السلام عليكم ورحمة الله وبركاته
ازيك يا ماما نجية ايه الاخبار ، بصي يا ماما انا حلمت حلم كمان دا اخر حلم شفته قبل صلاة الفجر فتحت عيني الفجر اذن بعدها بعشر دقايق تقريبا .
حلمت ان انا ماشية في حي زي السيدة زينب الحسين (مكان في ضريح من الاضرحة للاولياء) وانا ماشية في الشارع ده ندهولي ناس شكلهم غريب ومصممين ان اجي انضف المكان ده زي ما يكون ضريح لحد من الاولياء ، المهم رحت معاهم ولقيت المكان عبارة عن زي البيت بس لونه اخضر ليه شباك اخضر برضه وهما عايزيني انضف الشباك ده المهم فتحت الشباك وكان واقف جنبي راجلين قمحيين اللون وبذقون ولابسين عمامة خضراء على دماغهم ، وكان واحد منهم ساكت مش بيكلمني والتاني طول ما انا بنضف في الشباك بيكلمني يا ماما ، المهم انا فتحت الزجاج بتاع الشباك وقعدت انضف السلك اللي عليه الاول والغريب يا ماما اني بنضف بايدي مش بشئ مجرد ما المس الشئ التراب يقع ، المهم اللي جوه البيت واللي ورا الشباك اسود ظلمه مش شايفة حاجة ، بس انا كنت خايفة لاشوف جثث او ناس ميته لقيت نور خفيف كده نورلي مخصوص اشوف ايه الل يجوه القبر ده او الضريح ده لقيت يا ماما كمية عيش فينو رهيبة من الارض للسقف
بس اللي نورلي النور الخفيف شاورلي اني مقلش انا شفت ايه ففضلت انضف وانا ساكتة
وبعدين جيت عند الخشب المدهون اخضر كنت امرر ايدي الاقيه كانه ادهن من جديد باللون الأخضر والرجلين دول مبسوطين من اللي بعمله ، واحد من الرجلين قالي اجيب ورقة واقفل ضلفة من الضلف الزجاج عشان محدش يشوف في ايه جوه فعلا جبت ورقة جرنال وحطيتها عشان اجبي اللي جوه ايه وقمت من النوم على كده .
دا ايه ده يا ماما مش فاهمة حاجة ، انا انسة 32 سنة مقدمة على شغل في الجامعة ومتعطل مش عايز يتم فيه اي شئ ، قلققانة من تاخر الزواج ، حالتي الدينية متوسطة حريصة على صلاة الفجر الحمد لله ، وان شاء الله ببدء في اجراءات الدكتوراه . طمنيني يا ماما الله يباركلك .
