الحياء .. الحياء .. الحياء
كل ما حد يتكلم عن النساء يقول الحياء شرط مهم و و و
ايه يعني الحياء؟؟ ما انا بالبس حلو أهوه وواسع ومش متبرج وزي الفل
ايه يعني لما أضحك بصوت عالي في الشارع ماهو أنا مع صحباتي مببقاش لوحدي علشان بس متقولوش حاجة
وايه يعني لما اتكلم مع فلان ((زميلي)) في الجامعة وآخد رقمه وياخد رقمي ونتكلم ماهو زي ((أخويا))
وايييييييييه يعني لما صوتي يعلى في المحاضرة وأنا بأتكلم مع الدكتور قدام الشباب ؟؟
عادي يا جماعة محبكينها ليه ده (( الدين يسر)) والموضوع أبسط من كدة
ده في أمريكا البنت لما بتوصل ((مش عارفة كام سنة )) بتستقل بحياتها وتعمل وتعمل وتعمل انتو بس اللي مزودنها شوية
انتو ضد التطور؟؟
انا مبقولش ابقى زيها لأني ((الحمد لله)) بألبس واسع وكويس يعني ((حجاب شرعي)) فمش (( over)) يعني
-------------------------- -------------
نرد على حبيبتي وأقولها :
(( الحياء شعبة من شعب الإيمان))
(( الحياء لا يأتي إلا بخير))
(( الحياء فطرة جُبلت عليها النساء))
آه لو فهمتي آية : (( تمشي على استحياء)) ياااااااااااااه ..
الحياء يعني (( دم )) في شرايين كللللللللل (( مسلمة)) ومش معنى اني لبست
(( الحجاب الشرعي)) يبقى أنا كدة اترفع عني القلم في مسألة الحياء
بالعكس
لبستي الحجاب الشرعي يبقى فرضتي عليكي التحلي (( بالحياء)) .. بقيتي قدوة .. بقيتي رمز للحياء والعفة
يعني صوتك يعلى على صوت الرجال في الشارع أو في المحاضرة ده ضد الحياء ..
ومقصدش انك متسأليش الدكتور لكن تسأليه بعد انتهاء المحاضرة أو تخفضي صوتك
وبرضه مش معناه ترققيه وتخضعي بالقول يبقى انتي كدة بتبوظي الحكاية أكتر
الشارع بقى له قوانين سير زي قوانين المرور .. لا ضحك ولا كلام بصوت عالى
.. انتي تمشي في الشارع ((نكرة)) - ان صح التعبير - يعني محدش يحس بيكي
ومتمشيش في وسط الطريق برضه لان النبي نهى عن ذلك - صلى الله عليه وسلم -
حبيبتي ..
أنا قدوتي مش الأمريكانية أو الهولندية أو غيرها .. أنا مسلمة قدوتي نساااااء السلف الصالح والصحابيات
الصحابيات اللي لما النبي قال لا تحققن الطريق بقوا يمشوا هدومهم بتمسح في الجدران
لما النبي قال يمشين كأن على رؤسهن الطير كان مبيتسمعلهاش حس
لما النبي قال ولا تخضعن بالقول كنّ لا يهمسن في وجود الرجال
دول قدوتي .. دول رمز ليا وليكي
وافتكري .. إن الحياء لا يأتي إلا بخير :)
منقووووول
