حلمت منز شهرين تقريبا ان اختى الكبرى حامل وجاء وقت الولاده وكانت متعثره و........
قبل ان أكمل باقى الرؤيا اقولك نبزه مختصره عن اختى هزه
وهى اختى الكبرى وهى متزوجه ولديها ولد وبنتان وزوجها والحمد لله انسان فاضل ويحبها جدا
وهى قالت كفايه عليا 3 اولاد ولن انجب رابع حتى اتفرغ لتربية اولادى خير التربيه
وكمان هى كبرت لان عمرها تعدى الاربعين ب3 سنين
فانا حلمت ليها هزه الرؤيا قبل شهر رمضان المبارك تقريبا بكام يوم
انها حامل وعند وقت ولادتها كالعاده فى المستشفى والاطباء يفحصوها وقال لى احدهم ان حالتها متأخره وكان غاضب جدا انها حملت للمره الرابعه لانها فى ال3 كانت ولاده قيصريه وهزه المره قيصريه وكان الدكتور غاضب لان المره الرابعه فى القيصريه تعتبر خطر وكمان علشان سنها كبير وكان عمال يقولى فى الحلم ان ربنا يتولاهه برحمته لان مكنش ينفع لها حمل للمره الرابعه لان فيه خطر على حياتها وانا عماله اترجاه وابكى واقوله بترجاك تعمل حاجه انت مش فاهم دى ام ل3 اولاد هيروحوا فين لو جرالها حاجه بترجاك تعمل حاجه وتنقزها وهو بيقولى مفيش حاجه فى ايدى اعملها ولقيت زوج اختى قاعد وغير مبالى بأن اختى فى حاله خطره وكان بيقولى انا قولتلها بلاش وهى اللى صممت
وفجأه لقيت نفسى بدعى ربنا والسماء كانت صافيه كأنها وقت الشروق ومددت ايدى وانا ابكى برينا واقوله يارب تقوم اختى بالسلامه احسن دا لو لقدر الله جرالها حاجه ولادها مين هيربيهم غيرها وكمان انا خايفه يارب ان لو حاجه حصلتلها زوج اختى ممكن يتزوجنى انا مع ان ليا اخت اكبر منى بس انا عارفه انه هيتزوجنى انا علشان هو بيعزنى وكمان ولاد اختى بيحبونى اوى
وفضلت ادعى ربنا ان اختى تعدى مرحلة الخطر
وصحيت من نومى وانا مخضوضه على اختى لان مكنتش عدت مرحلة الخطر ومكنتش ولدت والدكتور قالى فى نهاية الحلم انها خلاص مش هتجتاز مرحلة الخطر
وصحيت من نومى مستغربه من الحلم الغريب دا لان اختى مش بتفكر فى الولاده مره رابعه فى الحقيقه
يبقى ايه الحلم دا؟؟
على فكره قبل ما أخلص كلامى انا الحلم دا كنت مفكراه ان الشيطان بيحاول يخوفنى او ان دا اضغاث احلام
لكن من كام يوم اختى دى قالتلى انها بتفكر انه تشيل وسيلة منع الحمل وبتفكر انها تحمل للمره الاخيره قبل ماسنها يكبر من كده ومش تقدر تحمل تانى لان كلنا عارفين طبعا خطورة الحمل فى السن الكبير
فلما قالتلى الكلام دا وانها بتفكر ومحتاره ومش عارفه تعمل كده ولا ايه انا افتكرت الحلم دا بس مش رضيت اقولها انى حلمتلها حاجه
وقلت اقولك الاول وتشورى عليا هل دى اشاره من ربنا انها مش تحمل تانى ولا الرؤيا دى ملهاش علاقه بأختى ولا ايه
انا محتاره وخايفه جدا بالله عليكى تردى عليا بسرعه علشان اقول لاختى ان لو الحمل للمره الرابعه خطر عليها فهقولها على الرؤيا دى وهى بتصدقنى فى رؤيايا دايما
بالله عليكى منتظراكى ومش تتأخرى عليا
