ماما انا هحكيلك على الحلم اللى كنت شفت عليه عادل ده واحكمى بنفسم وكان الحلم ده بعد دعاء جامد ان ربنى ينور بصيرتى كنت بعدها شفت خير انى زى ما يكون كنت عند عادل ده فى بيتهم ولقيته خارج من اوضته وكان زى ما يكون مش مستور من فوق يعنى لابس تيشرت وملبسه فى راسه كده ومش ساتر باقى جسمه وقاعد كده بالمنظر ده وبعدين لقيت امه بتعاملنى بطريقة صعبة كده وبتقولى انتى بتقولى على ابنى كلام مش حلو باين وبعدين لقيتنى بقول لمامته لالالا يا طنط انا قصدى انتى ابنك ينطبق عليه الايه السادسة من سورة البقرة اللى بتقول "ان الذين كفروا سواء عليهم اانذرتهم ام لم تنذرهم لا يؤمنون " فلقيتها سكتت كده ومش عرفت ترد عليا خااااااااااااالص وزى ما يكون كبوسه او كده وبعدين لقيته قاعد قدام التليفزيون وماما بتقول خليه يجيبلى المسلسل بتاعى فكان هجيبهولها بس طول ما هوه قاعد قدام التليفزيون كان قاعد يجيب قنوات الاغانى اللى فيها مناظر مش قوى يعنى وقاعد يقلب فيها كده وهوه مش ساتر نفسه ...عادل ده اساسا يا ماما مرة بالصدفة دخلت على حسابه على الفيس لقيته ضايف بنات بالهبللللللللللل وكلهم اجانب ومتصورين بمناظر وقحة يعنى انا بتهيالى مش ظلمته ولا حاجة وحتى بعدها لما قمت من النوم فتحت المصحف واتاكدت انها هى دى الاية السادسة فى سورة البقرة وطلعت هيا فعلا يعنى ده حتى مجتش فى الاية الخامسة اللى بتوصف المفلحون
نيجى بقا للمهم ماما حبيبتى انا حلمت امبارح خير ياااااارب انى رايحة عند بابا الشغل وكنت رايحة لبنت اسمها هبة بتشتغل هناك ( هى دى البنت اللى قلنا هنفاتحها فى موضوع بسيونى ) المهم كنت راتيحة هناك وزى ما يكون متفقين مع هبة ان عندها راجل كبير وعايز عروسة صغيرة تتجوزه فهبة جابت الراجل وانا جبت البنت الصغيرة والمفروض هنقعدهم مع بعض المهم فعلا خليناهم قاعدين مع بعض ولقينا البنت بتقول يا جماعة انتوا قاعدين حوالينا كده ليه ما تسيبونا نعرف نقعد مع بعض عشان نتعرف المهم بعدها لقيت هبة دى بتدينى برفان ريحته حلوةةة جداااااااااا وكان زى ما يكون غالى وبقاله فترة معتق فروحت خففته عند راجل بتاع عطور وعينت باقى البرفان معايا وبعدين روحت لبابا وشاف فى ايدى البرفان فقالى جايبة منين الريحة الحلوة دى يا ايناس قلتله دى من هبة وكنت مبسوطة بيها اوى وبعدين قالى طب خلاص تعالى معايا عشان ميعاد الفطار جه وكنا زى ما يكون الصبح فروحت انا وماما وبابا راكبين الاسانسير لاننا كنا فى فندق كده والمطعم فى الدور التالت فلقينا الاسانسير عطل وقعد يطلع وينزل لوحده من غير ما حد يدوس على زراير وبعدين كنا خايفين لنفضل متعلقين فى الاسانسير كده ويفضل متعطل فقولت هحاول محاولة اخيرة وادوس على التالت وان فتح فتح وخلاص فدوست على التالت المرة دى فلقيته الحمد لله اتعدل ووصل للتالت بس الباب مش اتفتح فروحت فاتحاه انا بايدى وفتح الحمد لله وخرجنا بسرعة كلنا وكان ليه ميعاد الفطار شغال يعنى لسه فيه امكانية نفطر قبل ما البوفيه يتشال ولقيت بابا عملى بان كيك اللى هيا عبارة عن بيض ودقيق ولبن دى وراح مدينى نصها بس وقالى انا هديكى النص ده بس فقولتله لا انا عايزاها كلها قالى لا هتاخدى النص ده بس والباقى بقا عليكى انتى وكان لسه فى الحلم معايا برفان هبه ده ...مش عارفة ليه يا ماما قومت من النوم وكنت حاسة ان البنت الصغيرة دى انا والراجل الكبير بسيونى مع العلم انه اكبر منى بحوالى 8 او 9 سنين يعنى فرق كبير برده
معلومات تفيدك فى التفسير
ماما قالت لبابا عن موضوع بسيونى ده فقالها انا عليا اقولكوا بييجى دمياط امتى عشان هوه عارف مواعيده وانتوا تروحوا الاماكن المتواجد فيها عشان طبعا هوه مش هيروح يقوله خد بنتى وحاليا لسه هوه مجاش واول ما ييجى بابا هيقولنا وبندعى ربنا يسهلها من عنده ومش نفضل معلقين كده
