kblue]Arial black]السلام عليكم ورحمة الله وبركاته
ازيك يا ماما اخبارك ايه ، يارب يكرمك ويخليكي لينا انتي يا ماما مبشراني بكذا حاجة في حاجة منهم بادية تتحقق يارب بس تكمل ، المهم مش هطول عليكي وهدخل في الحلم على طول .
انا امبارح نمت من الساعة1 لغاية 4وربع قمت قبل الفجر لوحدي من النوم بربع ساعة ، حلمت 3حلمين :
الحلم الاول :
حلمت ان انا في غرفة لونها ابيض وسراريرها بيضاء شبه سرارير المستشفيات وعليها ملايات ومخدات بيضاء وانا واللي معايا لابسين ابيض في ابيض ، الاوضه دي فيها 6 سراير ، اتنين على كل حيطة وانا قاعدة في الاوضه دي ومعايا 3 ستات اتنين اعرفهم وواحدة غريبة انا سريري كان جنب الست الغريبة واصحابي الاتنين سرايرهم جنب بعض والسريرين الاخيرين فاضيين ، المهم معرفتش انام على السرير لان كان عليه تراب قمت جبت ملاية بيضاء وقعدت انفض في السرير لغاية ما التراب راح ورحت منفضة بقية السراير كمان معايا بالمرة ، صحابي الاتنين واحدة منهم كانت مش مبسوطة والتانية كانت بتبصلي وبتدعيلي وبتقولي ما معناه ربنا يكرمني يرزقني حاجة زي كده لاني نفضت السراير كلها ووشها كان منور ( مع العلم صحابي دول مطلقات )وكانوا جنب بعض وانا والست الغريبة ف يجنب تاني لوحدنا .
الحلم الثاني :
حلمت ان انا في بيتنا في الحقيقة وزي ما يكون هزعل همشي رايحة بيت تاني ، حاجة زي كده يا ماما ، المهم بابا كان مستنيني يوصلني للمكان ده وكانت معايا اختي منى (منى مخطوبة من كام شهر وهتتجوز ان شاء الله قريب) ، وانا نازلة من البيت كانت معايا شنطة زي شنطة المدرسة وماما بتسالني انتي خدتي كتبك وحاجتك معاكي قلتلها اه خدتها وانا نازلة لقيت تحت في مدخل البيت زي مكتبة فيها كتب تخصني خدت منها كام كتاب كلهم لونهم اصفر بس باحجام مختلفة وحطيت في الشنطة ولقيت كتاب كبير تخين كده لونه اصفر بس متجلد بجلاد شفاف وعليه تيكت مكتوب بالازرق بس مش فاكرة ايه المكتوب على التيكت ، خدته معايا برضه وقلت لماما لو لقيت حاجة ناقصة هكلمك اقولك تبعتيهم او تجبيهم ، وخرجت من العمارة ةبابا مستنيني في العربية واختي مستنياني عشان تركب هي كمان وبابا يوصلنا وقمت من النوم على كده .
دا ايه بقى يا ماما ، يارب يكون خير اناانسة 32 سنة غير متزوجة لا مخطوبة ببدء في تحضير الدكتوراه ، مقدمة على شغل في الجامعة ومتعطل حالتي الدينية متوسطة بس حريصة على صلاة الفجر [/font]الحمد لله .
