الشغل فى الحلم يا ماما نجيه ( استفسار خاص بالحلم )

السلام عليكم ورحمه الله وبركاته

ازيك يا ماما نجيه ربنا يحميكى يارب ويخاليلك اولادك يارب

اختى سها متزوجه ومعاها ولد وبنت وحامل

اختى سها حلمت انها هى واختى ليلى رايحين الشغل وكانت بتجمع العيش كتيييييييييييييييييييييييييييييييييير

اوى اوى اوى عيش كتير وعملت سندوتشات ومنها سندوتشات جبنه وكانت بتعمل سندوتشات

عيش بلدى عادى وعيش فينو بس كانو كتيييييييييييييييييييييييييييييييييييييييييييييييييير اوى

وبعد ما عملت السندوتشات كلهم علشان تاخدهم هى و اختى ليلى معاهم الشغل

ف ماما قالت لها طيب يا سها تخدى بصلتين معاكم علشان تبلعى بيهم الاكل ف سها قالت لها طيب

وبعد كده سها عبت السندوتشات الكتيره اوى فى شنطه واحده وادتها ل اختى ليلى

وقالت لها ياله بينا يا ليلى نروح الشغل ف ليلى اخذت الشنطه اللى فى السندوتشات الكتيره

وقالت ل سها انا هنزل استناكى تحت يا سها ف سها قالت لها طيب يا ليلى روحى استانينى تحت

وانا هدخل الحمام وهنزلك على طول ف سها دخلت الحمام وعملت حمام وكان بابا واقف لها ادام الباب

وبعد ما خرجت اكتشفت انها بشعرها ومش لابسه الحجاب بتاعها ف دخلت الاوضه

علشان تلبس الطرحه فلبستها بشكل النقاب وكانو طرحتين ف كان اخويه واقف وبقول

لها ايه ده يا سها انتى وشك مش باين خالص غير عنيكى بس هى اللى باينه

ف بصت فى المرايه وشافت انها اكنها لابسه نقاب فسحبت طرحه منهم ولفت الطرحه التانيه عادى

زى ما بتلبسها عادى وجرجت بره فى الاوضه التانيه فكان اعد اسامه اللى هو زوج ليلى

وكان بيبص على سها زى ما يكون بيقول لها انتى لسه هنا وسيبه ليلى واقفه تحت

فى الشارع من بدرى بس اسامه مقلش الكلام ده هى سها اللى حسته منه وبعد كده

اخذت شنطتها وجريت على تحت بسرعه علشان ليلى اللى واقفه فى الشارع من بدرى

وبعد ما نزلت اكتشفت انها نسيت الموبايل فوق فى الشقه وقالت ياله مش مهم الموبايل علشان متاخرش على ليلى

ف وهى ماشيه اكتشفت ان لبسها مش حلو كده وشيك لا اكتشفت انه فلاحى شويه ومش عاجبها

فقالت مش مهم وبعد كده وهى ماشيه كانت ماشيه وراها ام صفاء جارتنا المتوفيه

ومعاها واحده تانيه اسمها صفاء ووحده تانيه هما التلاته كانو بيضحكو على اختى سها

علشان لبسها مش حلو ف سها بصت عليهم وراه وقالت ل ام صفاء المتوفيه

قالت لها ماشى يا ام صفاء ماشى بتضحكى عليه ماشى لما اروح هقول لامى عليكى ماشى وسها

فضلت تجرى علشان تطلع ل ليلى على الشارع ف الشنطه وقعت منها ف سها قالت الشنطه

وقعت منى كمان فكانت وصلت ل ليلى على الشارع وليلى كانت واقفه هى والبنات على الشارع

ف سها شافت ليلى مش لابسه اللبس اللى كانت نازله بيه لا كانت لابسه لبس مكشوف خالص

كانت لابسه جيبه قصيره اوى فوق الركبه وضيقه اوى وبدى كاشف كل جسمها

ظهرها كله مكشوف وزاعها التنين مكشوفين وبشعرها ف سها استغربت اوى من لبس ليلى

وكان بتبص عليها وهى مستغربه منها ومن لبسها وكانت هتقول لها ايه ده يا ليلى وايه اللى انتى لبساه ده

بس صحيت من النوم على كده

ملحوظه يا ماما نجيه ليلى وسها هما متزوجين ومش بيشتغلو خالص

واسامه اللى فى الحلم هو زوج ليلى ومهاهم ولد وبنت وبس

وجزاكى الله الجنه يارب

حبيبتى الرؤيا فيها جزء حلو وجزء وحش انا مش هفسرها وهقول لك استعيذى بالله من الشيطان الرجيم كثيرا والله يبعد عنكم الشر

طيب يا ماما نجيه ممكن تفسريلى الجزء الحلو منها

والوحش لا ممكن

ممكن الاشراف يطلع موضوعى بره تانى

زائر

معلش ياقمر استني شوية لان انهردا في ضغط على الاحلام

بكرة ان شاءالله نرجعهولك

اختى امانى مهو حلم انهرده يتفسر بكره

زائر

mabc55 كتب:: اختى امانى مهو حلم انهرده يتفسر بكره

ياقمر تقصدي ايه مش فهماكي؟؟

انا قصدي ان لما الاحلام الي اتكتبت انهردا كلها تتفسر

نبقا نحط الاحلام الي محتاجة استفسار والاحلام الجديدة

لاني كلمت ماما وهيا مجهدة اوي مش عايزين نتعبها اكتر من كدا وانهردا في ضغط كبير

وكان في فوق ال25 حلم وفي ناس لسة احلامها متفسرتش

ان شاءالله هيا بكرة تدخل تطمنك

لا يا ماما نجيه الف سلامه عليكى من الاخهاد

فعلن يا ماما حضرتك بتتعبى ربنا يعينك ويديكى الصحه والعافيه يااااااااااااارب\

ملحوظه يا ماما نجيه

ام صفاء اللى فى الحلم هى متوفيه بس مازتش اختى ولا حاجه

دى كانت بس ماشيه وراها وبعد كده اختى سابتها ومشيت وام صفاء مشيت يعنى ان شاء الله يارب

يكون خير يارب بس فسريلى الجزئيه الحلوه اللى فيه ويارب يارب يارب يكون خير ياااااااااااااااااااااااااااااارب

وانا فى انتظارك غدا ان شاء الله يا جميل

حبيبتى عزة الجزء الحلوة ان سها ربنا يسهل وهتقوم بالسلامة وهيكون عندها مناسبة حلوة وربنا هيرزقها برزق من عنده ان شاء الله اما الجزء الاخر ربنا يستر منه والله معكم

» المناسبه فى الحلم يا ماما نجيه (استفسار خاص بالحلم )
» 3- الثعبان في الحلم يا ماما نجيه ( استفسار خاص بالحلم )
» البنت في الحلم يا ماما نجيه ( استفسار خاص بالحلم )
» الخناقه فى الحلم يا ماما نجيه ( استفسار خاص بالحلم )
» نشير الهدوم فى الحلم يا ماما نجيه ( استفسار خاص بالحلم )