ماما حبيبتى انا كنت شفت خير ياااارب ان احمد اللى مش حصل معاه نصيب انه غير شغله اللى بيشتغله فى الشركة اللى بيشتغل فيها حاليا مع والدى وانه راح شركة تانية بتشتغل فى الهندسة المعمارية (على الرغم ان ده مش تخصصه لان تخصصه مجال الكومبيوتر ) وكان رايح على اساس منصب احسن من المنصب اللى هوه فيه حاليا وبعدين كان عامل اعلان فى كل الشركة ان جاتله الوظيفة دى وبعدين انا جيت اكلمه فى التليفون بعدها وكنت انا اللى طالباه مش هوه عشان اهنيه واساله على موضوع الوظيفة ده فكان بيكلمنى كويس بس زى ما يكون كنت بكلمه من وره بابا !!!! وبعدين دخل بابا عليا وانا بكلمه ا فمش عرفت اتكلم قدامه فروحت قافلة الخط وعاملة موبايلى على خاصية كده موجوده فيه بانى اعمله غير متاح مش مغلق يعنى التليفون يكون فعلا مفتوح بس الشبكة هى اللى مش موجوده المهم وقلت انه لو طلبنى هيلاقينى غير متاح وبعدها بشوية بعد الزحمة اللى حواليا خفت لانى كنت بعمل حاجات كتير فى النص قلت اطلبه تانى لقيته قافل تليفونه بحيث لا انا ولا غيرى يعرف يطلبه ...انا قمت من المنام ده مستغربة لان تفكيرى فى احمد بقا محدود جدا ومش عارفة ده معناه ايه ....وعلى حد علمى اللى اعرفه عن احمد اليومين دول انه موقف موضوع الارتباط ده خااالص بعد خطوبته الاولانية ما اتفركشت وهوه ده كل اللى اعرفه عنه حاليا لا اكتر ولا اقل
