارع كده لا انا هنزل ارجعهالها ووانا داخلة من البلكونة لقيت الشيخ محمد حسان قاعد عندنا فى الصالة وبعدين دخلت جوه على اساس اغسل ايدى مطرح بعد ما قضيت حاجتى فى الحمام والبس عشان اروح لخالتى وارجع لرشا البلوزة فلقيت نفسى كسلت وروحت غاسلة ايدى ولابسة بيجاما بمبى عندى كده وكانت قديمة (لانى حاليا جبت بيجامات جديدة وبلبسها ومش عارفة ليه لبست القديمة دى فى الحلم هى مش قديمة اوى بس كانت عندى ولما جبت الجديد مكنتش بلبسها كتير اوى ) المهم لبست البيجامة دى وقعدت كده فلقيت اختى جاية تقولى افرحى يا ايناس اخوكى بيقول ان فيه مناسبة كده زى دورات رمضانية بيلعبوا فيها كورة وان بسيونى هييجى فى الوقت ده ولازم تجهزى نفسك بقا
