ماما نجيه روح قلبى يارب تكونى بخير وبألف صحه وسلامه وربنا يجعل ايامك كلها فرح يارب
ماما حلمت الحلم ده ليا امبارح الحاله الدينيه الحمد لله ملتزمه والموضوع اللى كان شاغلها قبل النوم موضوعى انا وخطيبى طبعا حضرتك عارفه
ماما حلمت انها رايحه عند واحد قاريبنا تسلم عليه قبل ما يسافر لانه كان رايح العمره وماما وهى رايحه عنده كانت فاكراه ساكن فى بيت عادى بس المفاجأه انها لقيته عايش فى قصر وقدام القصر ده فى بانيو لبنى
فماما خبطت فعمتى فتحت لها الباب وفى الحقيقه عمتى مش ليها اى علاقه بالراجل قريبنا ده وعمتى مش متجوزه كمان وعمتى بتقول لماما انتى جايه بالعبايه الوسخه دى ليه فماما مش انتبهت لعمتى ولكلمها ودخلت وطلعت فوق فى الدور التانى فى القصر وفتحت باب اوضه والاوضه دى فيها سرير كبير وجميل اوى متزين بالفضه يعنى سرير فى قصر فعلا مش زى السراير العاديه فلقتنى انا واقفه فى الاوضه ولقت على السرير بنت صغيره خالص لسه مولوده وبترتعش اوى زى ما تكون هتموت من البرد فماما خافت عليها وبصت ماما فلقت بطانيه اطفال على السرير اللى نايمه عليه البنت فماما لفتها بالبطانيه دى وضمتها على صدرها فالبنت دفت شويا وبطلت الرعشه راحت ماما قالتلى خوديها فأنا اخدتها من ماما وضمتها على صدرى وماما صحت من النوم على كدا
