ماما حبيبتى اسفة على التاخير اولا معلش النت كان عنده مغص ....حبيبتى عايزة اوضحلك توضيح قبل المنام انا اعرف بنت صاحبتى اسمها نور وكانت مرتبطة بشاب خريج اكاديمية بحرية وانا كمان للصدفة احمد اللى مش حصل مععاه نصيب خريج نفس الاكاديميمة دى وهى موضوعها ملخبط ومليان قلق مع الشخص ده وطبعا حضرتك عارفة ان كمان موضوعى مع احمد مش كمل .....المهم شوفت خير ياااارب انى زى ما يكون خارجة من الاكاديمية دى وسايباها ورايا كده ومروحة على بيتنا وبعدين شفت نور راكبة عجلة وره شاب جوه الاكاديمية دى وماشية معاه فانا بصتلها كده وكملت طريقى عشان اخرج بره الاكاديمية وبعدين لما خرجت لقيتها واقفة لوحدها بره من غيرالشاب ده فقولتها امال هوه فين مش كنت راكبى عجلة وره واحد قالتلى لا خلاص مشى تقريبا المهم مشت معايا فشفت زى محل حلويات (هوه موجود فى المنصورة) المحل ده اسمه البارون فانا قلتلها تعالى ندخل انا عايزة اكل حاجة حلوة اوووووووى وانا عازماكى فى الاول مكانتش مشجعة بس انا قعدت ازن المهم دخلنا وطلبنا كل واحد فينا عصير مانجه على قد فلوسنا وهى اللى اقترحت وكنا عارفين ان المانجة اللى فى المكان ده حلوة وكان الطلب ب عشرة جنيه فانا كنت عارفة ان معايا 50 جنيه وهدفع منهم فجاية بفتح الشنطة مكنتش لاقياهم فى الاول لدرجة ان نور قالتلى ادفع انا قولتلها لا ودورت كويس ولقيت بدل الخمسين جنيه الواحدة خمسينتين يعنى كان معايا 100 جنيه وانا مكنتش اعرف فجاة كده اكتشفتهم فى شنطتى ولقيت زى ما يكون نور كده طلبت طلب من ورايا من الجرسون وكان عبارة عن فروت سلاط بس زى ما يكون هتاخده معاها البيت لاخواتها وطلبته كده بالمدارى عنى والراجل جابهولها فى كيس بس بعد كده طلعته على الترابيزة واكلت منه وجت تدوقنى منه لقيتنى باكل عنب بالعناقيد بتاعته فاشمئزيت كده وقلتلها ميرسى انا هستنى العصير بتاعى ييجى وخلص الحلم على كده وغالبا انا اللى دفعت الحساب بتاع العصير بتاعى وبتاعها ..طبعا يا جميل انتى عارفة ان موضوع احمد خلص وبدعى بموضوع بسيونى اما نور فبحس انها اوقات مش واضحة يعنى شوية تقول موضوعها القديم خلص وشوية تخلى الامور عايمة كده خصوصا ان فى حد معرفتنا كان كلمنى اقولها عليه كعريس بس هى متأمرة وشوية تقول اه وشوية تقول لا...بس مش عارفة معناه ايه انى ادفعلها وفى الاول ملاقيش الفلوس وتعرض هى تدفع الفلوس و بعدين الاقيها مضاعفة فى شنطتى ...اسفة جدااااااااا على الازعاج يا امى
