انا انى فى مكان ما تقريبا محل او حاجه زى كده وكانت هناك خاله امى وبنتها وكان معايا بنات (مش عارفهم مين فى الحقيقه بس فى الحلم زى ما يكونو قرايبى) وطنط خاله امى سالتهم انتو ليه لبسين توينز فى ايديكم ايه لازم تكونو مستعدين وبعدين انا ابتسمت كده وفى نفسى بقول ياريتنى عندى زيهم فهى زى ما تكون حسيت بيا (طنط دى فى الحقيقه معطاءة جداااا وممكن تعملى اى حاجه نفسى فيها) راحت قالتلى خدى يا رانيا التوينز بتاعى واديتنى خاتم مش توينز بس كان كبير اووى (اخدعقله صباعى كلها) وكان فيه 4 فروع كده وفيهم فصوص زى الالماظ 2 كبار و 2 صغيرين والخاتم مكنش دهب بس مكنتش عارفه هل ده بلاتين ولا فضه ولا ايه واتكسفت انى اسالها وبعدين لبستهولى فى ايديا الشمال طلع واسع فى ايدى اليمين كان فى دبله دهب سالتنى بتاعه مين دى قولتلها دى بتاعه ماما ضاقت عليها واديتهالى اوسعها وشيلت الدبله وحطيت الخاتم كان واسع برضه حبه بس اللى هو حلو يتلبس يعنى وبعدين بنتها راحت عطيانى خاتم تانى بس رفيع كده وبفص زى الولى او حاجه زى كده لبسته فى ايديا الشمال وكنت خايفه يطلع ضيق بس هو طلع يادوب بس الخاتم ده برضه مكنش دهب كان لونه فضى وباقى الحلم كان كانى فى مدرسه ومعايا ناس كانو زمايلى فى الشغل وبدور على اسمى في اى فصل ودخلت الفصل اللى هما فيه زميالى دول وقعدت معاهم وكانت واحده قاعده بتشتكيلى وبتعيط وانا حضنها اووى وبتطبط عليها
الحلم بعد صلاة الفجر كنت بدعى ربنا يفرج كربى يغفر ذنبى انا انسه 25 سنه حاليا لا اعمل وخاله امى عندها 65 سنه لا تعمل حاليا ومتزوجه وعندها ولد وبنت (الحاله الدينيه جيده ماشاء الله) بنتها 43 سنه متزوجه وعندها 3 اولاد وبتشتغل (الحاله الدينيه جيده ماشاء الله) انا الحالهد الدينيه متوسطه والحاله النفسيه مش ولا بد
حبيبتى رؤيتك جميلة وان شاء الله تتحقق باذن الله حبيبتى ان شاء الله فيه امنية لكى تريدي تحقيقها وهتجدى من يحققها لك وهيتقدم لك عريسين عن طريق اقاربك وربنا يسهل وتختارى واحد ومنهم واحد عالى القدر بس مش مناسب اوى واخر اقل شوية ولكن هيعجبك اكثر وعليك بصلاة الاستخارة والله يوفقك
