السلام عليكم ورحمه الله وبركاته
اختى حلمت يا ماما نجيه
"انها واخويا الصغير وانا قاعدين على البحر ،، وكان فى شابين قاعدين برضه
فالشابين دول اعطوا لأخويا كوره عشان يلعب بيها
وبعدين وهو بيلعب بالكوره دخلت منه فى البحر
حاولت اختى تجيبها ودخلت البحر بس لقيت الموج عالى وممكن تغرق ،، وبرضه اخويا لصغير حاول بس رجع عشان الموج عالى والبحر عميق
وبعدين نزلت انا عشان اجيبها ودخلت
وفضلت ختى تنده علي وتزعقلى عشان البحر ممكن اغرق فيه وتقولى ارجعى ارجعى هتغرقى
بس انا مسمعتش كلامها وكملت ووصلت للكوره فعلا وجيبتها
بس وانا جايه ارجع معرفتش
لان الموج على اوى والبحر كان بيتقلب جامد
فكنت انا بغرق ومش عارفه ارجع
فنزل واحد من الشابين اللى كنوا جمبنا عشان يلحقنى واللى نزل ده كان الاصغر سنا فيهم
ونزل وراه اخوه التانى الكبر منه سنا
وشالونى هما الاتنين وطلعونى ،، وكان واحد شايلنى من رجلى وواحد شايلنى من عند كتفى
وطلعوا بيا
وبعدين اختى بتضحك وبتقولهم " ما انا بغرق يعنى محدش بينقظنى ..!!! "
وبعدين بيقنا قاعدين وقال الشاب الصغير هو خطيبى وأخوه الاكبر منه خطيب اختى
واختى كانت زعلانه شويه عشان خطيبى صغير وأمور وخطيبها أكبر منه وشكله عادى ."
انتهى
أنا واختى ( أنسه _ التدين الحمد لله _ طالبه بالجامعه )
